Je, uwepo wa Marekani katika Mashariki ya Kati umeongezeka kiasi gani tangu Oktoba 7?

Kama sehemu ya lengo lake la "kudumisha utulivu wa kikanda na kuzuia kuenea zaidi kwa mgogoro," Marekani imekuwa ikituma wanajeshi wake Mashariki ya Kati tangu mgogoro ulipozuka mnamo Oktoba 7, 2023.

Mwaka mmoja uliopita, Hamas ilizindua rasmi mashambulizi dhidi ya kambi za kijeshi za Israel na miji katika eneo la Gaza na kuwaua Waisraeli 1,200, kuwateka nyara watu kadhaa, na kusababisha vita kati ya Hamas na Israel.

Tangu siku ya kwanza ya vita, Marekani imeelezea utayari wake kamili wa kupeleka zana za ziada za kijeshi katika eneo hilo, ikirudia msisitizo wake kwamba inaimarisha vikosi ili kuwa tayari duniani kote ili kuongeza zaidi msimamo wake wa "uharibifu", kama inavyoelezea.

Katika makala hii, tunachunguza athari za vita vya Gaza kunakotokana na kuongezeka kwa vikosi vya Marekani katika eneo hilo, pamoja na ukubwa na sura ya vikosi hivi.

"Mbebaji mkubwa zaidi wa ndege duniani" aelekea Mashariki ya Kati

Siku moja baada ya shambulio la Oktoba 7, Marekani ilielekeza meli za kubeba ndege za Gerald Ford kuelekea mashariki mwa Mediterranean

Kikundi hiki kinajumuisha meli ya kubeba ndege ya Marekani za "Gerald Ford" na meli ya makombora yanayoongozwa "Normandy", pamoja na makombora mengine ya maangamizi; ikiwa ni pamoja na yale ya aina ya "Thomas Thunder", "Hunder", "Ramage", na "Roosevelt".

Makombora ya cruise ni meli ambazo zina utaalamu katika kusaidia uwezo wa ziada wa mawasiliano kwa meli, pamoja na kuimarisha uwezo wa ulinzi wa makombora ya masafa marefu ya meli, kulingana na Chuo cha jeshi la majini cha Marekani.

Kundi hili liliwasili katika eneo hilo mnamo Oktoba 13, likiongozwa na "meli kubwa zaidi ya ndege duniani," kwa mujibu wa Pentagon.

Marekani imeimarisha uwepo wa ndege zake za kivita aina ya F-35, F-15, F-16 na A-10 katika eneo hilo.

Kwa kutarajia mashambulizi dhidi ya kambi za kijeshi za Marekani, na kuizuia Iran na washirika wake katika Mashariki ya Kati kupanua mzozo," Marekani ilipeleka mifumo ya ulinzi yaTerminal High Altitude Area Defense (THAAD), pamoja na makombora ya ziada ya Patriot, katika maeneo mbalimbali katika Mashariki ya Kati mnamo Oktoba 21.

Mfumo wa THAAD ni moja ya mifumo ya hali ya juu zaidi ya ulinzi wa hanga ya Marekani na ni silaha ya ulinzi wa kiwango cha juu, iliyoundwa kupiga makombora ya masafa mafupi na ya kati katika urefu wa juu.

Marekani imeelezea ongezeko la wanajeshi wa Marekani katika eneo hilo kama "ongezeko la haraka," kwa mujibu wa msemaji wa Pentagon Pat Ryder.

"Guardian of Prosperity" na tishio la Houthi kwa meli katika Bahari ya Shamu

Wahouthi, kundi linaloiunga mkono Iran nchini Yemen, walianza kushambulia meli za kibiashara zinazoelekea Israel katika Bahari ya Shamu, na kuilazimisha Marekani kuanzisha mpango wa usalama wa kimataifa, unaoitwa "Prosperity Guardian," unaofanya kazi chini ya mwavuli wa jeshi la pamoja la majini na kikosi kazi cha kituo cha kutoa maagizo ya kijeshi cha 153.

"Operesheni hii inalenga kwa pamoja kushughulikia changamoto za usalama katika Bahari ya Shamu ya Kusini na Ghuba ya Aden, kuhakikisha uhuru wa kusafiri kwa nchi zote, na kuimarisha usalama wa kikanda na ustawi."

Kundi hilo la mashambulizi ya meli za Eisenhower pia lilisaidia kulinda meli zinazopitia Bahari ya Shamu, Bab al-Mandab na Ghuba ya Aden, na kuwaokoa mabaharia "wasio na hatia" kutokana na mashambulizi haramu ya Wahouthi wanaoungwa mkono na Iran, kwa mujibu wa Pentagon.

Mapema mwaka huu, 2024, wizara ya ulinzi ya Marekani iliamuru kuondolewa kwa meli ya kubeba ndege "Gerald R. Ford" kutoka bahari ya mediterania, katika taarifa ambayo haikutajwa iliyotolewa na meli hiyo, ikitangaza kurudi kwake kwenye bandari yake ya nyumbani.

Mauaji ya watu wawili yalileta meli ya kivita ya Abraham Lincoln katika Mashariki ya Kati

Kufuatia mauaji ya Israel ya kiongozi wa kijeshi wa Hezbollah Fuad Shukr na mauaji ya mkuu wa ofisi ya kisiasa ya Hamas Ismail Haniyeh, bila uthibitisho wowote rasmi wa Israel wa mauaji ya Haniyeh, waziri wa ulinzi wa Marekani Lloyd Austin aliamuru kundi la meli za kivita za USS Abraham Lincoln kupelekwa katika eneo hilo haraka , baada ya kuamuru lipelekwe katika eneo hilo mwanzoni mwa mwezi huu.

Kwa mujibu wa taarifa ya Pentagon, amri hiyo ilitolewa ili kundi la "Abraham Lincoln" kuchukua nafasi ya kundi la "Theodore Roosevelt" la mashambulizi ya ndege, katika eneo hilo.

Wizara hiyo imebaini kuwa kundi la WASP Amphibious Ready Group/Marine Expeditionary Unit linalofanya kazi mashariki mwa Mediterania ni moja ya uwezo ambao Marekani inaudumisha katika eneo hilo.

Wakati mzozo wa Gaza ukifikia kilele chake, waziri wa ulinzi wa Marekani aliamuru manowari ya makombora "Georgia" ielekezwe katika eneo la mwongozo wa kijeshi la Marekani , na baadaye Marekani ilielezea hali yake ya kijeshi katika eneo hilo kuwa "nzuri."

Lebanon yaisaidia Marekani kuongeza vikosi vyake katika eneo hilo

Tangu kuongezeka kwa mapigano kati ya Hezbollah na Israel, hasa mauaji ya katibu mkuu wa chama hicho Hassan Nasrallah katika uvamizi wa Israeli, meli ya kubeba ndege "Harry S. Truman", pamoja na mifumo miwili ya kuharibu makombora ya jeshi la majini la Marekani na meli kutoka Norfolk, Virginia, walisafiri kwenda Mashariki ya Kati.

Waziri wa Ulinzi wa Marekani amesema Marekani imeongeza utayari wa vikosi vyake katika siku za hivi karibuni, na kwamba inaendelea kudumisha uwezo mkubwa wa kijeshi katika eneo hilo.

"Kuongezeka kwa uwepo wa wanajeshi wa Marekani katika Mashariki ya Kati"

BBC Arabic iliwasiliana na wizara ya ulinzi ya Marekani kujadili kiwango cha ongezeko la wanajeshi wa Marekani katika eneo la Mashariki ya Kati, lakini wizara hiyo haikujibu.

Wakati huo huo, shirika la habari la Associated Press, likinukuu maafisa wa Marekani, limesema Marekani imeendelea kuongeza uwepo wa kijeshi katika eneo la Mashariki ya Kati katika kipindi cha mwaka mmoja uliopita, "pamoja na wanajeshi 40,000, angalau meli kadhaa za kivita na vikosi vinne vya jeshi la anga vilitumwa katika eneo hilo kuwalinda washirika na kutumika kama kizuizi dhidi ya mashambulizi."

Imetafsiriwa na Dinah Gahamanyi na kuhaririwa na Seif Abdalla