کابل کې چاودنه وشوه
د عکس سرچینه، .
د افغانستان پلازمېنې کابل په زړه زمبق څلور لارې کې د یکشنبې پر ګهیځ چاودنه شوې.
د کابل پولیس وايي، ماین د یوه پوځي موټر د چلوونکي دروازې ته څېرمه نښلول شوی و، چې یو کس پکې ټپي شوی دی.
د افغانستان د کورنیو چارو وزارت یوه چارواکي نجیب دانش ویلي، چاودنه شاخوا نهه بجې او پنځلس دقیقې وشوه، چې ظاهراً یې هدف د ملي اردو موټر و.
نوموړی وايي، په چاودنه کې یوازې د موټر چلوونکی ټپي شوی.
د چاودنې سیمې ته څېرمه د یونما دفتر، د ارګ لار او ځینې سفارتونه دي.
تر اوسه د چاودنې د مرګ ژوبلې په اړه څه نه دي ویل شوي.
دا چاودنه د نوي ولسمشر اشرف غني احمدزي د لوړې له مراسمو یوه ورځ مخکې شوې ده، چې په کابل کې کلک امنیتي تدابیر ورته نیول شوي.
د چاودنې مسؤولیت تر اوسه چا نه دی منلی.
