ਦੱਖਣੀ ਕੋਰੀਆ: ਕਿਮ ਜੋਂਗ ਦੀਆਂ ਉਹ ਤਸਵੀਰਾਂ ਜੋ ਬਣ ਗਈਆਂ ਇਤਿਹਾਸ
ਤਸਵੀਰ ਸਰੋਤ, Getty Images
ਉੱਤਰੀ ਕੋਰੀਆ ਦੇ ਨੇਤਾ ਕਿਮ ਜੋਂਗ ਉਨ ਦੱਖਣੀ ਕੋਰੀਆ ਦੇ ਰਾਸ਼ਟਰਪਤੀ ਮੂਨ ਜੇ ਇਨ ਨਾਲ ਮੁਲਾਕਾਤ ਕਰਨ ਲਈ ਦੱਖਣੀ ਕੋਰੀਆ ਪਹੁੰਚ ਗਏ ਹਨ।
ਤਸਵੀਰ ਸਰੋਤ, Getty Images
ਸਾਲ 1953 ਦੇ ਕੋਰੀਆਈ ਯੁੱਧ ਤੋਂ ਬਾਅਦ (ਜਦੋਂ ਕੋਰੀਆ ਦੀਪ ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ ਸੀ) ਇਹ ਪਹਿਲਾ ਮੌਕਾ ਹੈ ਜਦੋਂ ਕਿਸੇ ਉੱਤਰੀ ਕੋਰੀਆ ਦੇ ਨੇਤਾ ਨੇ ਦੱਖਣੀ ਕੋਰੀਆ ਦੀ ਜ਼ਮੀਨ 'ਤੇ ਕਦਮ ਰੱਖਿਆ ਹੈ।
ਤਸਵੀਰ ਸਰੋਤ, KOREA SUMMIT PRESS POOL/GETTY IMAGES
ਦੋਵੇਂ ਨੇਤਾਵਾਂ ਵਿਚਾਲੇ ਗੱਲਬਾਤ ਪਨਮੁਨਜੋਮ 'ਚ ਬਣੇ ਪੀਸ ਹਾਊਸ ਵਿੱਚ ਹੋਈ, ਜੋ ਦੱਖਣੀ ਕੋਰੀਆ ਦੇ ਸੈਨਿਕ ਖੇਤਰ ਵਿੱਚ ਮੌਜੂਦ ਹੈ।
ਤਸਵੀਰ ਸਰੋਤ, Getty Images
ਪਨਮੁਨਜੋਮ ਵਿੱਚ ਸੈਨਾ ਸਰਹੱਦ ਪਾਰ ਕਰਨ ਤੋਂ ਬਾਅਦ ਦੋਵੇਂ ਨੇਤਾਵਾਂ ਨੇ ਕੁਝ ਸਮੇਂ ਲਈ ਉੱਤਰੀ ਕੋਰੀਆ ਦੀ ਵਿੱਚ ਕਦਮ ਰੱਖਿਆ ਅਤੇ ਫੇਰ ਦੱਖਣੀ ਕੋਰੀਆ ਵਿੱਚ ਬਣੇ ਪੀਸ ਹਾਊਸ ਵੱਲ ਵਧੇ।
ਕੋਰੀਆ ਦੇ ਸਰਕਾਰੀ ਟੈਲੀਵਿਜ਼ਨ ਨੇ ਇੱਕ ਵੀਡੀਓ ਜਾਰੀ ਕੀਤਾ ਹੈ, ਜਿਸ ਵਿੱਚ ਕਿਮ ਜੋਂਗ ਉਨ ਸਰਹੱਦ ਪਾਰ ਕਰਨ ਤੋਂ ਬੱਚਿਆਂ ਨਾਲ ਦਿਖੇ।
ਤਸਵੀਰ ਸਰੋਤ, Getty Images
ਉੱਤਰੀ ਕੋਰੀਆ ਨੇਤਾ ਕਾਰ 'ਚ ਸਰਹੱਦ 'ਤੇ ਆਏ ਅਤੇ ਫੇਰ ਉਹ ਆਪਣੇ ਵਫਦ ਨਾਲ ਪੈਦਲ ਹੀ ਪੀਸ ਹਾਊਸ ਤੱਕ ਗਏ।
ਸਮਾਚਾਰ ਏਜੰਸੀ ਏਐੱਫਪੀ ਮੁਤਾਬਕ ਮੂਨ ਜੇ ਇਨ ਨੇ ਕਿਮ ਨੂੰ ਕਿਹਾ, "ਮੈਂ ਤੁਹਾਡੇ ਨਾਲ ਮਿਲ ਕੇ ਖੁਸ਼ ਹਾਂ।"
ਤਸਵੀਰ ਸਰੋਤ, Getty Images
ਦੋਵੇਂ ਨੇਤਾਵਾਂ ਵਿਚਾਲੇ ਉੱਤਰੀ ਕੋਰੀਆ ਵਿੱਚ ਵਿਵਾਦਿਤ ਪਰਮਾਣੂ ਪ੍ਰੋਗਰਾਮ ਨੂੰ ਲੈ ਕੇ ਗੱਲਬਾਤ ਹੋਣ ਦੀ ਆਸ ਹੈ।
ਉਸ ਗੱਲਬਾਤ ਵਿੱਚ ਉੱਤਰੀ ਕੋਰੀਆ ਦੇ ਨੇਤਾ ਕਿਮ ਆਪਣੇ ਖ਼ਾਸ ਵਫਦ ਨੂੰ ਲੈ ਕੇ ਆਏ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਵਫਦ ਵਿੱਚ ਜੋ ਲੋਕ ਸ਼ਾਮਿਲ ਹਨ ਉਹ ਕਿਮ ਦੇ ਭਰੋਸਯੋਗ ਹਨ।
ਤਸਵੀਰ ਸਰੋਤ, Getty Images
ਦੱਖਣੀ ਕੋਰੀਆ ਵਿੱਚ ਲੱਖਾਂ ਲੋਕਾਂ ਨੇ ਇਸ ਇਤਿਹਾਸਕ ਪਲ ਨੂੰ ਟੀਵੀ 'ਤੇ ਦੇਖਿਆ। ਇਸ ਮੁਲਾਕਾਤ ਦਾ ਸਿੱਧਾ ਪ੍ਰਸਾਰਣ ਟੀਵੀ 'ਤੇ ਲਾਈਵ ਕੀਤਾ ਜਾ ਰਿਹਾ ਹੈ।
ਤਸਵੀਰ ਸਰੋਤ, CHUNG SUNG-JUN/GETTY IMAGES
ਆਸ ਜਤਾਈ ਜਾ ਰਹੀ ਹੈ ਕਿ ਇਸ ਬੈਠਕ ਵਿੱਚ ਕੋਰੀਆ ਦੇ ਯੁੱਧ ਕਾਰਨ ਵੱਖ ਹੋਏ 60 ਹਜ਼ਾਰ ਲੋਕਾਂ ਅਤੇ ਉਨ੍ਹਾਂ ਪਰਿਵਾਰਾਂ ਦੀ ਵੀ ਚਰਚਾ ਹੋਵੇਗੀ।
ਉਸ ਦੇ ਨਾਲ ਹੀ ਉੱਤਰੀ ਕੋਰੀਆ ਵਿੱਚ ਹਿਰਾਸਤ ਵਿੱਚ ਰੱਖੇ ਗਏ ਵਿਦੇਸ਼ੀਆਂ ਦੀ ਰਿਹਾਈ ਬਾਰੇ ਵੀ ਚਰਚਾ ਹੋ ਸਕਦੀ ਹੈ।
