ਪ੍ਰੈਸ ਰੀਵਿਊ꞉ ਕਿਸ ਨੂੰ ਹੈ ਵਿਰਾਟ ਕੋਹਲੀ ਦੀ ਦੇਸ਼ ਭਗਤੀ 'ਤੇ ਸ਼ੱਕ?
ਤਸਵੀਰ ਸਰੋਤ, AFP PHOTO/YASH RAJ FILMS
ਮੱਧ ਪ੍ਰਦੇਸ਼ ਦੇ ਭਾਜਪਾ ਵਿਧਾਇਕ ਨੇ ਜਿੱਥੇ ਵਿਰਾਟ ਕੋਹਲੀ ਦੀ ਦੇਸ਼ ਭਗਤੀ ਉੱਪਰ ਸਵਾਲ ਚੁੱਕੇ ਹਨ ਉੱਥੇ ਹੀ ਪਾਕਿਸਤਾਨ ਦੇ ਸਿੱਖਾਂ ਦੀ ਧਾਰਮਿਕ ਆਜਾਦੀ ਤੋਂ ਲੈ ਕੇ ਕਨੇਡਾ ਦੇ ਸਿੱਖ ਲੀਡਰ ਦੇ ਰੋਕੇ ਦੀਆਂ ਵਧਾਈਆਂ ਤੱਕ ਪ੍ਰਮੁੱਖ ਅਖ਼ਬਾਰਾਂ ਦੀਆਂ ਖ਼ਬਰਾਂ ਉੱਤੇ ਇੱਕ ਝਾਤ।
ਇਟਲੀ ਵਿੱਚ ਵਿਆਹ ਕਰਵਾਉਣ ਮਗਰੋਂ ਕੋਹਲੀ ਦੀ ਦੇਸ਼ ਭਗਤੀ ਤੇ ਸਵਾਲ꞉
ਇੰਡੀਅਨ ਐਕਸਪ੍ਰੈਸ ਦੀ ਖ਼ਬਰ ਮੁਤਾਬਕ, ਮੱਧ ਪ੍ਰਦੇਸ਼ ਦੇ ਗੁਨਾ ਤੋਂ ਵਿਧਾਨ ਸਭਾ ਮੈਂਬਰ, ਪੰਨਾ ਲਾਲ ਸ਼ਕਿਆ ਨੇ ਕਿਹਾ,ਕਿ ਇਟਲੀ ਦੀਆਂ ਡਾਂਸਰਾਂ ਭਾਰਤ ਵਿੱਚ ਆ ਕੇ ਪੈਸੇ ਕਮਾਉਂਦੀਆਂ ਹਨ ਤੇ ਤੁਸੀਂ ਦੇਸ ਦਾ ਪੈਸਾ ਉੱਥੇ ਲਿਜਾ ਰਹੇ ਹੋ। ਤੁਸੀਂ ਦੇਸ ਨੂੰ ਕੀ ਦਿਉਂਗੇ?
ਗੁਨਾ ਵਿੱਚ ਇੱਕ ਸਕਿਲ ਇੰਡੀਆ ਸੈਂਟਰ ਦੇ ਉਤਘਟਨ ਮੌਕੇ ਇਸ ਭਾਜਪਾ ਵਿਧਾਇਕ ਨੇ ਇਹ ਇਹ ਗੱਲਾਂ ਕਹੀਆਂ। ਅੱਗੇ ਗੱਲ ਜਾਰੀ ਰੱਖਦਿਆਂ ਉਨ੍ਹਾਂ ਨੇ ਕਿਹਾ, "ਭਗਵਾਨ ਰਾਮ, ਭਗਵਾਨ ਕ੍ਰਿਸ਼ਨ, ਵਿਕਰਮਾਦਿੱਤਿਆ, ਯੁਧਿਸ਼ਟਰ ਨੇ ਇਸ ਧਰਤੀ ਤੇ ਵਿਆਹ ਕਰਵਾਏ। ਤੁਹਾਨੂੰ ਵੀ ਸਾਰਿਆਂ ਨੂੰ ਇੱਥੇ ਹੀ ਵਿਆਹ ਕਰਾਉਣੇ ਚਾਹੀਦੇ ਹਨ।... (ਕੋਹਲੀ) ਨੇ ਇੱਥੋਂ ਪੈਸੇ ਕਮਾਏ ਤੇ ਅਰਬਾਂ ਰੁਪਏ ਉੱਥੇ ਖਰਚ ਦਿੱਤੇ..(ਉਸ) ਨੂੰ ਇਸ ਦੇਸ ਦੀ ਭੋਰਾ ਇਜ਼ਤ ਨਹੀਂ ਹੈ। ਇਸ ਤੋਂ ਸਾਬਤ ਹੁੰਦਾ ਹੈ ਕਿ ਉਹ ਦੇਸ ਭਗਤ ਨਹੀਂ ਹੈ।"
ਮਨੀਸ ਸਿਸੋਦੀਆ ਬਣੇ ਪੰਜਾਬ ਵਿੱਚ 'ਆਪ' ਦੇ ਇੰਚਾਰਜ꞉
ਆਪ ਵੱਲੋਂ ਦਿੱਲੀ ਦੇ ਉਪ ਮੁੱਖ ਮੰਤਰੀ ਮਨੀਸ ਸਿਸੋਦੀਆ ਪੰਜਾਬ ਦੇ ਇੰਚਾਰਜ ਲਾਏ ਜਾਣ ਨੂੰ ਦ ਟ੍ਰਬਿਊਨ ਨੇ ਆਪਣੇ ਮੁੱਖ ਪੰਨੇ 'ਤੇ ਥਾਂ ਦਿੱਤੀ ਹੈ। ਸੂਬੇ ਦੀਆਂ ਮਿਊਂਸੀਪਲ ਚੋਣਾਂ ਵਿੱਚ ਹੋਏ ਮੰਦੇ ਹਾਲ ਮਗਰੋਂ ਹੋਈ ਪਾਰਟੀ ਦੀ ਸਿਆਸੀ ਮਸਲਿਆਂ ਬਾਰੇ ਕਮੇਟੀ ਦੀ ਬੈਠਕ ਵਿੱਚ ਇਹ ਫ਼ੈਸਲਾ ਲਿਆ ਗਿਆ।
ਤਸਵੀਰ ਸਰੋਤ, Getty Images
ਜ਼ਿਕਰਯੋਗ ਹੈ ਕਿ ਇਹ ਅਹੁਦਾ ਅਪ੍ਰੈਲ ਵਿੱਚ ਸੰਜੇ ਸਿੰਘ ਦੇ ਅਸਤੀਫ਼ੇ ਮਗਰੋਂ ਖਾਲੀ ਪਿਆ ਸੀ ਜਦਕਿ ਹਾਲੀਆ ਚੋਣਾਂ ਵਿੱਚ ਪਾਰਟੀ ਸਿਰਫ਼ ਆਪਣੇ ਵਿਧਾਇਕ ਸੁਖਪਾਲ ਖਹਿਰਾ ਦੇ ਹਲਕੇ ਵਿੱਚ ਇੱਕ ਵਾਰਡ ਵਿੱਚ ਹੀ ਜਿੱਤ ਦਰਜ ਕਰ ਸਕੀ।
ਜਗਮੀਤ ਸਿੰਘ ਫ਼ੈਸ਼ਨ ਡਿਜ਼ਾਈਨਰ ਨਾਲ ਵਿਆਹ ਰਚਾਉਣਗੇ꞉
ਹਿੰਦੁਸਤਾਨ ਟਾਈਮਜ਼ ਨੇ ਕਨੇਡਾ ਦੀ ਨਿਊ ਡੈਮੋਕ੍ਰੇਟਿਕ ਪਾਰਟੀ ਦੇ ਹਾਲ ਹੀ ਵਿੱਚ ਬਣੇ ਆਗੂ ਜਗਮੀਤ ਸਿੰਘ ਦੇ ਫ਼ੈਸ਼ਨ ਡਿਜ਼ਾਈਨਰ ਗੁਰਕਿਰਨ ਕੌਰ ਸਿੱਧੂ ਨਾਲ ਵਿਆਹ ਰਚਾਉਣ ਦੀ ਖ਼ਬਰ ਨੂੰ ਥਾਂ ਦਿੱਤੀ ਹੈ। ਅਖ਼ਬਾਰ ਮੁਤਾਬਕ ਕਨੇਡਾ ਦੇ ਸੋਸ਼ਲ ਮੀਡੀਏ ਉੱਪਰ ਦੋਹਾਂ ਦੇ ਵਿਆਹ ਦੀਆਂ ਖਬਰਾਂ ਛਾਈਆਂ ਹੋਈਆਂ ਹਨ।
ਇਸ ਲੇਖ ਵਿੱਚ Instagram ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Instagram ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of Instagram post
ਟੋਰਾਂਟੋ ਦੇ ਇੱਕ ਵੈਡਿੰਗ ਫ਼ੋਟੋਗ੍ਰਾਫ਼ਰ ਗਗਨਦੀਪ ਸਿੰਘ ਨੇ ਜੋੜੇ ਦੀ ਫ਼ੋਟੋ ਇੰਸਟਾਗ੍ਰਾਮ ਤੇ ਪਾਈ ਤੇ ਲਿਖਿਆ ਕਿ ਕਨੇਡਾ ਦੇ ਭਵਿੱਖ ਦੇ ਪ੍ਰਧਾਨ ਮੰਤਰੀ ਤੇ ਫਸਟ ਲੇਡੀ ਨੂੰ ਰੋਕੇ ਦੀਆਂ ਵਧਾਈਆਂ।
ਪਾਕਿਸਤਾਨ ਦੇ ਖੈਬਰ ਪਖ਼ਤੂਨਖਵਾ ਵਿੱਚ ਸਿੱਖਾਂ ਨੂੰ ਧਰਮ ਬਦਲਣ ਲਈ ਮਜਬੂਰ ਕਰਨ ਦੇ ਮੁੱਦੇ 'ਤੇ ਭਾਰਤ ਵਿੱਚ ਸਿਆਸਤ ਤੇਜ ਹੋ ਗਈ ਹੈ। ਟਾਈਮਜ਼ ਆਫ਼ ਇੰਡੀਆ ਦੀ ਖ਼ਬਰ ਮੁਤਾਬਕ ਕੇਂਦਰੀ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨੇ ਇਸ ਦਾ ਨੋਟਿਸ ਲਿਆ ਹੈ ਅਤੇ ਇਸ ਮੁੱਦੇ ਤੇ ਪਾਕਿਸਤਾਨ ਸਰਕਾਰ ਨਾਲ ਗੱਲ ਕਰਨ ਦਾ ਭਰੋਸਾ ਦਿੱਤਾ ਹੈ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਇਸ ਤੋਂ ਪਹਿਲਾਂ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਟਵੀਟ ਕਰਕੇ ਕੇਂਦਰ ਤੋਂ ਦਖਲ ਦੀ ਮੰਗ ਕੀਤੀ ਸੀ।
