ਉੱਤਰੀ ਕੋਰੀਆਂ ਦੇ ਨੇਤਾ ਕਿਮ ਜੋਂਗ ਉਨ ਕੌਸਮੈਟਿਕ ਉਤਪਾਦ ਦੇਖਣ ਪਹੁੰਚੇ
ਤਸਵੀਰ ਸਰੋਤ, KCNA VIA REUTERS
ਉੱਤਰੀ ਕੋਰੀਆ ਦੇ ਆਗੂ ਕਿਮ ਜੋਂਗ ਉਨ ਨੇ ਅਮਰੀਕਾ ਅਤੇ ਉਸਦੇ ਸਹਿਯੋਗੀਆਂ ਨਾਲ ਟਕਰਾਅ 'ਚੋਂ ਸਮਾਂ ਕੱਢ ਕੇ ਪਿਓਂਗਯਾਂਗ ਵਿਖੇ ਇੱਕ ਕੌਸਮੈਟਿਕ ਫੈਕਟਰੀ ਦਾ ਦੌਰਾ ਕੀਤਾ।
ਹਾਲ ਹੀ ਵਿੱਚ ਸੁਰਜੀਤ ਕੀਤੀ ਗਈ ਇਸ ਫੈਕਟਰੀ ਵਿੱਚ ਕਿਮ ਆਪਣੀ ਪਤਨੀ ਰੀ ਸੋਲ-ਜੂ ਅਤੇ ਇੱਕ ਹੋਰ ਸੀਨੀਅਰ ਪਾਰਟੀ ਮੈਂਬਰ ਨਾਲ ਗਏ।
ਇਸੇ ਫੈਕਟਰੀ ਵਿੱਚ 14 ਸਾਲ ਪਹਿਲਾਂ ਉਨ੍ਹਾਂ ਦੇ ਪਿਤਾ ਕਿਮ ਜੋਂਗ-ਇਲ ਵੀ ਗਏ ਸਨ। ਇਹ ਦੌਰਾ ਦੇਸ ਦੇ ਸਰਕਾਰੀ ਚੈਨਲ ਉੱਤੇ ਵਿਖਾਇਆ ਗਿਆ ਸੀ।
ਇਹ ਪਹਿਲਾ ਮੌਕਾ ਹੈ ਕਿ ਕਿਮ ਆਪਣੀ ਪਤਨੀ ਨਾਲ ਕੌਸਮੈਟਿਕ ਉਤਪਾਦਾਂ ਨਾਲ ਘਿਰੇ ਦਿਖੇ ਹਨ। ਕਿਮ ਨੇ ਕੰਪਨੀ ਦੀ ਸਿਫ਼ਤ ਵੀ ਕੀਤੀ ਅਤੇ ਵਿਸ਼ਵ ਪੱਧਰੀ ਉਤਪਾਦ ਬਣਾਉਣ ਲਈ ਪ੍ਰੇਰਿਤ ਕੀਤਾ।
ਤਸਵੀਰ ਸਰੋਤ, KCNA VIA REUTERS
ਇਸ ਤੋਂ ਇੱਕ ਦਿਨ ਪਹਿਲਾਂ ਅਮਰੀਕਾ ਦੇ ਰੱਖਿਆ ਮੰਤਰੀ ਜਿਮ ਮੈਟਿਸ ਨੇ ਕਿਹਾ ਸੀ ਕਿ ਦੇਸ ਕਦੇ ਵੀ ਉੱਤਰੀ ਕੋਰੀਆ ਨੂੰ ਪਰਮਾਣੂ ਤਾਕਤ ਵਜੋਂ ਸਵੀਕਾਰ ਨਹੀਂ ਕਰੇਗਾ।
ਸ਼ਨੀਵਾਰ ਨੂੰ ਦੱਖਣੀ ਕੋਰੀਆ ਦੇ ਦੌਰੇ ਦੌਰਾਨ ਮੈਟਿਸ ਨੇ ਕਿਹਾ ਕਿ ਜੇ ਉੱਤਰੀ ਕੋਰੀਆ ਅਜਿਹੇ ਹਥਿਆਰਾਂ ਦੀ ਕਿਸੇ ਵੀ ਢੰਗ ਨਾਲ ਵਰਤੋਂ ਕਰਦਾ ਹੈ ਤਾਂ ਉਸ ਨੂੰ ਮੂੰਹ ਤੋੜਵਾਂ ਜਵਾਬ ਨਾਲ ਮਿਲੇਗਾ।
ਉੱਤਰੀ ਕੋਰੀਆ ਵੱਲੋਂ ਮਿਜ਼ਾਇਲ ਸੀਰੀਜ਼ ਤੇ ਪਰਮਾਣੂ ਪ੍ਰਯੋਗਾਂ ਕਾਰਨ ਪ੍ਰਾਇਦੀਪ 'ਤੇ ਤਣਾਅ ਵਧਿਆ ਹੋਇਆ ਹੈ ।
ਕਿਮ ਜੋਂਗ ਉਨ ਤੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਤਿੱਖੀ ਸ਼ਬਦਾਵਲੀ ਦੀ ਵਰਤੋਂ ਵੀ ਇਸ ਤਲਖੀ ਦਾ ਇੱਕ ਕਾਰਨ ਬਣੀ ਹੈ।
ਤਸਵੀਰ ਸਰੋਤ, KCNA VIA REUTERS
ਇਸ ਦੌਰੇ ਨੇ ਉਨ੍ਹਾਂ ਦਾ ਬਿਲਕੁਲ ਵੱਖਰਾ ਪੱਖ ਸਾਹਮਣੇ ਲਿਆਂਦਾ ਹੈ ਕਿਉਂਕਿ ਉਹ ਅਕਸਰ ਮਿਜ਼ਾਇਲਾਂ ਅਤੇ ਹਥਿਆਰਾਂ ਨਾਲ ਤਸਵੀਰਾਂ ਵਿੱਚ ਵੇਖੇ ਜਾਂਦੇ ਹਨ ਹਨ।
ਕਿਮ ਜੋਂਗ ਉਨ ਦੇ ਦੇਸ ਵਾਂਗ ਪਰਿਵਾਰ ਵੀ ਕਾਫੀ ਰਹੱਸਮਈ ਹੈ।
ਕਿਮ ਜੋਂਗ ਉਨ ਦੀ ਪਤਨੀ ਤੇ ਪਰਿਵਾਰ
ਬਹੁਤ ਸਾਰੀਆਂ ਖਬਰਾਂ ਸਨ ਕਿ ਉਹ ਇੱਕ ਗਾਇਕ ਸੀ ਅਤੇ ਇੱਕ ਪ੍ਰੋਗਰਾਮ ਵਿੱਚ ਪੇਸ਼ਕਾਰੀ ਕਰਦੇ ਹੋਏ, ਕਿਮ ਨੇ ਉਨ੍ਹਾਂ ਨੂੰ ਵੇਖਿਆ।
ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਕਿਮ ਜੋਂਗ-ਉਨ ਅਤੇ ਰੀ ਸੋਲ-ਜੂ ਦੇ ਤਿੰਨ ਬੱਚੇ ਹਨ। ਇਹ ਅੰਦਾਜ਼ਾ ਰੀ ਸੋਲ-ਜੂ ਦੇ ਕੁੱਝ ਦੇਰ ਅਲੋਪ ਰਹਿਣ ਅਤੇ ਦੁਬਾਰਾ ਦਿਖਣ ਦੇ ਆਧਾਰ' ਤੇ ਲਗਾਇਆ ਜਾਂਦਾ ਹੈ।
ਤਸਵੀਰ ਸਰੋਤ, AFP/KCNA
ਇਨ੍ਹਾਂ ਗੱਲਾਂ ਦੀ ਕਦੇ ਪੁਸ਼ਟੀ ਨਹੀਂ ਹੋ ਸਕੀ।
ਰੀ ਸੋਲ-ਜੂ ਪੱਛਮੀ ਪਹਿਰਾਵੇ ਵਿੱਚ ਜਨਤਕ ਥਾਵਾਂ 'ਤੇ ਪਤੀ ਦੇ ਨਾਲ ਬੇਫਿਕਰੀ ਨਾਲ ਵੇਖੀ ਜਾਂਦੀ ਰਹੀ ਹੈ, ਉਨ੍ਹਾਂ ਦੀ ਤੁਲਨਾ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਦੀ ਪਤਨੀ ਮਿਸ਼ੇਲ ਓਬਾਮਾ ਨਾਲ ਕੀਤੀ ਗਈ ਹੈ।
ਇਹ ਉਮੀਦ ਵੀ ਕੀਤੀ ਗਈ ਸੀ ਇਸ ਮਗਰੋਂ ਸ਼ਇਦ ਕਿਮ ਜੋਂਗ ਆਪਣੀ ਸ਼ੈਲੀ ਵਿੱਚ ਥੋੜ੍ਹੀ ਤਬਦੀਲੀ ਕਰਨਗੇ ਪਰ ਹਾਲੀਆ ਮਿਜ਼ਾਈਲ ਪਰਖਾਂ ਤੋਂ ਬਾਅਦ, ਉਨ੍ਹਾਂ ਦੇ ਦੇਸ ਦੇ ਕੌਮਾਂਤਰੀ ਸਬੰਧ ਅਚਾਨਕ ਬਿਗੜ ਗਏ ਹਨ।
