Ukraine yatangaza kuliangusha kombora la Urusi 'lisilowezekana'

Wanajeshi wa Ukraine, kwa msaada wa mfumo wa ulinzi wa anga wa Patriot, walifanikiwa kuangusha kombora la Kirusi la hypersonic "Dagger" katika anga ya mji wa Kiev.

Hapo awali, mifumo ya Patriot ilitumiwa dhidi ya makombora ya kawaida ya balestiki, na uwezo wa kurusha makombora ya hypersonic ulikuwa wa kinadharia tu.

Siku ya Jumatatu, Yuriy Ignat, msemaji wa Jeshi la Anga la Vikosi vya Wanajeshi wa Ukraine, alielezea ni kwa nini Ukraine hapo awali ilikanusha kwamba ilidungua "Dagger" ya Urusi juu ya Kiev.

"Hatukupanga kuwajulisha jamii na adui mara moja kwamba kombora lao liliangushwa ... Wacha wafikirie, watafute kule Kinzhal yao ilienda. Uamuzi huu ulifanywa na uongozi wa juu,” Ignat alisema. Kulingana na yeye, waliamua kuthibitisha habari hiyo tu baada ya kuonekana katika vyanzo vingine.

Mtaalamu wa kijeshi wa Baraza la Ulaya la Mahusiano ya Kigeni (ECFR) Gustav Gressel aliandika kwenye Twitter yake kwamba tarehe 4 Mei, Vikosi vya Wanajeshi vya Ukraine kwa msaada wa mfumo wa ulinzi wa anga wa Patriot wa Marekani ulinasa kombora la Urusi la hypersonic Kinzhal juu ya Kiev, ambalo Urusi imedai kwamba haliwezi kuharibiwa.

Habari hiyo hiyo ilichapishwa na toleo la Ukraine la Defense Express, pamoja na picha za mabaki ya roketi iliyoanguka kwenye moja ya viwanja vya Kyiv, zilizopatikana kutoka kwa vyanzo vingine.

Baada ya hapo, habari hiyo ilithibitishwa na kamanda wa Vikosi vya Wanajeshi wa Ukraine, Luteni Jenerali Nikolai Oleshchuk.

"Hongera kwa watu wa Kiukreni kwa hafla ya kihistoria! Ndiyo, tuliiangusha Kinzhal “isiyo na kifani!”

Kulingana na jenerali huyo, iliwezekana kuharibu kombora kwa msaada wa mfumo wa ulinzi wa anga wa Patriot wa Marekani.

Je, ulinzi wa anga wa Ukraine unaweza kuliangusha kombora la Kinzhal la Urusi? Mwandishi wa BBC wa vita Pavel Aksenov anaeleza:

Wiki chache tu zilizopita, jeshi la Ukraine lilisema halina nguvu dhidi ya makombora ya balestiki, na sasa, bila mabadiliko yoyote, walitangaza uharibifu wa shabaha ambayo wataalam ulimwenguni kote walizingatia kwa ujumla kuwa haiwezi kuathiriwa.

Hatahivyo, taarifa hii inathibitishwa na vyanzo rasmi vya New York Times katika gazeti la

Marekani, huku mmoja wao akisema kuwa habari hizo zimethibitishwa kwa njia za kiufundi.

Uthibitisho mwingine usio wa moja kwa moja wa ukweli huu ni ukosefu wa majibu kutoka kwa Urusi.

Kulingana na Wizara ya Ulinzi ya Ukraine, kombora la hypersonic la Urusi lilidunguliwa Mei 4 saa 2:30 asubuhi katika mkoa wa Kyiv kwa kutumia mifumo ya ulinzi wa anga ya Patriot.

Urusi kawaida huripoti matumizi ya makombora kama hayo mara moja. Uzinduzi wa silaha za kisasa za teknolojia ya juu hutumiwa kikamilifu na propaganda za Kirusi, ambazo zinatangaza ubora wake na kutoweza kuathirika na silaha za nchi nyingine.

Hatahivyo, wakati huu idara ya jeshi la Urusi haikutoa tamko moja - wala kudhibitisha ukweli wa shambulio hilo, au kukataa kwamba kombora lilidunguliwa.

Hatimaye, ili kuunga mkono madai kwamba Kinzhal iliharibiwa, toleo la UKraine la Defense Express lilichapisha picha za mabaki hayo, ambayo, kulingana na waandishi wa habari, yanaonekana kama sehemu za kombora la hypersonic la Urusi.

Hatahivyo, ni vigumu sana kuamini kuwa ulinzi wa anga wa Ukraine uliweza kuangusha "Dagger" - sifa za utendaji zilizotangazwa za silaha hii zinaonekana kuacha nafasi ndogo sana kwa mifumo ya kupambana na ndege.

Je kinzahl ni kombra la aina gani?

Kinzhal ni kombora la aeroballistic ambalo lina kasi ya hadi hadi Mach 10. Kiashiria hiki ni vigumu kubadili kilomita kwa saa, kwa kuwa nambari ya Mach ni thamani ya masharti, inaonyesha kasi ya kitu kuhusiana na kasi ya sauti katika mazingira fulani. , na kwa hiyo itakuwa tofauti kwa umbali tofauti.

Tunaweza kusema kwamba roketi hii inaweza kusafiri kwa kasi zaidi ya kilomita 14,000 kwa saa.

Hii inaacha wakati mdogo sana kwa hesabu za ulinzi wa hewa kujibu. Upeo wa juu wa "Dagger" unaaminika kuwa kilomita elfu mbili.

Hata kwa kuzingatia ukweli kwamba roketi itapata kasi katika hatua fulani, na mahali pengine itapoteza kasi hiyo kwa sababu ya upinzani wa hewa, bado haitachukua zaidi ya dakika 10 kuruka umbali kama huo kwa kasi ya kilomita elfu 14 kwa saa.

Ndege hii hufanya kama hatua ya kwanza ya roketi - huinuka hadi urefu wa kilomita 15 na kupaa kwa kasi ya juu, baada ya hapo infyatua roketi, ambayo kisha huinuka juu zaidi - hadi kilomita 20, kwa kasi ya kombora la hypersonic.

Kinzhal inachukuliwa kuwa kombora la "aeroballistic". Inaruka kwenye njia ya mlalo kutokana na mwendo wa kasi sana. Kasi yake hupungua kiasi katika hatua ya mwisho ya usafri.

Inaaminika kuwa "Dagger" ina uwezo wa kusafiri kwa kasi ya hypersonic. Ujanja kama huo umeundwa ili kufanya utekaji nyara kuwa mgumu zaidi, kwani kombora la kukinga ndege lazima lielekeze kwa upakiaji mkubwa zaidi kuliko lengo lake, na katika kesi hii haiwezekani.

Lakini wangewezaje kulizuia kombora hilo?

Wizara ya Ulinzi ya Ukraine ilisema kwamba ilitumia mfumo wa ulinzi wa anga wa Patriot uliotengenezwa na Marekani, uliotolewa hapo awali na Vikosi vya Wanajeshi wa Ukraine, kwa hili. Hivi sasa, silaha tata kama hizo hutumia aina mbili za makombora - PAC 2 na PAC 3.

PAC 2 ni kombora lenye uwezo wa kusafiri umbali mkubwa na linaweza kuzuia shabaha za angani kwa urefu wa hadi kilomita 25 na kwa umbali wa hadi 160.

PAC 3 ni haliruki umbali mkubwa - radius ni kilomita 40 tu, na urefu ni 20. Hata hivyo, PAC 3 ya kisasa zaidi inarekebishwa ili kukabiliana na makombora ya ya masafa marefu

Huziharibu kwa athari ya moja kwa moja - tofauti na PAC 2, ambayo hupiga shabaha kwa shrapnel. Wakati huo huo, kombora la PAC 3, linapokatwa, hufikia kasi ya Mach nne, ambayo huongeza nishati ya kinetic ambayo hutolewa wakati inapogongana na kitu cha uharibifu.

Ni aina gani ya makombora yaliyowasilishwa kwa Ukraine haikuripotiwa rasmi. Gazeti la New York Times, likinukuu hati kutoka kwa uvujaji wa hivi majuzi, linaripoti kwamba Kyiv ilipokea toleo la hivi karibuni la makombora - PAC 3.