ਸੁੰਦਰਤਾ ਦੇ ਪਰਛਾਵੇਂ ਨਾਲ ਗੱਲਾਂ ਕਰਦੀਆਂ ਤਸਵੀਰਾਂ
ਤਸਵੀਰ ਸਰੋਤ, THAIS VERHASSELT/bbc
ਬੀਬੀਸੀ ਨੇ ਆਪਣੇ ਪਾਠਕਾਂ ਤੋਂ 'ਇਨ ਦਿ ਸ਼ੈਡੋਅ' ਯਾਨੀ ਕਿ ਪਰਛਾਵਾਂ ਦੀ ਥੀਮ 'ਤੇ ਤਸਵੀਰਾਂ ਮੰਗਵਾਈਆਂ ਸਨ। ਪੇਸ਼ ਹਨ ਉਨ੍ਹਾਂ 'ਚੋਂ ਕੁਝ ਚੋਣਵੀਆਂ ਤਸਵੀਰਾਂ।
ਉੱਤੇ ਨਜ਼ਰ ਆ ਰਹੀ ਤਸਵੀਰ ਥਾਈਸ ਵੇਰਾਸੇਲ ਨੇ ਲੰਡਨ ਦੇ ਰੈਂਪਸਟੇਡ ਹੀਥ ਵਿੱਚ ਸ਼ਾਮ ਵੇਲੇ ਖਿੱਚੀ ਹੈ।
ਤਸਵੀਰ ਸਰੋਤ, VERNA EVANS
ਵਰਨਾ ਇਵਾਂਸ ਨੇ ਇਹ ਤਸਵੀਰ ਭੇਜੀ। ਤਸਵੀਰ ਇੱਕ ਬੁੱਤ ਦੀ ਹੈ ਜਿਸਦਾ ਪਰਛਾਵਾਂ ਕੰਧ 'ਤੇ ਪੈ ਰਿਹਾ ਹੈ।
ਤਸਵੀਰ ਸਰੋਤ, MICHAEL ROMAGNOLI
ਮਾਈਕਲ ਰੋਮਾਨਿਆਰੋਲੀ ਦੀ ਤਸਵੀਰ ਵਿੱਚ ਇੱਕ ਘੋੜਾ ਅਤੇ ਇੱਕ ਹੋਰ ਘੋੜੇ ਦੇ ਪਰਛਾਵਾਂ ਨਜ਼ਰ ਆ ਰਿਹਾ ਹੈ।
ਤਸਵੀਰ ਸਰੋਤ, PETER ELLIS
ਪੀਟਰ ਐਲਿਸ ਨੇ ਅਗਸਤ 2009 ਵਿੱਚ ਇਹ ਤਸਵੀਰ ਨਿਊ ਯੌਰਕ ਵਿੱਚ ਆਪਣੇ ਕੈਮਰੇ ਵਿੱਚ ਕੈਦ ਕੀਤੀ ਸੀ। ਇਹ ਉਨ੍ਹਾਂ ਦੀਆਂ ਪਸੰਦੀਦਾ ਤਸਵੀਰਾਂ 'ਚੋਂ ਇੱਕ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਡਿਜੀਟਲ ਕੈਮਰਾ ਲੈਣ ਤੋਂ ਪਹਿਲਾਂ ਇਹ ਉਨ੍ਹਾਂ ਦੇ ਰੀਲ੍ਹ ਵਾਲੇ ਕੈਮਰੇ 'ਚੋਂ ਲਈ ਗਈ ਆਖਰੀ ਤਸਵੀਰ ਹੈ।
ਤਸਵੀਰ ਸਰੋਤ, HELMUTH NIEVES
ਹੇਲਮਥ ਨਿਏਵਸ ਨੇ ਇਹ ਤਸਵੀਰ ਕੋਲੰਬੀਆ ਦੇ ਸ਼ਹਿਰ ਵਿਲਾਵਿਸੇਂਸਿਯੋ ਦੀ ਇੱਕ ਪਾਰਕ ਵਿੱਚ ਲਈ ਸੀ।
ਤਸਵੀਰ ਸਰੋਤ, ROB BRIDDEN
ਇਹ ਤਸਵੀਰ ਰੌਬ ਬ੍ਰਿਡਨ ਦੇ ਕੈਮਰੇ ਦਾ ਕਮਾਲ ਹੈ। ਇਸ ਤਸਵੀਰ ਵਿੱਚ ਇੱਕ ਸਾਈਕਲਿਸਟ ਹਨੇਰੇ 'ਚੋਂ ਬਾਹਰ ਨਿਕਲ ਰਿਹਾ ਹੈ।
ਤਸਵੀਰ ਸਰੋਤ, НИКИТА СУББОТИН
ਸੂਰਜ ਦੀਆਂ ਕਿਰਣਾਂ ਤੋਂ ਬਚਦਾ ਹੋਇਆ ਇੱਕ ਵਿਅਕਤੀ।
ਤਸਵੀਰ ਸਰੋਤ, DANIEL FURON
ਡੈਨੀਅਲ ਫਿਊਰੌਨ ਨੇ ਇਸ ਔਰਤ ਨੂੰ ਇੱਕ ਕੈਮਰੇ ਵਿੱਚ ਕੈਦ ਕੀਤਾ ਹੈ ਜਿਸ ਦੀ ਅੱਧੇ ਤੋਂ ਵੱਧ ਸ਼ਕਲ ਹਨੇਰੇ ਨਾਲ ਢਕੀ ਹੋਈ ਹੈ।
ਤਸਵੀਰ ਸਰੋਤ, JOANNA BARNES
ਇਹ ਤਸਵੀਰ ਜਾਏਨਾ ਬਾਰਨਸ ਨੇ ਭੇਜੀ ਹੈ। ਉਨ੍ਹਾਂ ਲਿਖਿਆ ਹੈ ਕਿ ਇਹ ਤਸਵੀਰ ਉਨ੍ਹਾਂ ਦੀ ਬਿੱਲੀ ਮਾਰਵਿਨ ਦੀ ਹੈ ਜੋ ਸ਼ਿਕਾਰ ਲਈ ਕਿਸੇ ਦੇ ਪਰਛਾਵੇਂ ਵਿੱਚ ਲੁਕੀ ਹੋਈ ਹੈ।
ਤਸਵੀਰ ਸਰੋਤ, PUBARUN BASU
ਪੁਬਾਰਨ ਬਾਸੂ ਨੇ ਇਹ ਤਸਵੀਰ ਲਈ ਹੈ। ਤਸਵੀਰ ਵਿੱਚ ਨੇਪਾਲ ਤੇ ਭਾਰਤ ਦੇ ਲੋਕ ਇੱਕ ਧਾਰਮਿਕ ਰਸਮ ਕਰ ਰਹੇ ਹਨ।
ਇਸ ਭਾਈਚਾਰੇ ਵਿੱਚ ਔਰਤਾਂ ਆਪਣੇ ਬਜ਼ੁਰਗਾਂ ਦੀ ਛਤਰ ਛਾਇਆ ਹੇਠ ਪਹਿਲੀ ਵਾਰ ਪੂਜਾ ਕਰਦੀਆਂ ਹਨ।
