ਤਸਵੀਰਾਂ꞉ ਨੌਜਵਾਨਾਂ ਦੇ ਕੈਮਰੇ ਰਾਹੀਂ ਦੇਖੋ ਬਦਲਦੀ ਦੁਨੀਆਂ
ਤਸਵੀਰ ਸਰੋਤ, Maddy Turner
ਸਮਾਜਿਕ ਮਸਲੇ ਕਿਸ ਪ੍ਰਕਾਰ ਤਰ੍ਹਾਂ ਸਾਡੀਆਂ ਜ਼ਿੰਦਗੀਆਂ ਨੂੰ ਰੂਪ ਦਿੰਦੇ ਹਨ?
14 ਤੋਂ 18 ਸਾਲ ਦੇ ਇਨ੍ਹਾਂ ਕਿਸ਼ੋਰ ਫੋਟੋਗ੍ਰਾਫ਼ਰਾਂ ਦੇ ਇੱਕ ਗਰੁੱਪ ਨੇ ਆਪਣੇ ਕੈਮਰੇ ਵਿੱਚ ਬਦਲਦੀ ਦੁਨੀਆਂ ਦੀਆਂ ਤਸਵੀਰਾਂ ਨੂੰ ਕੈਦ ਕੀਤਾ ਅਤੇ ਦਿਖਾਇਆ ਕਿ ਕਿਵੇਂ ਇਨ੍ਹਾਂ ਤਬਦੀਲੀਆਂ ਦਾ ਅਸਰ ਉਨ੍ਹਾਂ ਦੀਆਂ ਅਤੇ ਆਲੇ - ਦੁਆਲੇ ਦੇ ਲੋਕਾਂ ਦੀਆਂ ਜ਼ਿੰਦਗੀਆਂ 'ਤੇ ਪੈ ਰਿਹਾ ਹੈ।
ਸਭ ਤੋਂ ਬਿਹਤਰੀਨ ਤਸਵੀਰ ਦਾ ਖਿਤਾਬ 16 ਸਾਲਾ ਮੈਡੀ ਟਰਨਰ ਨੂੰ ਮਿਲਿਆ ਜਿਨ੍ਹਾਂ ਨੇ ਮੀਡੀਆ ਵਿੱਚ ਵਿਭੰਨਤਾ ਨੂੰ ਦਰਸਾਇਆ ਹੈ।
ਆਪਣੀ ਤਸਵੀਰ ਵਿੱਚ ਉਨ੍ਹਾਂ ਨੇ ਮੀਡੀਆ ਅਤੇ ਫ਼ੈਸ਼ਨ ਸਨਅਤ ਵਿੱਚ ਨਸਲੀ ਵਿਭਿੰਨਤਾ ਦੀ ਨੁਮਾਂਦਗੀ ਨੂੰ ਉਜਾਗਰ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।
ਉਨ੍ਹਾਂ ਕਿਹਾ, "ਇਹ ਤਸਵੀਰ ਦਿਖਾਉਂਦੀ ਹੈ ਕਿ ਵਿਭਿੰਨਤਾ ਦੀ ਕਮੀ ਕਿਵੇਂ ਕੁਝ ਲੋਕਾਂ ਨੂੰ ਉਨ੍ਹਾਂ ਦੀ ਚਮੜੀ ਦੀ ਰੰਗ ਬਾਰੇ ਸੰਕੋਚੀ ਬਣਾ ਸਕਦੀ ਹੈ।''
ਇਨ੍ਹਾਂ ਦੇ ਇਲਾਵਾ ਵੀ ਕੁਝ ਤਸਵੀਰਾਂ ਵੀ ਸਨ।
ਤਸਵੀਰ ਸਰੋਤ, PATRICK WILKINSON
ਪੈਟਰਿਕ ਵਿਲਕਿਨਸਨ ਨੂੰ ਇਹ ਕਿਸ਼ਤੀ ਸਪੇਨ ਦੇ ਸਮੁੰਦਰੀ ਕਿਨਾਰੇ 'ਤੇ ਮਿਲੀ। ਸਮੁੰਦਰ ਦੀ ਰੇਤੇ 'ਤੇ ਪਿਆ ਕਿਸ਼ਤੀ ਦਾ ਇਹ ਮਲਵਾ ਸ਼ਰਨਾਰਥੀ ਸੰਕਟ ਬਾਰੇ ਬਹੁਤ ਕੁਝ ਕਹਿੰਦਾ ਹੈ।
ਤਸਵੀਰ ਸਰੋਤ, Virag-Angyalka Kiss
ਵੀਰਗ-ਅਨਗਾਇਕਾ ਕਿਸ ਨੇ ਨਾਈਟ-ਆਊਟ ਤੋਂ ਬਾਅਦ ਛੱਡੀਆਂ ਵਸਤਾਂ ਦੀਆਂ ਕੁਝ ਤਸਵੀਰਾਂ ਲਈਆਂ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਸਮਾਜਿਕ ਮੁੱਦਿਆਂ ਨਾਲ ਨਜਿੱਠਣ ਨਸ਼ੇ ਵਿੱਚ ਸੰਜਮ ਵਰਤਣਾ ਜਰੂਰੀ ਹੈ।
ਤਸਵੀਰ ਸਰੋਤ, Teddie Summers
ਯਹੂਦੀ ਯਾਦਗਾਰ ਦੀ ਇਸ ਅਨੋਖੀ ਤਸਵੀਰ ਨੇ ਟੇਡੀ ਸਮਰਸ ਨੂੰ ਸੋਸ਼ਲ ਮੀਡੀਆ ਕੈਟੇਗਰੀ ਦਾ ਇਨਾਮ ਜਿਤਾਇਆ।
ਤਸਵੀਰ ਸਰੋਤ, Antonia Wilford
ਐਂਟੋਨਿਆ ਵਿਲਫੋਰਡ ਦੇ ਦਾਦਾ ਜੀ ਉਨ੍ਹਾਂ ਨੂੰ ਅਕਸਰ ਕਹਿੰਦੇ ਹਨ ਕਿ ਉਹ ਆਪਣੇ-ਆਪ ਨੂੰ ਸ਼ੀਸ਼ੇ ਵਿੱਚ ਦੇਖ ਕੇ ਹੈਰਾਨ ਰਹਿ ਜਾਂਦੇ ਹਨ ਕਿਉਂਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਦਿਮਾਗ ਪੱਖੋਂ ਉਹ ਹਾਲੇ ਵੀ ਜੁਆਨ ਹਨ।
ਤਸਵੀਰ ਸਰੋਤ, Kitty Castledine
ਕਿਟੀ ਕੈਸਟਲੇਡਿਨ ਨੇ ਕਿਸ਼ੋਰ ਉਮਰ ਦੇ ਤਣਾਅ ਨੂੰ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਉਹ ਦੱਸ ਰਹੇ ਹਨ ਕਿ ਕਿਵੇਂ ਉਨ੍ਹਾਂ ਵਰਗੇ ਅਲ੍ਹੱੜਾਂ 'ਤੇ ਬਹੁਤ ਘੱਟ ਸਮੇਂ ਵਿੱਚ ਜ਼ਿੰਦਗੀ ਪ੍ਰਤੀ ਆਪਣਾ ਰੁਖ ਬਣਾਉਣ ਦਾ ਦਬਾਅ ਪਾਇਆ ਜਾਂਦਾ ਹੈ।
ਤਸਵੀਰ ਸਰੋਤ, Florence Noon
ਫਲੋਰੈਂਸ ਨੂਨ ਦੀ ਇਹ ਤਸਵੀਰ ਦਿਖਾਉਂਦੀ ਹੈ ਕਿ ਕਿਵੇਂ ਲੋਕੀਂ ਆਪਣੀਆਂ ਜ਼ਰੂਰਤਾਂ ਤੋਂ ਵੱਧ ਖ਼ਰੀਦਦਾਰੀ ਕਰਦੇ ਹਨ। ਉਨ੍ਹਾਂ ਦੀ ਦਲੀਲ ਹੈ ਕਿ ਪੈਸਾ ਸਾਰਿਆਂ ਵਿੱਚ ਬਰਾਬਰ ਵੰਡਿਆ ਜਾਣਾ ਚਾਹੀਦਾ ਹੈ।
ਤਸਵੀਰ ਸਰੋਤ, Julia Koutas
ਤਸਵੀਰ ਸਰੋਤ, Julia Koutas
ਫਲੋਰੈਂਸ ਨੂਨ ਦੀ ਇਹ ਤਸਵੀਰ ਦਿਖਾਉਂਦੀ ਹੈ ਕਿ ਕਿਵੇਂ ਲੋਕੀਂ ਆਪਣੀਆਂ ਜ਼ਰੂਰਤਾਂ ਤੋਂ ਵੱਧ ਖ਼ਰੀਦਦਾਰੀ ਕਰਦੇ ਹਨ। ਉਨ੍ਹਾਂ ਦੀ ਦਲੀਲ ਹੈ ਕਿ ਪੈਸਾ ਸਾਰਿਆਂ ਵਿੱਚ ਬਰਾਬਰ ਵੰਡਿਆ ਜਾਣਾ ਚਾਹੀਦਾ ਹੈ।
ਤਸਵੀਰ ਸਰੋਤ, Gemma Espinosa
ਜਮੈਮਾ ਏਸਪਿਨੋਜ਼ਾ ਕਹਿੰਦੇ ਹਨ, " ਇਹ ਤਸਵੀਰ ਲੋਕਾਂ ਨੂੰ ਦਿਖਾਵੇਗੀ ਕਿ ਇੱਕ ਜਿਊਂਦਾ-ਜਾਗਦਾ ਜੀਵ ਉਨ੍ਹਾਂ ਨੂੰ ਗੌਰ ਨਾਲ ਦੇਖ ਰਿਹਾ ਹੈ, ਉਹ ਦਰਦ ਮਹਿਸੂਸ ਕਰਦਾ ਹੈ ਤੇ ਇੱਜ਼ਤ ਦਾ ਹੱਕਦਾਰ ਹੈ।"
ਤਸਵੀਰ ਸਰੋਤ, SORREN HARRISON
ਤਸਵੀਰ ਸਰੋਤ, Leah Metcalfe
ਸੌਰਿਨ ਹੈਰਿਸਨ ਨੇ ਆਟਿਸਟਿਕ ਬੱਚਿਆਂ ਦੇ ਮੁਸ਼ਕਿਲ ਤਜੁਰਬਿਆਂ ਤੋਂ ਲੋਕਾਂ ਨੂੰ ਜਾਣੂ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਦੱਸਿਆ ਕਿ ਕਿਵੇਂ ਕੁਦਰਤੀ ਸੰਸਾਰ ਉਨ੍ਹਾਂ ਨੂੰ ਅਪਣਾ ਸਕਦਾ ਹੈ।
ਤਸਵੀਰ ਸਰੋਤ, Cameron Lawrence
ਕੈਮਰਨ ਲਾਰੈਂਸ ਇੱਕ ਪੇਂਡੂ ਇਲਾਕੇ ਨਾਲ ਸੰਬੰਧਿਤ ਹਨ। ਉਹ ਮਹਿਸੂਸ ਕਰਦੇ ਹਨ ਕਿ ਖੇਤੀ ਸਨਅਤ ਤੇ ਦਬਾਅ ਵੱਧ ਰਿਹਾ ਹੈ। ਉਨ੍ਹਾਂ ਨੂੰ ਉਮੀਦ ਹੈ ਕਿ ਉਹ ਇਸ ਤਸਵੀਰ ਦੀ ਅਨਿਸ਼ਚਿਤੱਤਾ ਨੂੰ ਕੈਦ ਕਰ ਸਕੇ ਹਨ।
ਤਸਵੀਰ ਸਰੋਤ, Shaheena Uddin
ਸ਼ਾਹੀਨ ਉਦੀਨ ਨੇ ਆਪਣੇ ਹਿਜਾਬ ਦੀ ਮਦਦ ਨਾਲ ਇੱਕ ਫੋਟੋ ਫਰੇਮ ਬਣਾਇਆ ਬਣਾਇਆ। ਉਹ ਚਾਹੁੰਦੇ ਹਨ ਕਿ ਦੁਨੀਆਂ ਉਨ੍ਹਾਂ ਨੂੰ ਇਸ ਹਿਜਾਬ ਤੋਂ ਅਗਾਂਹ ਵੱਧ ਕੇ ਦੇਖਣ ਅਤੇ ਉਸ ਅਲੱੜ੍ਹ ਦੀ ਤਾਰੀਫ਼ ਕਰਨ ਜੋ ਉਨ੍ਹਾਂ ਦੇ ਅੰਦਰ ਵਸਦੀ ਹੈ।
