Mzozo na utata - Wiki mbili za kwanza za Rashford ndani ya 'msururu wa mchezo wa maigizo' wa Barca

Mchezaji mpya wa Barcelona Marcus Rashford atacheza mechi yake ya kwanza nyumbani Jumapili, akimenyana na Como katika mechi ya mwisho ya kirafiki kabla ya kuanza kwa Ligi ya Uhispania -La Liga.

Lakini sio mara ya kwanza kuonekana katika jiji lake jipya ambalo Rashford hakuwahi kufikiria.

Mchezo huo utachezwa ndani ya uwanja wa mazoezi wa Barcelona, na uwepo wake katika mechi ya ufunguzi wa ligi wikendi ijayo bado haujahakikishwa.

BBC Sport inatathmini kwa kina, lakini kwa kawaida, mzozo wa wiki mbili kwa mabingwa wa Uhispania.

Mzozo wa Ter Stegen unakufa

Maisha hayawi shwari katika FC Barcelona - au 'Can Barca' kama klabu na mazingira yake yanajulikana nchini Uhispania.

Majira haya ya kiangazi hayakuwa tofauti, huku wiki mbili za kwanza za Rashford katika klabu hiyo zikigubikwa na mfululizo wa sakata.

Kubwa zaidi kati ya sakata hizo, lililomhusu nahodha wa klabu Marc-Andre ter Stegen, lilionekana kwa muda kana kwamba lingechelewesha mechi ya kwanza ya ligi ya Rashford.

Ter Stegen ni gwiji wa Barca akiwa na zaidi ya mechi 400 na mataji 17 chini ya mkanda wake. Lakini hivi majuzi amepata majeraha kadhaa, akicheza mechi tisa pekee msimu uliopita, na usajili wa majira ya kiangazi wa Joan Garcia kutoka Espanyol unaonyesha vikali klabu hiyo iko tayari kumuweka kando nahodha wao.

Majaribio ya kumuuza, hata hivyo, yalikwama pale kipa huyo alipofanyiwa upasuaji wa tatizo la mgongo - na hilo pia lilikuwa na madhara makubwa zaidi.

Barca kwa sasa wamezuiwa na La Liga kusajili wachezaji wao wapya, akiwemo Rashford na Garcia, kwasababu fedha zao hazikidhi miongozo mikali ya La Liga.

Kumuza Ter Stegen kungefungua fursa ya kutosha ya mshahara ambao ungesaidia kufanya hivyo, lakini upasuaji wake uliufanya uuzaji wa wachezaji wa majira ya kiangazi kutowezekana. Kwa hivyo Barca walipanga mpango mwingine: kufuta usajili wa nahodha wao hadi Januari.

Ter Stegen, hata hivyo, alikataa kutia saini hati muhimu, kwasababu jeraha lake linafaa kumuweka nje hadi Novemba.

Barca walijibu kwa hasira, wakafungua kesi za kinidhamu dhidi ya kipa huyo na kumvua unahodha.

Hatimaye Ter Stegen alikubali nahodha kurejeshwa na atatumia miezi michache ijayo kama mchezaji ambaye hajasajiliwa katika akiwekwa katika kipindi cha kupona kabla.

Hilo linapaswa kufungua milango kwa Rashford na wachezaji wengine wapya kusajiliwa (lakini huwezi kuamini chochote hadi sasa hadi makaratasi yakamilike), ikimaanisha kuwa atapatikana kwa mechi ya ufunguzi wa ligi Jumamosi ijayo dhidi ya Mallorca.

Mchezo huo utachezwa ugenini… na hapo kuna mchezo mwingine wa kuigiza wa msimu wa kiangazi.

Jengo la ajabu bado linajengwa upya

Katika kuzuka kwa ushirikiano kati ya Barca na La Liga, michezo mitatu ya kwanza ya ligi ya klabu hiyo imepangwa ugenini, na kutoa muda wa kukamilisha ujenzi mpya wa Nou Camp.

Kinadharia Barca wametumia misimu miwili iliyopita kucheza kwenye Uwanja wa Olimpiki wa jiji hilo huku nyumba yao ya kifahari ikifanyiwa marekebisho makubwa - na kuongeza viti 10,000, paa na vifaa vya ushirika vilivyoimarishwa - ambayo inagharimu zaidi ya pauni bilioni 1.

Mradi huo umepata ucheleweshaji mkubwa, na ule uliopangwa kufunguliwa tena mnamo Desemba 2024 sasa umepita.

Mchezo wa kirafiki wa wikendi hii dhidi ya Como ulitengwa kwa ajili ya ufunguzi mkuu. Lakini hilo pia halikuwezekana, hivyo mchezo ukabadilishwa hadi kwenye Uwanja wa Johan Cruyff wenye uwezo wa kuchukua watu 6,000 ndani ya uwanja wa mazoezi, ambao kawaida hutumiwa na wachezaji wa akiba na timu za wanawake.

Hatua inayofuata ni wikendi ya Septemba 13-14, wakati Barca watakapoikaribisha Valencia kwa kuchelewa kwa mechi yao ya kwanza ya nyumbani katika raundi ya nne ya La Liga.

Picha za hivi punde kutoka kwa tovuti ya ujenzi - ambayo ndiyo Nou Camp zinaonyesha viwango vya chini vya viti vimewekwa na uwanja umewekwa, lakini bado kuna kazi kubwa ya kukamilika.

Mapema wiki hii, mamlaka za mitaa zilikubali kutoa vyeti vya usalama ili kuruhusu karibu mashabiki 27,000 ndani kwa ajili ya mchezo wa Valencia - lakini ikiwa tu ujenzi muhimu utakamilika kwa wakati. Kwa hivyo sasa ni mbio dhidi ya saa bila tikiti bado zinazouzwa au ukumbi uliothibitishwa.

Na ni lini uwanja huo mpya utakamilika kikamilifu, na kumruhusu Rashford na wachezaji wenzake kujitokeza mbele ya mashabiki zaidi ya 100,000? Kwa sasa, swali hilo gumu linapuuzwa.

Lakini ni mbali… huenda hata ikachukua muda mrefu baada ya Rashford kuondoka.

Jeraha la Lewandowski linafungua mlango kwa Rashford?

Pamoja na kelele zote zinazozunguka wakati mwingine inaweza kusahaulika kuwa lengo kuu la Barcelona ni kucheza soka - na uwanjani Rashford ameanza kwa matumaini.

Mechi yake ya kwanza ilitokea wakati wa ziara ya majira ya kiangazi ya klabu hiyo barani Asia, akionyesha milipuko wakati wa ushindi wa 3-1 dhidi ya mabingwa wa Japan Vissel Kobe (mchezo ambao, kwa mtindo wa kawaida wa Barca, ulighairishwa na kisha kurejeshwa ndani ya siku chache baada ya kuanza kufuatia mzozo kati yake na promota).

Rashford ameendelea kucheza kwa wingi katika kipindi chote cha maandalizi ya msimu mpya, akifunga bao lake la kwanza la Barca katika ushindi wa 5-0 dhidi ya Daegu ya Korea Kusini Jumatatu iliyopita.

Uchezaji wake wakati wa ziara hiyo ulipata sifa kubwa, huku vyombo vya habari vya nchini vikiripoti kuwa amewavutia wachezaji wenzake wapya kwa uwezo wake wa kiufundi na umbo lake la kimwili.

Na nafasi yake ya kuchukua jukumu muhimu mara moja imeongezwa na jeraha kwa mshambuliaji Robert Lewandowski, na kuwaacha Rashford na Ferran Torres kuwania nafasi ya mshambuliaji wa kati.

Rashford alijaza nafasi hiyo kwa matokeo mazuri katika ushindi dhidi ya Daegu na bila shaka atakuwa na dakika zaidi kama mshambuliaji dhidi ya Como, na kumpa nafasi nzuri ya kumshawishi Hansi Flick aanze dhidi ya Mallorca wikendi ijayo.

Hadhi ya Lewandowski kwa mechi ya kwanza ya shindano haijafahamika, lakini Flick tayari ameona Rashford anaweza kutoa mchango mkubwa kama nambari tisa au winga ya kushoto, kwa hivyo ana uhakika wa kupata nafasi.

Na, kwa kuzingatia uchunguzi usio na mwisho alioupata wakati wa miaka yake ya mwisho nchini Uingereza, labda amefarijika kwamba sarakasi isiyoisha ya Barca, hadi sasa, ilimruhusu kuruka chini ya rada.