You’re viewing a text-only version of this website that uses less data. View the main version of the website including all images and videos.
NCRB Report 2021: ਨਸ਼ੇ ਦੇ ਮਾਮਲੇ ਸਭ ਤੋਂ ਵੱਧ ਪੰਜਾਬ ਵਿੱਚ, ਸਭ ਤੋਂ ਵੱਧ ਖੁਦਕੁਸ਼ੀਆਂ ਦਿਹਾੜੀਦਾਰਾਂ ਤੇ ਘਰੇਲੂ ਸੁਆਣੀਆਂ ਨੇ ਕੀਤੀਆਂ
ਭਾਰਤ ਵਿੱਚ ਅਪਰਾਧ ਦੀ ਸਥਿਤੀ ਬਾਰੇ ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ ਦੀ ਤਾਜ਼ਾ ਰਿਪੋਰਟ ਆ ਗਈ ਹੈ।
29 ਅਗਸਤ ਨੂੰ ਜਨਤਕ ਕੀਤੀ ਗਈ ਇਸ ਰਿਪੋਰਟ ਵਿੱਚ ਸਾਲ 2021 ਦੌਰਾਨ ਦੇਸ ਵਿੱਚ ਦਰਜ ਹੋਏ ਅਪਰਾਧਿਕ ਮਾਮਲਿਆਂ ਦਾ ਵੇਰਵਾ ਹੈ।
ਐਨਸੀਆਰਬੀ ਰਿਪੋਰਟ ਕਈ ਸਾਲਾਂ ਤੋਂ ਦੇਸ ਵਿੱਚ ਵੱਖ-ਵੱਖ ਕਿਸਮ ਦੇ ਅਪਰਾਧਾਂ ਨੂੰ ਸਮਝਣ ਲਈ ਇਹ ਡਾਟਾ ਇੱਕ ਸਮਝਣਯੋਗ ਤਰੀਕੇ ਨਾਲ ਪੇਸ਼ ਕਰਦਾ ਹੈ।
ਐਨਸੀਆਰਬੀ ਦੀ ਤਾਜ਼ਾ ਰਿਪੋਰਟ ਦੇ ਅੰਕੜਿਆਂ ਨੂੰ ਹੇਠਾਂ ਦੇ ਦਿੱਤੇ 7 ਚਾਰਟਾਂ ਦੀ ਮਦਦ ਨਾਲ ਦੇਖ ਕੇ ਸਮਝੋ-
ਪਹਿਲਾ ਚਾਰਟ ਨਸ਼ਿਆਂ ਦੇ ਕਾਰੋਬਾਰ ਅਤੇ ਤਸਕਰੀ ਖਿਲਾਫ਼ ਹੋਣ ਵਾਲੇ ਅਪਰਾਧਾਂ ਦਾ ਹੈ, ਇਸ ਮਾਮਲੇ ਵਿਚ ਦਰਜ ਹੋਣ ਵਾਲੇ ਸਭ ਤੋਂ ਵੱਧ ਮਾਮਲੇ ਪੰਜਾਬ ਦੇ ਹਨ।
ਪੰਜਾਬ ਵਿਚ 32.8 ਫ਼ੀਸਦ ਮਾਮਲੇ ਦਰਜ ਹੋਏ ਹਨ , ਹਿਮਾਚਲ ਪ੍ਰਦੇਸ਼ 20.8 ਫੀਸਦ ਨਾਲ ਦੂਜੇ ਅਤੇ ਅਰੁਣਾਚਲ 17.2 ਫੀਸਦ ਨਾਲ ਤੀਜੇ ਥਾਂ ਉੱਤੇ ਹੈ।
ਖੁਦਕੁਸ਼ੀਆਂ ਦੇ ਮਾਮਲੇ ਵਿਚ ਦਿਹਾੜੀ ਦਾਰ ਕਾਮਿਆਂ ਦੀ ਹਾਲਤ ਸਭ ਤੋਂ ਮਾੜੀ ਹੈ। ਮੁਲਕ ਵਿਚ ਕੁੱਲ ਖੁਦਕੁਸ਼ੀਆਂ ਦਾ 25.6 ਫੀਸਦ ਖੁਦਕੁਸ਼ੀਆਂ ਕਾਮੇ ਕਰਦੇ ਹਨ। ਜਦਕਿ ਦੂਜੇ ਨੰਬਰ ਉੱਤੇ ਕਰੀਬ 15 ਫੀਸਦ ਨਾਲ ਘਰੇਲੂ ਸੁਆਣੀਆਂ ਆਉਂਦੀਆਂ ਹਨ।
ਇਨ੍ਹਾਂ ਅੰਕੜਿਆਂ ਮੁਤਾਬਕ ਕਿਸਾਨਾਂ ਦੀ ਖੁਦਕੁਸ਼ੀ ਦੀ ਦਰ 6.6 ਫੀਸਦ ਹੈ। ਨੌਜਵਾਨ ਵਿਦਿਆਰਥੀਆਂ ਅਤੇ ਬੇਰੁਜ਼ਗਾਰਾਂ ਦੀ ਖੁਦਕੁਸ਼ੀ ਦਰ 16 ਫੀਸਦ ਤੋਂ ਵੱਧ ਬਣਦੀ ਹੈ।
ਭਾਵੇਂ ਕਿ ਉੱਤਰ ਪ੍ਰਦੇਸ਼ ਦੀ ਯੋਗੀ ਸਰਕਾਰ ਅਪਰਾਧ ਨੂੰ ਕਾਬੂ ਕਰਨ ਦੇ ਸਮੇਂ ਸਮੇਂ ਉੱਤੇ ਦਾਅਵੇ ਕਰਦੀ ਰਹੀ ਹੈ, ਪਰ ਔਰਤਾਂ ਖ਼ਿਲਾਫ਼ ਸੂਬੇ ਵਿਚ ਸਭ ਤੋਂ ਵੱਧ ਅਪਰਾਧਾਂ ਦਾ ਗਿਣਤੀ ਰਿਕਰਾਡ ਕੀਤੀ ਗਈ।
