ਆਸਕਰ ਐਵਾਰਡਜ਼: ਵਿੱਲ ਸਮਿੱਥ ਨੇ ਸਟੇਜ ’ਤੇ ਕ੍ਰਿਸ ਰੌਕ ਨੂੰ ਕਿਉਂ ਮਾਰਿਆ ਥੱਪੜ
ਤਸਵੀਰ ਸਰੋਤ, Getty Images
ਲਾਸ ਏਂਜਲਸ ਵਿਖੇ ਆਸਕਰ ਐਵਾਰਡ ਸਮਾਗਮ ਦੌਰਾਨ ਪ੍ਰਸਿੱਧ ਅਦਾਕਾਰ ਵਿੱਲ ਸਮਿੱਥ ਨੇ ਕ੍ਰਿਸ ਰੌਕ ਨੂੰ ਥੱਪੜ ਜੜ ਦਿੱਤਾ।
ਵਿੱਲ ਸਮਿੱਥ ਨੂੰ ਫਿਲਮ 'ਦਿ ਕਿੰਗ ਰਿਚਰਡ' ਲਈ ਆਸਕਰ ਪੁਰਸਕਾਰ ਮਿਲਿਆ ਅਤੇ ਉਨ੍ਹਾਂ ਨੇ ਸੰਬੋਧਨ ਦੌਰਾਨ ਉਨ੍ਹਾਂ ਨੇ ਇਸ ਘਟਨਾ ਲਈ ਮੁਆਫੀ ਮੰਗੀ ਹੈ।
'ਦਿ ਕਿੰਗ ਰਿਚਰਡ' ਫਿਲਮ ਵਿੱਚ ਵਿੱਲ ਸਮਿੱਥ ਨੇ ਟੈਨਿਸ ਸਟਾਰ ਸੇਰੇਨਾ ਤੇ ਵੀਨਸ ਵਿਲੀਅਮਜ਼ ਦੇ ਪਿਤਾ ਕਿੰਗ ਰਿਚਰਡ ਦੀ ਭੂਮਿਕਾ ਨਿਭਾਈ ਹੈ।
ਆਪਣੇ ਸੰਬੋਧਨ ਦੌਰਾਨ ਉਹ ਕਾਫ਼ੀ ਭਾਵੁਕ ਹੋ ਗਏ।
'ਮੈਂ ਆਪਣੀ ਸੀਮਾ ਟੱਪੀ ਹੈ ਅਤੇ ਮੈਂ ਗਲਤ ਸੀ'
ਆਸਕਰ ਸਮਾਰੋਹ ਦੌਰਾਨ ਕ੍ਰਿਸ ਰੌਕ ਨੂੰ ਥੱਪੜ ਮਾਰਨ ਦੀ ਘਟਨਾ 'ਤੇ ਵਿੱਲ ਸਮਿੱਥ ਨੇ ਮੁਆਫ਼ੀ ਮੰਗੀ ਹੈ।
ਇੰਸਟਾਗ੍ਰਾਮ ਉਪਰ ਇੱਕ ਪੋਸਟ ਵਿੱਚ ਸਮਿੱਥ ਨੇ ਲਿਖਿਆ ਹੈ ਕਿ ਉਨ੍ਹਾਂ ਦਾ ਵਿਵਹਾਰ ਠੀਕ ਨਹੀਂ ਸੀ।
"ਮੈਂ ਜਨਤਕ ਰੂਪ ਵਿੱਚ ਤੁਹਾਡੇ ਤੋਂ ਮੁਆਫ਼ੀ ਮੰਗਣਾ ਚਾਹੁੰਦਾ ਹਾਂ ਕ੍ਰਿਸ। ਮੈਂ ਆਪਣੀ ਸੀਮਾ ਟੱਪੀ ਹੈ ਅਤੇ ਮੈਂ ਗਲਤ ਸੀ।"
ਇਸ ਲੇਖ ਵਿੱਚ Instagram ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Instagram ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of Instagram post
ਵਿੱਲ ਸਮਿੱਥ ਦਾ ਇਹ ਮੁਆਫੀਨਾਮਾ ਉਸ ਸਮੇਂ ਆਇਆ ਹੈ ਜਦੋਂ ਆਸਕਰ ਫ਼ਿਲਮ ਅਕੈਡਮੀ ਨੇ ਇਸ ਘਟਨਾ ਦੀ ਨਿਖੇਧੀ ਕੀਤੀ ਹੈ ਅਤੇ ਇਸ ਮਾਮਲੇ ਦੀ ਸਮੀਖਿਆ ਕਰਨ ਦਾ ਐਲਾਨ ਕੀਤਾ ਹੈ।
ਉਨ੍ਹਾਂ ਨੇ ਆਖਿਆ ਹੈ ਕਿ ਹਰ ਤਰ੍ਹਾਂ ਦੀ ਹਿੰਸਾ ਗਲਤ ਹੈ।
ਇਸ ਦੇ ਨਾਲ ਹੀ ਵਿੱਲ ਸਮਿੱਥ ਨੇ ਅਕੈਡਮੀ, ਇਸ ਵਿੱਚ ਹਿੱਸਾ ਲੈ ਰਹੇ ਸਾਰੇ ਮਹਿਮਾਨਾਂ ਅਤੇ ਉਸ ਨੂੰ ਦੇਖ ਰਹੇ ਦੁਨੀਆਂ ਭਰ ਦੇ ਲੋਕਾਂ ਤੋਂ ਮੁਆਫ਼ੀ ਮੰਗੀ।
ਇਸ ਨਾਲ ਹੀ ਉਹਨਾਂ ਨੇ ਲਿਖਿਆ ਹੈ ਕਿ ਉਨ੍ਹਾਂ ਦੀ ਪਤਨੀ ਦੇ ਹਾਲਾਤਾਂ ਬਾਰੇ ਮਜ਼ਾਕ ਨੂੰ ਸਹਿ ਨਹੀਂ ਕਰ ਸਕੇ ਅਤੇ ਭਾਵੁਕ ਹੋ ਕੇ ਉਨ੍ਹਾਂ ਨੇ ਅਜਿਹਾ ਕੀਤਾ।
ਪਤਨੀ ਉਪਰ ਟਿੱਪਣੀ ਤੋਂ ਬਾਅਦ ਆਇਆ ਗੁੱਸਾ
ਵਿੱਲ ਸਮਿੱਥ ਦੀ ਪਤਨੀ ਪਿੰਕਟ ਸਮਿੱਥ ਵੀ ਇਸ ਸਮਾਗਮ ਵਿੱਚ ਮੌਜੂਦ ਸਨ। ਕ੍ਰਿਸ ਰੌਕ ਵੱਲੋਂ ਪਿੰਕਟ ਦੇ ਵਾਲਾਂ ਉੱਪਰ ਟਿੱਪਣੀ ਕੀਤੀ ਗਈ।
ਕ੍ਰਿਸ ਨੇ ਆਖਿਆ ਕਿ ਉਹ ਜੀ ਆਈ ਜੇਨ-2 ਦਾ ਇੰਤਜ਼ਾਰ ਕਰਨਗੇ। ਆਈ ਜੇਨ 1997 ਵਿੱਚ ਆਈ ਡੈਮੀ ਮੂਰ ਦੀ ਫ਼ਿਲਮ ਸੀ ਜਿਸ ਵਿੱਚ ਉਨ੍ਹਾਂ ਦੇ ਵਾਲ ਕੱਟੇ ਹੋਏ ਸਨ।
ਇਸ ਤੋਂ ਬਾਅਦ ਵਿੱਲ ਸਮਿੱਥ ਨੂੰ ਗੁੱਸਾ ਆ ਗਿਆ, ਉਹ ਮੰਚ 'ਤੇ ਗਏ ਅਤੇ ਉਨ੍ਹਾਂ ਨੇ ਕ੍ਰਿਸ ਨੂੰ ਥੱਪੜ ਜੜ ਦਿੱਤਾ।
ਤਸਵੀਰ ਸਰੋਤ, Reuters
ਇਸ ਤੋਂ ਬਾਅਦ ਆਪਣੀ ਜਗ੍ਹਾ 'ਤੇ ਆ ਕੇ ਬੈਠੇ ਵਿੱਲ ਸਮਿੱਥ ਨੇ ਆਖਿਆ, “ਆਪਣੇ ਮੂੰਹ ਤੋਂ ਮੇਰੀ ਪਤਨੀ ਦਾ ਨਾਮ ਲੈਣ ਦੀ ਜ਼ਰੂਰਤ ਨਹੀਂ ਹੈ।”
ਪਿੰਕਟ ਸਮਿੱਥ ਵੱਲੋਂ ਪਹਿਲਾਂ ਹੀ ਦੱਸਿਆ ਗਿਆ ਹੈ ਕਿ ਉਹ ਐਲੋਪੇਸ਼ੀਆ ਨਾਮ ਦੀ ਬਿਮਾਰੀ ਤੋਂ ਪੀੜਿਤ ਹਨ ਜੋ ਵਾਲਾਂ ਨੂੰ ਪ੍ਰਭਾਵਿਤ ਕਰਦੀ ਹੈ।
ਘਟਨਾ ਤੋਂ ਬਾਅਦ ਕ੍ਰਿਸ ਕਾਫੀ ਹੈਰਾਨ ਸਨ। ਉਨ੍ਹਾਂ ਨੇ ਤੰਜ ਕੱਸਦਿਆਂ ਆਖਿਆ ,"ਇਹ ਟੀਵੀ ਦੇ ਇਤਿਹਾਸ ਦੀ ਸਭ ਤੋਂ ਮਹਾਨ ਰਾਤ ਸੀ।"
ਕਿੰਗ ਰਿਚਰਡ ਲਈ ਆਸਕਰ ਜਿੱਤਣ ਤੋਂ ਬਾਅਦ ਆਪਣੇ ਸੰਬੋਧਨ ਵਿੱਚ ਸਮਿੱਥ ਨੇ ਇਸ ਘਟਨਾ ਲਈ ਮੁਆਫੀ ਵੀ ਮੰਗੀ ਹੈ।
'ਕੋਡਾ' ਨੇ ਜਿੱਤਿਆ ਬੈਸਟ ਪਿਕਚਰ ਐਵਾਰਡ
ਇਸ ਦੌਰਾਨ 'ਕੌਡਾ' ਨੇ ਬੈਸਟ ਪਿਕਚਰ ਦਾ ਐਵਾਰਡ ਜਿੱਤਿਆ। ਇਸ ਨਾਲ ਹੀ ਜੈਸਿਕਾ ਚੈਸਟੇਨ ਨੂੰ ਬੈਸਟ ਐਕਟਰਸ ਅਤੇ ਵਿਲ ਸਮਿੱਥ ਨੂੰ ਬੈਸਟ ਐਕਟਰ ਲਈ ਆਸਕਰ ਮਿਲਿਆ ਹੈ।
ਤਸਵੀਰ ਸਰੋਤ, Reuters
ਇਸ ਨਾਲ ਹੀ ਡਿਊਨ ਫ਼ਿਲਮ ਨੂੰ ਵੀ ਕਈ ਆਸਕਰ ਮਿਲੇ ਹਨ।
ਭਾਰਤ ਦੀ 'ਰਾਈਟਿੰਗ ਵਿਦ ਫਾਇਰ' ਦਸਤਾਵੇਜ਼ੀ ਫਿਲਮ ਜੋ ਖ਼ਬਰ ਸਰਵਿਸ 'ਖ਼ਬਰ ਲਹਿਰੀਆ' ਦੀਆਂ ਮਹਿਲਾ ਪੱਤਰਕਾਰਾਂ ਉੱਤੇ ਆਧਾਰਿਤ ਸੀ, 'ਸਮਰ ਆਫ ਸੌਲ' ਤੋਂ ਪਿਛੜ ਗਈ ਹੈ।
ਆਸਕਰ ਐਵਾਰਡ ਦੌਰਾਨ ਯੂਕਰੇਨ ਦੇ ਸਮਰਥਨ 'ਚ ਉਤਰੇ ਹਾਲੀਵੁੱਡ ਸਿਤਾਰੇ
ਰੂਸ ਅਤੇ ਯੂਕਰੇਨ ਦੀ ਜੰਗ ਨੂੰ ਇੱਕ ਮਹੀਨੇ ਤੋਂ ਵੱਧ ਸਮਾਂ ਹੋ ਗਿਆ ਹੈ ਅਤੇ ਮੰਗਲਵਾਰ ਨੂੰ ਲਾਸ ਏਂਜਲਸ ਵਿਖੇ ਹੋ ਰਹੇ ਆਸਕਰ ਐਵਾਰਡ ਵਿੱਚ ਵੀ ਹਾਲੀਵੁੱਡ ਸਿਤਾਰਿਆਂ ਨੇ ਯੂਕਰੇਨ ਦਾ ਸਮਰਥਨ ਕੀਤਾ।
ਤਸਵੀਰ ਸਰੋਤ, Getty Images
ਸੀਨ ਪੇਨ ਨੇ ਅਪੀਲ ਕੀਤੀ ਕਿ ਯੂਕਰੇਨ ਦੇ ਰਾਸ਼ਟਰਪਤੀ ਨੂੰ ਬੋਲਣ ਦੀ ਇਜਾਜ਼ਤ ਅਕੈਡਮੀ ਵੱਲੋਂ ਦਿੱਤੀ ਜਾਣੀ ਚਾਹੀਦੀ ਹੈ।
ਇਸ ਤੋਂ ਇਲਾਵਾ ਹੋਰ ਵੀ ਕਈ ਸਿਤਾਰਿਆਂ ਨੇ ਯੂਕਰੇਨ ਦਾ ਸਮਰਥਨ ਵਿੱਚ ਰਿਬਨ ਅਤੇ ਬੈਚ ਲਗਾਏ ਹੋਏ ਸਨ।
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
