ਸੋਸ਼ਲ: 'ਵੀਡੀਓ ਜੋ 15 ਲੱਖ ਤੇ ਪਕੌੜਿਆਂ ਨੂੰ ਭੁਲਾ ਦੇਵੇਗੀ'
ਤਸਵੀਰ ਸਰੋਤ, Muzik247/video grab
ਵੈਸੇ ਤਾਂ ਮੁਹੱਬਤ ਦਾ ਕੋਈ ਦਿਨ ਮਿਥਿਆ ਨਹੀਂ ਹੁੰਦਾ, ਪਰ ਪਿਆਰ ਕਰਨ ਵਾਲੇ 14 ਫਰਵਰੀ ਨੂੰ ਇੱਕ ਤਿਉਹਾਰ ਵਾਂਗ ਹੀ ਮੰਨਦੇ ਹਨ।
ਅਜਿਹੇ ਵਿੱਚ ਜਦੋਂ ਇਹ ਤਿਉਹਾਰ ਬਸ ਕੁਝ ਘੰਟਿਆਂ ਦੀ ਉਡੀਕ ਕਰ ਰਿਹਾ ਹੋਵੇ ਤਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਇੱਕ ਵੀਡੀਓ ਨਾਲ ਲੋਕਾਂ ਦਾ ਸਕੂਲ ਵਾਲਾ ਪਿਆਰ ਅਚਾਨਕ ਅਤੀਤ ਦੀ ਖਿੜਕੀ ਖੋਲ੍ਹ ਕੇ ਮੁਸਕਰਾਉਣ ਲੱਗਾ ਹੈ।
ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਸਕੂਲੀ ਵਿਦਿਆਰਥੀ ਅਤੇ ਵਿਦਿਆਰਥਣ ਅੱਖਾਂ ਰਾਹੀਂ ਇੱਕ ਦੂਜੇ ਨਾਲ ਦਿਲ ਦੀਆਂ ਗੱਲਾਂ ਕਰ ਰਹੇ ਹਨ।
ਇਸ ਲੇਖ ਵਿੱਚ Instagram ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Instagram ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of Instagram post
ਇਹ ਵੀਡੀਓ ਇੱਕ ਗਾਣੇ ਦਾ ਛੋਟਾ ਜਿਹਾ ਮੁਖੜਾ ਹੈ। ਇਸ ਵੀਡੀਓ 'ਚ ਜੋ ਕੁੜੀ ਨਜ਼ਰ ਆ ਰਹੀ ਹੈ, ਉਹ ਮਲਿਆਲਮ ਅਦਾਕਾਰਾ ਪ੍ਰਿਆ ਪ੍ਰਕਾਸ਼ ਵਾਰਿਆ ਹੈ।
ਤਸਵੀਰ ਸਰੋਤ, Muzik247/video grab
ਲੋਕ ਪ੍ਰਿਆ ਪ੍ਰਕਾਸ਼ ਦੀਆਂ ਤਸਵੀਰਾਂ ਨੂੰ ਫੇਸਬੁੱਕ, ਟਵਿੱਟਰ ਅਤੇ ਵੱਟਸਐੱਪ 'ਤੇ ਸ਼ੇਅਰ ਕਰ ਰਹੇ ਹਨ। ਕੁਝ ਮੁੰਡੇ ਤਸਵੀਰ ਦੇਖ ਕੇ ਖ਼ੁਦ ਦਾ ਸਖ਼ਤ ਸੁਭਾਅ ਨਰਮ ਹੋਣ ਦੀ ਗੱਲ ਵੀ ਲਿਖ ਰਹੇ ਹਨ।
ਕਿਥੋਂ ਆਇਆ ਵੀਡੀਓ?
ਇਹ ਵੀਡੀਓ ਮਲਿਆਲਮ ਫਿਲਮ 'ਓਰੂ ਅਦਾਰ ਲਵ' ਦੇ ਗਾਣੇ ਦਾ ਇੱਕ ਹਿੱਸਾ ਹੈ।
ਤਸਵੀਰ ਸਰੋਤ, Muzik247/video grab
ਇਹ ਫਿਲਮ ਸਕੂਲ ਵਿੱਚ ਹੋਏ ਪਿਆਰ ਦੀ ਕਹਾਣੀ ਹੈ। ਇਹ ਫਿਲਮ ਇਸੇ ਸਾਲ ਹੀ ਰਿਲੀਜ਼ ਹੋਵੇਗੀ ਅਤੇ ਇਸ ਦੇ ਡਾਇਰੈਕਟਰ ਉਮਰ ਲੁਲੁ ਹੈ। ਸੰਗੀਤ ਸ਼ਾਨ ਰਹਿਮਾਨ ਨੇ ਦਿੱਤਾ ਹੈ।
ਫਿਲਮ ਵਿੱਚ ਕੰਮ ਕਰਨ ਵਾਲੇ ਜ਼ਿਆਦਾਤਰ ਕਲਾਕਾਰ ਨਵੇਂ ਹਨ। ਪ੍ਰਿਆ ਪ੍ਰਕਾਸ਼ ਵਾਲੇ ਵੀਡੀਓ ਵਿੱਚ ਨਜ਼ਰ ਆ ਰਹੇ ਦੂਜੇ ਕਲਾਕਾਰ ਰੌਸ਼ਨ ਅਬਦੁੱਲ ਰਹੂਫ ਹਨ।
ਤਸਵੀਰ ਸਰੋਤ, InSTAGRAM
ਸੋਸ਼ਲ ਮੀਡੀਆ 'ਤੇ ਪ੍ਰਿਆ ਪ੍ਰਕਾਸ਼ ਦੀ ਇੰਨੀ ਤਾਰੀਫ ਹੋਈ ਕਿ ਉਨ੍ਹਾਂ ਨੇ ਵੀ ਇੰਸਟਾਗ੍ਰਾਮ 'ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, "ਤੁਹਾਡੇ ਪਿਆਰ ਅਤੇ ਸਾਥ ਲਈ ਸ਼ੁਕਰੀਆ"।
ਸੋਸ਼ਲ ਮੀਡੀਆ 'ਤੇ ਮਿਲੀ-ਜੁਲੀ ਰਹੀ ਪ੍ਰਤੀਕਿਰਿਆ
ਤਸਵੀਰ ਸਰੋਤ, InSTAGRAM
'ਬਕਲੋਲ ਆਸ਼ਿਕ' ਨਾਂ ਦੇ ਫੇਸਬੁੱਕ ਪੇਜ ਨਾਲ ਲਿਖਿਆ ਗਿਆ, "ਪ੍ਰਿਆ ਪ੍ਰਕਾਸ਼ ਦੀਆਂ ਅੱਖਾਂ ਦੇ ਝਲਕਾਰੇ ਦੇ ਹਮਲੇ ਨਾਲ ਦੇਸ ਦੇ ਸਾਰੇ ਨੌਜਵਾਨ ਸ਼ਹੀਦ ਹੋ ਗਏ ਹਨ।''
@PraveenKrSingh ਨੇ ਲਿਖਿਆ, "ਨੈਸ਼ਨਲ ਕਰੱਸ਼ ਆਫ ਇੰਡੀਆ ਪ੍ਰਿਆ ਪ੍ਰਕਾਸ਼। ਆਖ਼ਿਰ 20 ਕਰੋੜ ਫੇਸਬੁੱਕ ਯੂਜ਼ਰ ਪਿਘਲਣ ਲੱਗੇ ਹਨ ਪ੍ਰਿਆ ਪ੍ਰਕਾਸ਼ 'ਤੇ।"
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 1
ਸੇਮ ਸਮੀਰ ਨੇ ਲਿਖਿਆ, "ਗਲੋਬਲ ਵਾਰਮਿੰਗ ਪ੍ਰਿਆ ਪ੍ਰਕਾਸ਼ ਕਾਰਨ ਭਾਰਤੀ ਸੰਕਟ ਵਿੱਚ। ਇੰਨਾ ਪਿਘਲ ਰਹੇ ਹਨ ਕਿ ਸਭ ਖ਼ਤਮ ਹੀ ਨਾ ਹੋ ਜਾਣ।"
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 2
ਟਵਿੱਟਰ, ਫੇਸਬੁੱਕ 'ਤੇ ਕਈ ਲੋਕ ਇਹ ਵੀ ਲਿਖ ਰਹੇ ਹਨ, "ਪ੍ਰਿਆ ਪ੍ਰਕਾਸ਼ ਵਰਗਾ ਇੱਕ ਵੀਡੀਓ ਹਰੇਕ ਹਫ਼ਤੇ ਆ ਜਾਵੇ ਬਸ...ਕਿਸੇ ਨੂੰ ਨਾ 15 ਲੱਖ ਯਾਦ ਆਉਣਗੇ ਨਾ ਪਕੌੜੇ।"
