ਤਸਵੀਰਾਂ: ਸਿੰਗਾਪੁਰ ਦੇ ਵਿਦਿਆਰਥੀਆਂ ਦੀ ਕਿਉਂ ਹੈ ਇਸ ਸਰਕਾਰੀ ਸਕੂਲ 'ਚ ਦਿਲਚਸਪੀ?
ਤਸਵੀਰ ਸਰੋਤ, Sukhcharan Preet
- ਲੇਖਕ, ਸੁਖਚਰਨ ਪ੍ਰੀਤ
- ਰੋਲ, ਬੀਬੀਸੀ ਪੱਤਰਕਾਰ
ਪੰਜਾਬ ਦੇ ਜ਼ਿਲ੍ਹਾ ਸੰਗਰੂਰ ਦੇ ਪਿੰਡ ਰੱਤੋਕੇ 'ਚ ਸਿੰਗਾਪੁਰ ਤੋਂ ਇੱਕ ਟੀਮ ਸਰਕਾਰੀ ਸਕੂਲ ਨੂੰ ਪੇਂਟ ਕਰਨ ਆਈ ਹੈ। 21 ਨੌਜਵਾਨਾਂ ਦੀ ਇਸ ਟੀਮ ਵਿੱਚ ਜ਼ਿਆਦਾਤਰ ਸਿੰਗਾਪੁਰ ਦੇ ਵੱਖ-2 ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਦੇ ਵਿਦਿਆਰਥੀ ਹਨ।
ਤਸਵੀਰ ਸਰੋਤ, Sukhcharan Preet
ਇੱਕ ਸਮਾਜ ਸੇਵੀ ਸੰਸਥਾ ਹਰ ਸਾਲ ਦਸੰਬਰ 'ਚ ਕੁਝ ਨਵੇਂ ਵਿਦਿਆਰਥੀਆਂ ਨਾਲ ਪੰਜਾਬ ਦੇ ਸਰਕਾਰੀ ਸਕੂਲ ਦੀ ਚੋਣ ਕਰਕੇ, ਉੱਥੇ ਇੱਕ ਲਾਇਬਰੇਰੀ,ਅਧਿਆਪਕਾਂ ਲਈ ਕਮਰਾ ਅਤੇ ਬਾਥਰੂਮ ਬਣਾਉਂਦੀ ਹੈ। ਇਸ ਤੋਂ ਇਲਾਵਾ ਉਹ ਸਕੂਲ ਨੂੰ ਪੇਂਟ ਵੀ ਕਰਦੇ ਹਨ।
ਤਸਵੀਰ ਸਰੋਤ, Sukhcharan Preet
ਇਨ੍ਹਾਂ ਵਿੱਚ ਪੰਜਾਬੀ ਪਿਛੋਕੜ ਦੀ ਸਿੰਗਾਪੁਰ ਦੀ ਰਾਜਵੀਨ ਮਾਰਕੀਟਿੰਗ ਦੇ ਖੇਤਰ ਵਿੱਚ ਸਿੰਗਾਪੁਰ ਵਿੱਚ ਨੌਕਰੀ ਕਰ ਰਹੀ ਹੈ। ਉਹ ਦੱਸਦੀ ਹੈ ਕਿ ਉੱਥੇ ਗੁਰਦੁਆਰੇ 'ਚ ਉਸਨੂੰ ਇਸ ਪ੍ਰੋਜੈਕਟ ਬਾਰੇ ਪਤਾ ਲੱਗਿਆ ਸੀ।
ਤਸਵੀਰ ਸਰੋਤ, Sukhcharan Preet
ਸਿੰਗਾਪੁਰ ਤੋਂ ਆਏ ਬਾਇਓ-ਇੰਜਨੀਅਰਿੰਗ ਦੇ ਵਿਦਿਆਰਥੀ ਚਰਨਪ੍ਰੀਤ ਸਿੰਘ ਦਾ ਕਹਿਣਾ ਸੀ ਕਿ ਉਸਨੂੰ ਆਪਣੇ ਦੋਸਤ ਰਾਹੀਂ ਇਸ ਐਨਜੀਓ ਦੇ ਬਾਰੇ ਪਤਾ ਲੱਗਿਆ ਸੀ ਅਤੇ ਉਹ ਵੀ ਸਕੂਲ ਦੀ ਇਸ ਤਰਾਂ ਸੇਵਾ ਕਰਨਾ ਚਾਹੁੰਦੇ ਸਨ।
ਤਸਵੀਰ ਸਰੋਤ, Sukhcharan Preet
ਪਿੰਡ ਰੱਤੋਕੇ ਦਾ ਇਹ ਸਰਕਾਰੀ ਸਕੂਲ ਪੰਜਾਬ ਦਾ 17ਵਾਂ ਸਕੂਲ ਹੈ, ਜੋ ਇਸ ਵਾਰ ਚੁਣਿਆ ਗਿਆ ਅਤੇ ਇਸੇ ਸਕੂਲ ਕਾਰਨ ਪਿੰਡ ਦਾ ਅਕਸਰ ਚਰਚਾ ਵੀ ਰਹਿੰਦਾ ਹੈ।
ਤਸਵੀਰ ਸਰੋਤ, Sukhcharan Preet
ਇਸ ਟੀਮ ਨਾਲ ਆਏ ਸੰਥੀਰਨ ਦਾ ਪਿਛੋਕੜ ਤਾਮਿਲਨਾਡੂ ਨਾਲ ਸਬੰਧਤ ਹੈ। ਪਿੰਡ ਬਾਰੇ ਆਪਣੇ ਭਾਵ ਪ੍ਰਗਟ ਕਰਦਿਆਂ ਸੰਥੀਰਨ ਕਹਿੰਦੇ ਹਨ ਕਿ ਰੱਤੋਕੇ ਬਹੁਤ ਸੋਹਣਾ ਪਿੰਡ ਹੈ ਅਤੇ ਇੱਥੋਂ ਦੇ ਲੋਕ ਬਹੁਤ ਚੰਗੇ ਹਨ।
ਤਸਵੀਰ ਸਰੋਤ, Sukhcharan Preet
ਪੜ੍ਹਾਈ ਵਿੱਚ ਪ੍ਰਾਈਵੇਟ ਸਕੂਲਾਂ ਦਾ ਮੁਕਾਬਲਾ ਕਰਨ ਤੋਂ ਇਲਾਵਾ ਇਸ ਸਕੂਲ ਦੇ ਬੱਚੇ ਖੋ-ਖੋ, ਕਬੱਡੀ,ਅਥਲੈਟਿਕਸ,ਸੁੰਦਰ ਲਿਖਾਈ, ਭਾਸ਼ਨ ਮੁਕਾਬਲਿਆਂ ਅਤੇ ਕਲੇਅ ਮੌਡਲਿੰਗ ਵਿੱਚ ਹਰ ਸਾਲ ਸੂਬਾ ਪੱਧਰ 'ਤੇ ਇਨਾਮ ਹਾਸਲ ਕਰਦੇ ਹਨ।
