7 ਸਟਾਰ ਜੋੜੀਆਂ ਜਿਨ੍ਹਾਂ ਦੇ ਰਿਸ਼ਤੇ ਦੀ ਦੁਨੀਆਂ ਭਰ 'ਚ ਹੋਈ ਚਰਚਾ
ਤਸਵੀਰ ਸਰੋਤ, Getty Images
- ਲੇਖਕ, ਟੇਲਰ ਡਾਇਰ ਰੰਬਲ
- ਰੋਲ, ਐਂਟਰਟੇਨਮੈਂਟ ਪੱਤਰਕਾਰ
ਕਿਹਾ ਜਾ ਰਿਹਾ ਹੈ ਕਿ ਪ੍ਰਿਅੰਕਾ ਚੋਪੜਾ ਅਤੇ ਨਿਕ ਜੋਨਸ ਕਰੀਬ ਦੋ ਮਹੀਨਿਆਂ ਤੋਂ ਡੇਟ ਕਰ ਰਹੇ ਹਨ ਅਤੇ ਪੀਪਲ ਮੈਗਜ਼ੀਨ ਦੇ ਸੂਤਰ ਮੁਤਾਬਕ ਸੰਗੀਤਕਾਰ ਜੋਨਸ ਨੇ ਲੰਡਨ ਵਿੱਚ ਪਿਛਲੇ ਹਫ਼ਤੇ ਪ੍ਰਿਅੰਕਾ ਚੋਪੜਾ ਨੂੰ ਪ੍ਰਪੋਜ਼ ਵੀ ਕੀਤਾ ਹੈ।
ਹਾਲਾਂਕਿ ਨਾ ਜੋਨਸ ਨੇ ਅਤੇ ਨਾ ਹੀ ਪ੍ਰਿਅੰਕਾ ਨੇ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ ਪਰ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵੱਲੋਂ ਉਨ੍ਹਾਂ ਨੂੰ ਵਧਾਈਆਂ ਮਿਲਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ।
ਪਰ ਸਿਰਫ਼ ਇਹੀ ਦੋ ਅਜਿਹੇ ਨਹੀਂ ਹਨ ਜਿੰਨ੍ਹਾਂ ਨੇ ਰੁਮਾਂਸ ਤੋਂ ਬਾਅਦ ਝਟ ਮੰਗਣੀ ਕਰਵਾਈ ਹੈ, ਕੁਝ ਹੋਰ ਵੀ ਪ੍ਰਸਿੱਧ ਹਸਤੀਆਂ ਹਨ, ਜਿਨ੍ਹਾਂ ਦੀ ਹਾਲ ਹੀ ਵਿੱਚ ਮੰਗਣੀ ਹੋਈ ਹੈ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, Getty Images
ਜਸਟਿਨ ਬੀਬਰ ਅਤੇ ਹੈਲੇ ਬਾਲਡਵਿਨ
24 ਸਾਲਾਂ ਸਟਾਰ ਗਾਇਕ ਜਸਟਿਨ ਬੀਬਰ ਦੀ ਇਸ ਮਹੀਨੇ ਇੱਕ ਮਾਡਲ ਨਾਲ ਬਾਹਾਮਾਸ ਦੇ ਇੱਕ ਰਿਸੋਰਟ ਵਿੱਚ ਮੰਗਣੀ ਕਰਨ ਦੀ ਖ਼ਬਰ ਮਿਲੀ।
ਇਹ ਜੋੜਾ 2016 ਵਿੱਚ ਡੇਟਿੰਗ ਤੋਂ ਬਾਅਦ ਹਾਲ ਹੀ ਵਿੱਚ ਦੁਬਾਰਾ ਮਿਲਿਆ ਸੀ।
ਬੀਬਰ ਨੇ ਇਸ ਦੀ ਪੁਸ਼ਟੀ ਇੰਸਟਾਗ੍ਰਾਮ 'ਤੇ ਪੋਸਟ ਪਾ ਕੇ ਕੀਤੀ, ਜਿਸ ਵਿੱਚ ਉਨ੍ਹਾਂ ਨੇ ਲਿਖਿਆ, "ਹੈਲੇ, ਮੈਂ ਤੇਰੇ ਨਾਲ ਬਹੁਤ ਪਿਆਰ ਕਰਦਾ ਹਾਂ ਅਤੇ ਤੇਰੇ ਨਾਲ ਜ਼ਿੰਦਗੀ ਬਿਤਾਉਣ ਦਾ ਵਾਅਦਾ ਕਰਦਾ ਹਾਂ।"
ਤਸਵੀਰ ਸਰੋਤ, Getty Images
ਪਾਮਲਾ ਐਂਡਰੇਸਨ ਅਤੇ ਟੋਮੀ ਲੀ
ਪਾਮੇਲਾ ਐਂਡਰੇਸਨ ਅਤੇ ਟੋਮੀ ਲੀ ਦੇ ਸਾਹਮਣੇ ਅਜੋਕੇ ਸਿਤਾਰੇ ਵੀ ਫਿੱਕੇ ਨਜ਼ਰ ਆਉਂਦੇ ਹਨ, ਇਨ੍ਹਾਂ ਨੇ ਹਾਲ ਹੀ ਵਿੱਚ ਮਿਲਣ ਤੋਂ ਕੁਝ ਦਿਨਾਂ ਬਾਅਦ ਹੀ ਵਿਆਹ ਕਰਵਾ ਲਿਆ ਹੈ। ਇਨ੍ਹਾਂ ਦਾ ਇਹ 90ਵਿਆਂ ਦਾ ਪਿਆਰ ਹੈ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, Getty Images
ਆਰੀਆਨਾ ਗ੍ਰਾਂਡੇ ਅਤੇ ਪੈਟ ਡੇਵਿਡਸਨ
ਆਰੀਆਨਾ ਗ੍ਰਾਂਡ ਨੇ ਮਈ 2018 'ਚ ਰੈਪਰ ਮੈਕਮਿਲਰ ਨਾਲ ਆਪਣੇ ਰਿਸ਼ਤੇ ਨੂੰ ਖ਼ਤਮ ਕਰਨ ਦੀ ਪੁਸ਼ਟੀ ਕਰਕੇ ਪ੍ਰਸ਼ੰਸਕਾਂ ਨੂੰ ਅਚਾਨਕ ਹੈਰਾਨ ਕਰ ਦਿੱਤਾ।
ਫੇਰ ਕੁਝ ਹੀ ਹਫ਼ਤਿਆਂ ਬਾਅਦ ਉਸ ਨੇ ਕਾਮੇਡੀਅਨ ਪੈਟ ਡੇਵਿਡਸਨ ਨਾਲ ਡੇਟਿੰਗ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਜੂਨ ਵਿੱਚ ਉਸ ਨੇ ਅਚਾਨਕ ਹੀ ਆਪਣੀ ਮੰਗਣੀ ਦਾ ਐਲਾਨ ਵੀ ਕਰ ਦਿੱਤਾ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, Getty Images
ਮਾਰੀਆ ਕੈਰੇ ਅਤੇ ਨਿੱਕ ਕੈਨਨ
ਇਹ ਥੋੜ੍ਹਾ ਜਿਹਾ ਵੱਖਰਾ ਜੋੜਾ ਹੈ, ਇਨ੍ਹਾਂ ਨੇ ਅਪ੍ਰੈਲ 2008 ਵਿੱਚ ਇੱਕ ਮਹੀਨਾ ਡੇਟ ਕਰਨ ਤੋਂ ਬਾਅਦ ਵਿਆਹ ਕਰਵਾ ਲਿਆ ਸੀ।
ਫੇਰ ਸਾਲ 2014 ਵਿੱਚ ਤਲਾਕ ਦੀ ਅਰਜ਼ੀ ਲਾਈ ਜੋ 2016 ਵਿੱਚ ਪੂਰੀ ਹੋ ਗਈ। ਉਨ੍ਹਾਂ ਦੇ ਜੁੜਵਾਂ ਬੱਚੇ ਹਨ।
ਤਸਵੀਰ ਸਰੋਤ, Getty Images
ਬ੍ਰਿਟਨੀ ਸਪੀਅਰਸ ਅਤੇ ਕੇਵਿਨ ਫੈਡਰਲਾਈਨ
ਪ੍ਰਸਿੱਧ ਪੋਪ ਗਾਇਕਾ ਬ੍ਰਿਟਨੀ ਸਪੀਅਰਸ ਨੇ ਆਪਣੇ ਪਿੱਛੇ ਨੱਚਣ ਵਾਲੇ ਇੱਕ ਡਾਂਸਰ ਕੈਵਿਨ ਨਾਲ ਮੁਲਾਕਾਤ ਤੋਂ ਤਿੰਨ ਮਹੀਨਿਆਂ ਬਾਅਦ ਜੂਨ 2004 'ਚ ਵਿਆਹ ਕਰਵਾ ਲਿਆ ਸੀ।
ਉਨ੍ਹਾਂ ਦੇ ਦੋ ਬੱਚੇ ਹਨ ਅਤੇ ਉਨ੍ਹਾਂ ਦਾ ਰਿਸ਼ਤਾ ਕੁੜੱਤਣ ਭਰਿਆ ਰਿਹਾ ਸੀ, ਜਿਸ ਨੂੰ ਬ੍ਰਿਟਨੀ ਅਤੇ ਕੈਵਿਨ ਦੇ ਪਹਿਲੇ ਰਿਆਲਟੀ ਸ਼ੋਅ ਚਾਓਟਿਕ ਵਿੱਚ ਵੇਖਿਆ ਗਿਆ ਸੀ।
ਸਾਲ 2007 ਵਿੱਚ ਉਨ੍ਹਾਂ ਦਾ ਤਲਾਕ ਹੋਇਆ ਅਤੇ ਅਜੇ ਤੱਕ ਉਨ੍ਹਾਂ ਨੇ ਵਿਆਹ ਨਹੀਂ ਕਰਵਾਇਆ।
ਤਸਵੀਰ ਸਰੋਤ, Getty Images
ਕਿਮ ਕਰਦਾਸ਼ੀਆਂ ਅਤੇ ਕ੍ਰਿਸ ਹਮਫ੍ਰੈਸ
ਰਿਅਇਲਟੀ ਸ਼ੋਅ ਦੀ ਸਟਾਰ ਕਿਮ ਦਾ ਐਨਬੀਏ (ਨੈਸ਼ਨਲ ਬਾਸਕਟਬਾਲ ਐਸੋਸੀਏਸ਼ਨ) ਦੇ ਖਿਡਾਰੀ ਨਾਲ ਅਕਤੂਬਰ 2010 ਤੋਂ ਡੇਟਿੰਗ ਕਰਨ ਤੋਂ ਬਾਅਦ ਮਈ 2011 'ਚ ਮੰਗਣੀ ਹੋਈ।
ਉਨ੍ਹਾਂ ਦਾ ਵਿਆਹ ਅਗਸਤ ਵਿੱਚ ਹੋਇਆ ਅਤੇ ਵਿਆਹ ਤੋਂ 72 ਦਿਨਾਂ ਬਾਅਦ ਕਿਮ ਨੇ ਤਲਾਕ ਲਈ ਅਰਜ਼ੀ ਵੀ ਪਾ ਦਿੱਤੀ।
