ਹੁਣ A ਫਾਰ ਐਪਲ ਤੇ Z ਫਾਰ ਜ਼ੂ ਨਹੀਂ ਰਿਹਾ, ਦੇਖੋ ਗੂਗਲ 'ਤੇ A-Z ਦਾ ਮਤਲਬ ਕੀ?
ਤਸਵੀਰ ਸਰੋਤ, Getty Images
- ਲੇਖਕ, ਲਿਓ ਕੇਲੀਅਨ
- ਰੋਲ, ਪੱਤਰਕਾਰ, ਬੀਬੀਸੀ
ਗੂਗਲ 'ਤੇ ਇੱਕ ਦਿਨ ਵਿੱਚ ਤਿੰਨ ਬਿਲੀਅਨ ਤੋਂ ਵੱਧ ਸਰਚ ਕੀਤੀ ਜਾਂਦੀ ਹੈ।
ਜ਼ਿਆਦਾਤਰ ਸਰਚ ਇੱਕ ਪੂਰੇ ਸ਼ਬਦ ਜਾਂ ਵਾਕਾਂ ਦੀ ਕੀਤੀ ਜਾਂਦੀ ਹੈ ਪਰ ਕਈ ਵਾਰੀ ਇਕੱਲੇ ਅੱਖਰ ਨੂੰ ਵੀ ਸਰਚ ਕੀਤਾ ਜਾਂਦਾ ਹੈ।
ਇੱਕ ਅੱਖਰ ਨੂੰ ਜੇ ਗੂਗਲ 'ਤੇ ਟਾਈਪ ਕਰੀਏ ਤਾਂ ਬਹੁਤ ਅਨੋਖੇ ਨਤੀਜੇ ਸਾਹਮਣੇ ਆਉਂਦੇ ਹਨ। ਅਸੀਂ ਵੀ ਜਾਣਨ ਦੀ ਕੋਸ਼ਿਸ਼ ਕੀਤੀ ਕਿ ਇੱਕ ਅੱਖਰ ਨਾਲ ਕੀ-ਕੀ ਸਬੰਧਤ ਹੈ।
ਇਹ ਵੀ ਪੜ੍ਹੋ:
ਗੂਗਲ ਦੇ ਯੂਕੇ ਸਰਚ ਇੰਜਨ 'ਤੇ ਸਰਚ ਕੀਤਾ ਗਿਆ। ਤੁਹਾਨੂੰ ਆਪਣੇ ਸਰਚ ਇੰਜਨ 'ਤੇ ਵੱਖਰੇ ਨਤੀਜੇ ਨਜ਼ਰ ਆ ਸਕਦੇ ਹਨ।
A -ਅਲੀ-ਯੂਟਿਊਬ ਚੈਨਲ
ਗੂਗਲ ਉੱਤੇ ਪਹਿਲਾ ਅੱਖਰ A ਟਾਈਪ ਕਰਦਿਆਂ ਹੀ ਅਲੀ ਯੂ-ਟਿਊਬ ਚੈਨਲ ਆਉਂਦਾ ਹੈ। 14 ਮਿਲੀਅਨ ਤੋਂ ਵੱਧ ਲੋਕ ਇਸ ਯੂ-ਟਿਊਬ ਚੈਨਲ ਨੂੰ ਫੋਲੋ ਕਰਦੇ ਹਨ, ਜਿਸ ਵਿੱਚ ਖੇਡ ਵਿੱਚ ਕੁਸ਼ਲਤਾ ਦਿਖਾਈ ਜਾਂਦੀ ਹੈ।
ਤਸਵੀਰ ਸਰੋਤ, YouTube
ਇਸੇ ਪ੍ਰਸਿੱਧੀ ਕਾਰਨ 2015 ਵਿੱਚ ਉਨ੍ਹਾਂ ਨੂੰ ਗਿਨੀਜ਼ ਵਰਡਲ ਰਿਕਾਰਡ ਵਿੱਚ ਇੱਕ ਕੀਰਤੀਮਾਨ ਵਜੋਂ ਦਰਜ ਕੀਤਾ ਗਿਆ।
B - ਸਮਾਰਟ ਡਿਜੀਟਲ ਬੈਂਕਿੰਗ ਸਰਵਿਸ
ਕਲਾਈਡੈਸਡੇਲ ਬੈਂਕ ਐਪ ਇੱਕ ਡਿਜੀਟਲ ਬੈਂਕਿੰਗ ਸਰਵਿਸ ਹੈ, ਜਿੱਥੇ ਕਰੰਟ ਅਤੇ ਸੇਵਿੰਗ ਅਕਾਊਂਟ ਦੋਵੇਂ ਹਨ। ਇਹ ਐਪ ਟੈਬਲੇਟ ਅਤੇ ਮੋਬਾਈਲ ਵਾਸਤੇ ਹੈ।
ਤਸਵੀਰ ਸਰੋਤ, Clydesdale Bank
ਇਸ ਐਪ ਰਾਹੀਂ ਤੁਸੀਂ ਆਪਣੇ ਬਜਟ, ਬੱਚਤ ਅਤੇ ਖਰਚ ਦਾ ਪੂਰਾ ਵੇਰਵਾ ਲੈ ਸਕਦੇ ਹੋ।
C- ਪ੍ਰੋਗਰਾਮਿੰਗ ਭਾਸ਼ਾ
C ਟਾਈਪ ਕਰਨ 'ਤੇ ਪ੍ਰੋਗਰਾਮਿੰਗ ਭਾਸ਼ਾ ਸਾਹਮਣੇ ਆਉਂਦੀ ਹੈ। ਕੋਡ ਕਰਨ ਵਾਲੀ ਇਸ ਭਾਸ਼ਾ ਬਾਰੇ ਤੁਸੀਂ 'ਗੀਕਜ਼-ਫਾਰ-ਗੀਕਜ਼' ਦੀ ਵੈੱਬਸਾਈਟ ਤੋਂ ਜਾਣਕਾਰੀ ਲੈ ਸਕਦੇ ਹੋ।
ਤਸਵੀਰ ਸਰੋਤ, Geeksforgeeks
D - ਇੱਕ ਹੋਰ ਪ੍ਰੋਗਰਾਮਿੰਗ ਭਾਸ਼ਾ
'ਵਾਈਰਡ' ਮੈਗਜ਼ੀਨ ਨੇ ਚਾਰ ਸਾਲ ਪਹਿਲਾਂ D ਨੂੰ 'ਅਗਲੀ ਵੱਡੀ ਪ੍ਰੋਗਰਾਮਿੰਗ ਭਾਸ਼ਾ' ਕਰਾਰ ਦਿੱਤਾ ਸੀ।
ਮੌਜੂਦਾ ਸਰਵੇਖਣ ਮੁਤਾਬਕ ਇਹ 23ਵੀਂ ਕੋਡਿੰਗ ਭਾਸ਼ਾ ਹੈ ,ਜੋ ਕਿ ਵਰਤੀ ਜਾ ਰਹੀ ਹੈ। ਨੈੱਟਫਲਿਕਸ, ਫੇਸਬੁੱਕ, ਈਬੇਅ ਇਸੇ ਭਾਸ਼ਾ ਵਿੱਚ ਕੋਡ ਕੀਤੇ ਗਏ ਹਨ।
E! ਨਿਊਜ਼
E ਇੱਕ ਨਿਊਜ਼ ਪੋਰਟਲ ਹੈ, ਜਿੱਥੇ ਮਨੋਰੰਜਨ ਜਗਤ ਨਾਲ ਜੁੜੀਆਂ ਖ਼ਬਰਾਂ, ਫੋਟੋਆਂ ਅਤੇ ਵੀਡੀਓਜ਼ ਹਨ।
ਤਸਵੀਰ ਸਰੋਤ, E! News
F ਫੇਸਬੁੱਕ
ਦੁਨੀਆਂ ਭਰ ਦੇ ਲੋਕਾਂ ਨੂੰ ਜੋੜਨ ਵਾਲਾ ਸੋਸ਼ਲ ਨੈੱਟਵਰਕ ਫੇਸਬੁੱਕ ਗੂਗਲ ਸਰਚ ਇੰਜਨ 'ਤੇ ਸਭ ਤੋਂ ਮੋਹਰੀ ਹੈ।
ਤਸਵੀਰ ਸਰੋਤ, Reuters
ਹਾਲਾਂਕਿ ਚੀਨ, ਈਰਾਨ, ਉੱਤਰੀ-ਕੋਰੀਆਂ ਵਿੱਚ ਫੇਸਬੁੱਕ 'ਤੇ ਪਾਬੰਦੀ ਹੈ।
ਇਹ ਵੀ ਪੜ੍ਹੋ:
G - ਗੂਗਲ
G ਟਾਈਪ ਕਰਨ 'ਤੇ ਗੂਗਲ ਹੀ ਟਾਪ 'ਤੇ ਹੈ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਗੂਗਲ ਦੇ ਹੀ ਸਰਚ ਇੰਜਨ 'ਤੇ ਹਾਰਡ ਡਿਸਕ ਬਣਾਉਣ ਵਾਲੀ ਕੰਪਨੀ G-ਤਕਨਾਲਾਜੀ ਦੂਜੇ ਨੰਬਰ 'ਤੇ ਹੈ ਪਰ ਗੂਗਲ ਦੀ G- ਸੂਟ ਇਸ ਤੋਂ ਬਾਅਦ ਵਿੱਚ ਆਉਂਦੀ ਹੈ।
ਤਸਵੀਰ ਸਰੋਤ, Getty Images
H - ਹਾਲਸੇ
ਅਮਰੀਕੀ ਗਾਇਕਾ ਹਾਲਸੇ H ਟਾਈਪ ਕਰਨ 'ਤੇ ਗੂਗਲ ਦੇ ਸਰਚ ਇੰਜਨ 'ਤੇ ਪਹਿਲੇ ਨੰਬਰ 'ਤੇ ਹੈ। ਇਹ 23 ਸਾਲਾ ਅਦਾਕਾਰਾ ਖੁਦ ਹੀ ਗਾਣੇ ਰਿਕਾਰਡ ਕਰਕੇ ਅਤੇ ਵੀਡੀਓਜ਼ ਬਣਾ ਕੇ ਨਾਮਣਾ ਖੱਟ ਚੁੱਕੀ ਹੈ।
ਤਸਵੀਰ ਸਰੋਤ, Getty Images
I - ਮਿਊਜ਼ਿਕ ਵੀਡੀਓ
ਕੈਨਡ੍ਰਿਕ ਲਾਮਾਰ ਦਾ ਗਾਣਾ 'I' ਸਭ ਤੋਂ ਪਹਿਲਾਂ ਗੂਗਲ ਸਰਚ 'ਤੇ ਆਉਂਦਾ ਹੈ। 2014 ਤੋਂ ਲੈ ਕੇ ਹੁਣ ਤੱਕ ਇਹ ਵੀਡੀਓ 67 ਮਿਲੀਅਨ ਤੋਂ ਵੀ ਵੱਧ ਵਾਰੀ ਦੇਖਿਆ ਜਾ ਚੁੱਕਿਆ ਹੈ।
ਤਸਵੀਰ ਸਰੋਤ, YouTube
J - ਕੋਲ - ਯੂ-ਟਿਊਬ ਚੈਨਲ
ਅਮਰੀਕੀ ਹਿਪ-ਹੌਪ ਸਟਾਰ ਜਰਮਾਈਨ ਦੇ ਨਾਮ ਦਾ ਪਹਿਲਾ ਅੱਖਰ ਜੇ ਗੂਗਲ ਸਰਚ ਉਨ੍ਹਾਂ ਨੂੰ ਟੌਪ 'ਤੇ ਰਖਦਾ ਹੈ।
ਤਸਵੀਰ ਸਰੋਤ, Reuters
ਦੁਨੀਆਂ ਦੇ ਹੋਰਨਾਂ ਖੇਤਰਾਂ ਵਿੱਚ ਸੈਮਸੰਗ ਗੈਲੈਕਸੀ ਜੇ ਫੋਨ ਅਤੇ ਜਪਾਨ ਦੇ J1 ਫੁੱਟਬਾਲ ਲੀਗ ਸਰਚ ਇੰਜਨ 'ਤੇ ਨਜ਼ਰ ਆਉਂਦੇ ਹਨ।
K - ਯੂ-ਟਿਊਬ ਮਿਊਜ਼ਿਕ ਵੀਡੀਓ
K ਇੱਕ ਯੂ-ਟਿਊਬ ਮਿਊਜ਼ਿਕ ਵੀਡੀਓ ਹੈ- 'ਸਿਗਰੇਟਜ਼ ਆਫ਼ਟਰ ਸੈਕਸ'। ਇਹ ਡ੍ਰੀਮ ਪੌਪ ਦਾ ਹੀ ਸੰਗੀਤ ਹੈ।
ਤਸਵੀਰ ਸਰੋਤ, Getty Images
L - ਕੌਮ ਕੇਬਲ
ਇਹ ਇੱਕ ਕੇਬਲ ਕੰਪਨੀ ਹੈ, ਜੋ ਕਿ ਵੱਖ-ਵੱਖ ਤਰ੍ਹਾਂ ਦੀ ਕੇਬਲ, ਅਡੈਪਟਰ, ਵਾਈ-ਪਾਈ ਐਪਲੀਫਾਇਰ, ਵਾਈ-ੲਾਈ ਐਂਟੀਨੇ ਵੇਚਦੀ ਹੈ।
ਤਸਵੀਰ ਸਰੋਤ, L-Com
M - ਰੈਸਟੋਰੈਂਟ
M ਟਾਈਪ ਕਰਦਿਆਂ ਗੂਗਲ 'ਤੇ ਲੰਡਨ ਦਾ ਐਵਾਰਡ ਜੇਤੂ ਰੈਸਟੋਰੈਂਟ ਐੱਮ ਆਉਂਦਾ ਹੈ।
ਤਸਵੀਰ ਸਰੋਤ, M Restaurants
N - ਨੈੱਟਫਲਿਕਸ
ਪਿਛਲੇ ਇੱਕ ਦਹਾਕੇ ਤੋਂ ਨੈੱਟਫਲਿਕਸ ਹੁਣ ਤੱਕ ਦੀ ਸਭ ਤੋਂ ਵੱਧ ਕਾਮਯਾਬ ਤਕਨੀਕੀ ਕੰਪਨੀ ਹੈ।
ਤਸਵੀਰ ਸਰੋਤ, Netflix
ਇਸ ਦੇ ਸਾਬਕਾ ਮਾਰਕਟਿੰਗ ਹੈੱਡ ਬੈਰੀ ਐਂਡਰਵਿੱਕ ਦਾ ਕਹਿਣਾ ਹੈ ਕਿ ਜਦੋਂ ਨੈੱਟਫਲਿਕਸ ਵੀਡੀਓਜ਼ ਪਾਉਣ ਬਾਰੇ ਸੋਚ ਰਿਹਾ ਸੀ ਤਾਂ ਖੁਦ ਦੇ ਸੈੱਟ-ਅਪ ਬਾਕਸ ਤੋਂ ਇਹ ਸਟ੍ਰੀਮਿੰਗ ਕਰਨ ਦੀ ਯੋਜਨਾ ਬਣ ਰਹੀ ਸੀ ਪਰ ਬਾਅਦ ਵਿੱਚ ਦੂਜੇ ਹਾਰਡਵੇਅਰ 'ਤੇ ਇਹ ਸੇਵਾ ਸ਼ੁਰੂ ਕੀਤੀ ਗਈ।
O - ਐਕੁਏਟਿਕ ਸ਼ੋਅ
O ਟਾਈਪ ਕਰਨ 'ਤੇ ਲਾਸ ਵੇਗਾਸ ਦਾ ਸਭ ਤੋਂ ਵਧੀਆ ਪਾਣੀ ਵਾਲਾ ਸ਼ੋਅ ਸਾਹਮਣੇ ਆਉਂਦਾ ਹੈ।
ਤਸਵੀਰ ਸਰੋਤ, Cirque du Soleil/Tomasz Rossa
P - ਐਂਡਰੋਇਡ ਪੀ
P ਟਾਈਪ ਕਰਨ 'ਤੇ ਐਂਡਰੋਇਡ ਐਪ ਡੈਵਲਪਰ ਦਾ ਪੰਨਾ ਖੁਲ੍ਹਦਾ ਹੈ।
ਤਸਵੀਰ ਸਰੋਤ, Google
Q - ਮੈਗਜ਼ੀਨ
Q ਇੱਕ ਮਿਊਜ਼ਿਕ ਮੈਗਜ਼ੀਨ ਹੈ, ਜੋ ਕਿ ਪਿਛਲੇ 31 ਸਾਲਾਂ ਤੋਂ ਡਿਜੀਟਲੀ ਚੱਲ ਰਹੀ ਹੈ। ਹਾਲਾਂਕਿ ਇਸ ਦੀ ਪ੍ਰਿੰਟ ਮੈਗਜ਼ੀਨ ਦੀ ਵਿਕਰੀ ਪਹਿਲਾਂ ਨਾਲੋਂ ਘਟੀ ਹੈ।
ਤਸਵੀਰ ਸਰੋਤ, Bauer Media
R - ਸਟੈਟਸ ਨਾਲ ਜੁੜਿਆ ਇੱਕ ਪ੍ਰੋਜੈਕਟ
R ਇੱਕ ਮੁਫ਼ਤ ਸਾਫਟਵੇਅਰ ਹੈ ,ਜੋ ਕਿ ਸਟੈਟ ਅਤੇ ਗਰਾਫਿਕਸ ਦਾ ਪੂਰਾ ਡਾਟਾ ਅਤੇ ਹਿਸਾਬ-ਕਿਤਾਬ ਕਰਦਾ ਹੈ। ਇਹ ਯੂਨਿਕਸ, ਵਿੰਡਜ਼ ਅਤੇ ਮੈਕ ਓਪਰੇਟਿੰਗ ਸਿਸਟਮ 'ਤੇ ਚੱਲਦਾ ਹੈ।
ਤਸਵੀਰ ਸਰੋਤ, R Foundation
S - ਐਸਟਰਿਡ ਐੱਸ
ਐਸਟਰਿਡ ਐੱਸ ਨੋਰਵੇ ਦੀ ਇੱਕ ਗਾਇਕਾ, ਗੀਤਕਾਰ ਅਤੇ ਮਾਡਲ ਹੈ। ਉਨ੍ਹਾਂ ਸੰਗੀਤ ਦੇ ਕਰੀਅਰ ਦੀ ਸ਼ੁਰੂਆਤ ਨੋਰਵੇ ਦੇ ਟੀਵੀ ਸ਼ੋਅ ਨੋਰਵੇ ਆਈਡਲ ਤੋਂ ਕੀਤੀ ਸੀ।
ਤਸਵੀਰ ਸਰੋਤ, Getty Images
T - ਟਵਿੱਟਰ
ਗੂਗਲ 'ਤੇ T ਟਾਈਪ ਕਰਦਿਆਂ ਹੀ ਸਭ ਤੋਂ ਉੱਪਰ ਸੋਸ਼ਲ ਮੀਡੀਆ ਪਲੈਟਫਾਰਮ ਟਵਿੱਟਰ ਆਉਂਦਾ ਹੈ।
ਤਸਵੀਰ ਸਰੋਤ, Getty Images
U - ਯੂ ਅਕਾਊਂਟ
ਗੂਗਲ 'ਤੇ ਸਰਚ ਕਰਨ 'ਤੇ ਯੂ ਅਕਾਊਂਟ ਵੈੱਬਸਾਈਟ ਆਉਂਦੀ ਹੈ, ਜਿਸ 'ਤੇ ਲਿਖਿਆ ਹੈ ਕਿ ਅਨਬੈਂਕ 'ਤੇ ਤੁਹਾਡਾ ਸਵਾਗਤ ਹੈ। ਉਹ ਦਾਅਵਾ ਕਰਦੇ ਹਨ ਕਿ ਇਹ ਕੋਈ ਬੈਂਕ ਨਹੀਂ ਹੈ।
ਤਸਵੀਰ ਸਰੋਤ, Ffrees Family Finance
ਯੋਰਕਸ਼ਾਇਰ ਦੀ ਕੰਪਨੀ ਦਾ ਦਾਅਵਾ ਹੈ, "ਤੁਹਾਨੂੰ ਉਹ ਸਾਰੇ ਮੁਨਾਫ਼ੇ ਮਿਲਣਗੇ ਜੋ ਤੁਸੀਂ ਇੱਕ ਬੈਂਕ ਤੋਂ ਚਾਹੁੰਦੇ ਹੋ।"
V - 1980 ਦੀ ਟੀਵੀ ਸੀਰੀਜ਼
V ਟਾਈਪ ਕਰਨ 'ਤੇ ਗੂਗਲ 'ਤੇ ਸਭ ਤੋਂ ਉੱਪਰ ਇੱਕ ਸੀਰੀਜ਼ ਆਉਂਦੀ ਹੈ 'V'। ਇਹ ਛਿਪਕਲੀਆਂ ਵਰਗੇ ਏਲੀਅਨਜ਼ 'ਤੇ ਆਧਾਰਿਤ ਕਹਾਣੀ ਹੈ ਜੋ ਕਿ ਧਰਤੀ 'ਤੇ ਕਾਬੂ ਪਾਉਣਾ ਚਾਹੁੰਦੇ ਹਨ।
ਤਸਵੀਰ ਸਰੋਤ, x
W - ਲਗਜ਼ਰੀ ਹੋਟਲ
W ਟਾਈਪ ਕਰਨ 'ਤੇ ਮੈਰੀਅਟ ਦੇ ਪ੍ਰੀਮੀਅਮ ਹੋਟਲ W ਆਉਂਦੇ ਹਨ। ਇਹ ਮੁਲਕ ਦੀਆਂ 50 ਥਾਵਾਂ 'ਤੇ ਸਥਿਤ ਹਨ।
ਤਸਵੀਰ ਸਰੋਤ, Marriott
ਅਫਰੀਕਾ ਤੋਂ ਬਾਅਦ ਇਸ ਦੀ ਚੇਨ ਈਜਿਪਟ ਅਤੇ ਮੋਰੋਕੋ ਵਿੱਚ ਵੀ ਖੁਲ੍ਹ ਰਹੀ ਹੈ।
X - ਐਪਲ ਆਈਫੋਨ X
X ਟਾਈਪ ਕਰਨ 'ਤੇ ਗੂਗਲ ਤੇ ਐਪਲ ਦਾ ਸਮਾਰਟਫੋਨ X ਟੌਪ 'ਤੇ ਸਰਚ ਵਿੱਚ ਆਉਂਦਾ ਹੈ। ਇਸ ਸੀਰੀਜ਼ ਦੇ ਕਈ ਫੋਨ ਬਾਜ਼ਾਰ ਵਿੱਚ ਆ ਚੁੱਕੇ ਹਨ।
ਤਸਵੀਰ ਸਰੋਤ, Apple
Y - ਯੂ-ਟਿਊਬ
ਗੂਗਲ 'ਤੇ Y ਟਾਈਪ ਕਰਦਿਆਂ ਹੀ ਯੂਟਿਊਬ ਆਉਂਦਾ ਹੈ। ਯੂ-ਟਿਊਬ ਦੇ ਮੁਖੀ ਦਾ ਕਹਿਣਾ ਹੈ ਕਿ 1.9 ਬਿਲੀਅਨ ਲੋਕ ਮਹੀਨੇ ਵਿੱਚ ਘੱਟੋ-ਘੱਟ ਇੱਕ ਵੀਡੀਓ ਦੇਖਣ ਲਈ ਯੂ-ਟਿਊਬ 'ਤੇ ਲੋਗ-ਇਨ ਕਰਦੇ ਹਨ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, Getty Images
Z - ਹੋਟਲ
W ਦੀ ਤਰ੍ਹਾਂ ਹੀ Z ਵੀ ਹੋਟਲਾਂ ਦੀ ਚੇਨ ਹੈ ਪਰ ਇਹ ਲਗਜ਼ਰੀ ਨਹੀਂ ਸਗੋਂ ਘੱਟ ਬਜਟ ਵਾਲੇ ਹੋਟਲ ਹਨ ।
ਤਸਵੀਰ ਸਰੋਤ, Getty Images
ਇਹ ਵੀ ਪੜ੍ਹੋ:
