ਉਹ ਕੁੜੀ, ਜਿਸ ਨੇ ਟਿਕਟੌਕ 'ਤੇ ਵਾਲਾਂ ਦੀ ਸੂਈ ਤੋਂ ਕਾਰੋਬਾਰ ਸ਼ੁਰੂ ਕਰ ਬਣਾ ਲਿਆ ਆਪਣਾ ਘਰ

ਹੇਅਰ ਪਿੰਨ

ਤਸਵੀਰ ਸਰੋਤ, Getty Images

ਕੀ ਤੁਸੀਂ ਇੱਕ ਹੇਅਰਪਿੰਨ ਵੇਚ ਕੇ ਆਪਣਾ ਘਰ ਬਣਾਉਣ ਦਾ ਸੁਪਨਾ ਪੂਰਾ ਕਰ ਸਕਦੇ ਹੋ?

ਕੁਝ ਅਜਿਹਾ ਹੀ ਕੀਤਾ ਹੈ ਡੇਮੀ ਸਕੀਪਰ ਨੇ - ਜਿਨ੍ਹਾਂ ਨੇ ਟਿਕ-ਟੋਕ 'ਤੇ ਸਮਾਨ ਖਰੀਦ-ਵੇਚ ਕੇ ਇੱਕ ਘਰ ਖਰੀਦ ਲਿਆ ਹੈ।

30 ਸਾਲਾ ਇਸ ਕੁੜੀ ਨੇ ਸਾਲ 2020 ਵਿੱਚ ਟਿਕਟੋਕ 'ਤੇ 'ਟਰੇਡ ਮੀ ਪ੍ਰੋਜੈਕਟ' ਸ਼ੁਰੂ ਕੀਤਾ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਬਹੁਤ ਸਾਰੀਆਂ ਚੀਜ਼ਾਂ ਦੀ ਖਰੀਦ-ਫਰੋਖਤ ਕੀਤੀ, ਜਿਨ੍ਹਾਂ ਵਿੱਚ ਕੰਨਾਂ ਦੀਆਂ ਵਾਲੀਆਂ ਤੋਂ ਲੈ ਕੇ ਆਈਫ਼ੋਨ ਅਤੇ 3 ਟਰੈਕਟਰ ਤੱਕ ਸ਼ਾਮਲ ਹਨ।

ਹੁਣ ਡੇਮੀ ਸਕੀਪਰ ਨਾਸ਼ਵਿਲ-ਟੈਨੇਸੀ ਵਿੱਚ ਇੱਕ ਘਰ ਦੀ ਮਾਲਕਨ ਹਨ।

ਇਸ ਤੋਂ ਪਹਿਲਾਂ ਸਾਲ 2006 ਵਿੱਚ ਕੇਲ ਮੈਕਡੋਨਲਡ ਨੇ ਇੱਕ ਲਾਲ ਰੰਗ ਦੀ ਪੇਪਰ ਕਲਿੱਪ ਵੇਚਣ ਤੋਂ ਆਪਣੇ ਵਪਾਰ ਦੀ ਸ਼ੁਰੂਆਤ ਕੀਤੀ ਸੀ ਅਤੇ ਘਰ ਖਰੀਦਣ ਤੱਕ ਦਾ ਆਪਣਾ ਸਫ਼ਰ ਤੈਅ ਕੀਤਾ ਸੀ।

ਉਨ੍ਹਾਂ ਤੋਂ ਹੀ ਪ੍ਰੇਰਨਾ ਲੈ ਕੇ ਹੁਣ ਸਕੀਪਰ ਨੇ ਸਭ ਤੋਂ ਪਹਿਲਾਂ ਇੱਕ ਹੇਅਰਪਿੰਨ ਬਦਲੇ ਕੰਨਾਂ ਦੇ ਸਸਤੇ ਇਅਰ ਰਿੰਗਜ਼ ਖਰੀਦੇ ਹਨ।

ਉਸ ਤੋਂ ਬਾਅਦ ਉਨ੍ਹਾਂ ਦੀ ਇਸ ਸੂਚੀ ਵਿੱਚ ਮਾਰਗਰੀਟਾ ਦੇ ਚਾਰ ਗਲਾਸ ਅਤੇ ਇੱਕ ਵੈਕਿਉਮ ਕਲੀਨਰ ਵੀ ਸ਼ਾਮਲ ਹੋ ਗਏ। ਗਾਹਕਾਂ ਨੂੰ ਭਾਲਣ ਲਈ ਉਨ੍ਹਾਂ ਨੇ ਈਬੇਅ, ਫੇਸਬੁੱਕ ਮਾਰਕੀਟ ਪਲੇਸ ਅਤੇ ਕ੍ਰੇਗਜ਼ਲਿਸਟ ਆਦਿ ਦਾ ਰੁਖ ਕੀਤਾ।

ਟਿਕਟੌਕ

ਤਸਵੀਰ ਸਰੋਤ, Trademeproject

ਉਨ੍ਹਾਂ ਨੇ ਪਹਿਲੀਆਂ ਕੁਝ ਵਪਾਰਕ ਡੀਲਜ਼ ਵਿਅਕਤੀਗਤ ਤੌਰ 'ਤੇ ਸੈਨ ਫਰਾਂਸਿਸਕੋ ਦੇ ਨੇੜੇ-ਤੇੜੇ ਹੀ ਕੀਤੀਆਂ।

ਇਸ ਤੋਂ ਬਾਅਦ ਉਨ੍ਹਾਂ ਨੇ ਸੜਕ ਮਾਰਗ ਰਾਹੀਂ ਅਮਰੀਕਾ ਦੇ ਕਈ ਖੇਤਰਾਂ ਵਿੱਚ ਵਪਾਰ ਕੀਤਾ।

ਇਸ ਦੌਰਾਨ ਉਹ ਟਿਕਟੌਕ ਅਤੇ ਇੰਸਟਾਗ੍ਰਾਮ 'ਤੇ ਵੀਡੀਓਜ਼ ਅਪਲੋਡ ਕਰਕੇ ਲੋਕਾਂ ਨੂੰ ਲੈਣ-ਦੇਣ ਵਾਲਾ ਇਹ ਵਪਾਰ ਕਰਨ ਲਈ ਵੀ ਕਹਿੰਦੇ ਰਹੇ ਅਤੇ ਨਾਲ ਹੀ ਇਹ ਵੀ ਦੱਸਦੇ ਰਹੇ ਕਿ ਉਨ੍ਹਾਂ ਦਾ ਸੁਪਨਾ ਇੱਕ ਘਰ ਖਰੀਦਣ ਦਾ ਹੈ।

ਇਹ ਵੀ ਪੜ੍ਹੋ:

ਗੱਡੀ ਬਦਲੇ ਮਿਲਿਆ ਸਸਤਾ ਹਾਰ

ਹੌਲੀ-ਹੌਲੀ ਉਨ੍ਹਾਂ ਦੇ ਵੈਕਿਉਮ ਕਲੀਨਰ ਦੀ ਥਾਂ ਸਨੋਬੋਰਡ ਨੇ ਲੈ ਲਈ, ਫਿਰ ਹੈੱਡਫੋਨਜ਼ ਨੇ, ਉਸ ਤੋਂ ਬਾਅਦ ਲੈਪਟੌਪ ਅਤੇ ਫਿਰ ਇੱਕ ਕੈਮਰਾ ਉਨ੍ਹਾਂ ਕੋਲ ਆ ਗਿਆ।

ਫਿਰ ਉਨ੍ਹਾਂ ਨੇ ਨਾਈਕੀ ਦੇ ਸਮਾਨ ਤੋਂ ਲੈ ਕੇ ਆਈਫੋਨ ਤੱਕ ਹਾਸਿਲ ਕੀਤਾ ਅਤੇ 2008 ਵਿੱਚ ਉਹ ਇੱਕ ਕੈਰਾਵੈਨ ਖਰੀਦਣ ਵਿੱਚ ਕਾਮਯਾਬ ਰਹੇ।

ਡੇਮੀ ਸਕੀਪਰ

ਤਸਵੀਰ ਸਰੋਤ, @trademeproject

ਉਸ ਗੱਡੀ ਦਾ ਮਾਲਕ ਆਪ ਉਹ ਕੈਰਾਵੈਨ ਚਲਾ ਕੇ ਸੈਨ ਫਰਾਂਸਿਸਕੋ ਪਹੁੰਚਿਆ ਤੇ ਇਸ ਤਰ੍ਹਾਂ ਨਾਲ ਸਕੀਪਰ ਦਾ 'ਟਰੇਡ ਮੀ ਪ੍ਰੋਜੈਕਟ' ਲੋਕਾਂ ਵਿੱਚ ਹੋਰ ਵੀ ਮਸ਼ਹੂਰ ਹੁੰਦਾ ਗਿਆ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਵਧਦੇ ਗਏ।

ਕੈਰਾਵੈਨ ਦੇ ਬਦਲੇ ਸਕੀਪਰ ਨੇ ਇੱਕ ਮਿਨੀ ਕੂਪਰ ਗੱਡੀ ਖਰੀਦੀ ਅਤੇ ਉਸ ਤੋਂ ਕੁਝ ਹਫਤਿਆਂ ਬਾਅਦ ਉਸ ਦੇ ਬਦਲੇ ਇੱਕ ਹਾਰ ਖਰੀਦ ਲਿਆ, ਜੋ ਕਿ ਪਹਿਲਾਂ ਉਨ੍ਹਾਂ ਨੂੰ ਲੱਗਾ ਸੀ ਕਿ 20 ਹਜ਼ਾਰ ਡਾਲਰ ਦਾ ਹੋਵੇਗਾ ਪਰ ਬਾਅਦ ਵਿੱਚ ਪਤਾ ਲੱਗਿਆ ਕਿ ਉਸ ਦੀ ਕੀਮਤ 2 ਹਜ਼ਾਰ ਡਾਲਰ ਤੋਂ ਵੀ ਘੱਟ ਸੀ।

ਬੀਬੀਸੀ ਪੰਜਾਬੀ ਨੂੰ ਆਪਣੇ ਐਂਡਰਾਇਡ ਫ਼ੋਨ 'ਤੇ ਇੰਝ ਲੈ ਕੇ ਆਓ:

Skip YouTube post, 1
Google YouTube ਸਮੱਗਰੀ ਦੀ ਇਜਾਜ਼ਤ?

ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।

ਚਿਤਾਵਨੀ: ਬਾਹਰੀ ਸਾਈਟਾਂ ਦੀ ਸਮਗਰੀ 'ਚ ਇਸ਼ਤਿਹਾਰ ਹੋ ਸਕਦੇ ਹਨ

End of YouTube post, 1

ਮੁਫ਼ਤ ਭੋਜਨ

ਦੋ ਹਫਤਿਆਂ ਤੱਕ ਪਰੇਸ਼ਾਨ ਰਹਿਣ ਤੋਂ ਬਾਅਦ ਅਤੇ ਬਹੁਤ ਲੱਭਣ ਤੋਂ ਬਾਅਦ ਉਨ੍ਹਾਂ ਨੇ ਇਸ ਹਾਰ ਨੂੰ 1800 ਡਾਲਰ ਦੀ ਇੱਕ ਪੇਲੋਟੋਨ ਐਕਸਰਸਾਈਜ਼ ਬਾਈਕ ਦੇ ਬਦਲੇ ਦੇ ਦਿੱਤਾ।

ਇਸ ਬਾਈਕ ਮਗਰੋਂ ਉਨ੍ਹਾਂ ਨੇ ਇੱਕ ਮੁਸਤੈਂਗ (ਗੱਡੀ) ਲੈ ਲਈ ਅਤੇ ਲੰਘੇ ਸਾਲ ਦਸੰਬਰ ਮਹੀਨੇ ਤੱਕ ਇਸੇ ਤਰ੍ਹਾਂ ਦਾ ਵਪਾਰ ਕਰਦੇ-ਕਰਦੇ ਉਨ੍ਹਾਂ ਨੇ ਵੂਡਲੈਂਡ ਦਾ ਇੱਕ ਛੋਟਾ ਕੈਬਿਨ ਖਰੀਦ ਲਿਆ।

ਇਹ ਕੈਬਿਨ ਫਿਰ ਹੋਂਡਾ ਸੀਵੀਆਰ ਕਾਰ ਵਿੱਚ ਬਦਲਿਆ, ਫਿਰ ਤਿੰਨ ਟਰੈਕਟਰਾਂ ਵਿੱਚ ਅਤੇ ਇਸ ਤੋਂ ਬਾਅਦ ਇੱਕ ਚਿਪੋਟਲੇ ਸੈਲੀਬ੍ਰਿਟੀ ਕਾਰਡ ਨਾਲ ਉਨ੍ਹਾਂ ਨੂੰ ਸਾਲ ਭਰ ਲਈ ਮੁਫ਼ਤ ਭੋਜਨ ਅਤੇ ਪਾਰਟੀ ਦੀ ਡੀਲ ਮਿਲੀ।

Demi Skipper outside her house

ਤਸਵੀਰ ਸਰੋਤ, @trademeproject

ਸਕੀਪਰ ਨੇ ਇਸ ਕਾਰਡ ਦੇ ਬਦਲੇ ਟੇਸਲਾ ਪਾਵਰਹਾਲ ਨਾਲ 40 ਹਜ਼ਾਰ ਡਾਲਰ ਦਾ ਟ੍ਰੇਲਰ (ਟਰਾਲਾ) ਲੈ ਲਿਆ ਅਤੇ ਫਿਰ ਆਖ਼ਰੀ ਵਪਾਰ ਕਰਦੇ ਹੋਏ ਇਸ ਟਰਾਲੇ ਦੀ ਥਾਂ ਆਪਣਾ ਨਾਸ਼ਵਿਲ ਵਾਲਾ ਘਰ ਖਰੀਦ ਲਿਆ।

ਉਨ੍ਹਾਂ ਨੇ ਇੱਕ ਵੀਡੀਓ ਵੀ ਅਪਲੋਡ ਕੀਤਾ, ਜਿਸ ਵਿੱਚ ਵੇਖਿਆ ਜਾ ਸਕਦਾ ਹੈ ਕਿ ਆਪਣੇ ਘਰ ਨੂੰ ਪਹਿਲੀ ਵਾਰ ਦੇਖ ਕੇ ਉਹ ਕਿਵੇਂ ਖੁਸ਼ ਹੋਏ।

ਘਰ ਖਰੀਦਣ ਦੀ ਇਸ ਪੂਰੀ ਯਾਤਰਾ ਇਸ ਦੌਰਾਨ ਉਨ੍ਹਾਂ ਨੂੰ 5 ਮਿਲੀਅਨ ਤੋਂ ਵੀ ਜ਼ਿਆਦਾ ਲੋਕਾਂ ਨੇ ਫੌਲੋ ਕੀਤਾ।

ਸਕੀਪਰ ਅਤੇ ਉਨ੍ਹਾਂ ਦੇ ਪਤੀ ਜਨਵਰੀ ਮਹੀਨੇ ਵਿੱਚ ਕੈਲੀਫੋਰਨੀਆ ਤੋਂ ਟੈਨੇਸੀ ਜਾ ਕੇ ਆਪਣੇ ਨਵੇਂ ਘਰ ਵਿੱਚ ਰਹਿਣ ਦੀ ਤਿਆਰੀ ਕਰ ਰਹੇ ਹਨ।

ਇਹ ਵੀ ਪੜ੍ਹੋ:

ਇਹ ਵੀ ਦੇਖੋ:

Skip YouTube post, 2
Google YouTube ਸਮੱਗਰੀ ਦੀ ਇਜਾਜ਼ਤ?

ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।

ਚਿਤਾਵਨੀ: ਬਾਹਰੀ ਸਾਈਟਾਂ ਦੀ ਸਮਗਰੀ 'ਚ ਇਸ਼ਤਿਹਾਰ ਹੋ ਸਕਦੇ ਹਨ

End of YouTube post, 2

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)