लाईटहाऊसच्या या फोटोने पटकावलं प्रथम क्रमांकाचं बक्षीस

वेल्सच्या गोवर बेटांवरील व्हाईटफोर्ड पॉईंट लाईटहाऊसच्या एका फोटोकरिता छायाचित्रकार स्टीव्ह लिडियार्ड यांना हिस्टॉरिक फोटोग्राफर ऑफ द ईयर 2021 चा पुरस्कार देण्यात आला आहे.

लिडियार्ड याविषयी बोलताना म्हणाले, "जॉन बोवेन यांनी बनवलेल्या डिझाईननुसार 1865 मध्ये हे लाईटहाऊस बांधण्यात आलं होतं. याठिकाणी 1854 मध्येही एक इमारत होती. पण त्याचे अवशेष उरलेले नव्हते. या आकाराचा हा ब्रिटनमधील एकमेव कास्ट आयरन टॉवर आहे. लाटांचा मार खाऊनही आज ही इमारत याठिकाणी दिमाखात उभी आहे."

या स्पर्धेसाठी पाठवण्यात आलेल्या फोटोंचं मूल्यांकन त्याचं महत्त्व, तांत्रिक उपयोग, तसंच या फोटोच्या मागील कहाणी आणि त्याचा ऐतिहासिक प्रभाव या बाबींवर करण्यात आलं.

या स्पर्धेत इतिहासकार डॅन स्नो यांनी परीक्षक म्हणून काम पाहिलं. ते म्हणाले, "हा पुरस्कार स्पर्धकांच्या एका परफेक्ट फोटो क्लिक करण्याच्या इच्छा आणि प्रयत्नांना अधोरेखित करतो. एका चांगल्या फोटोसाठी फोटोग्राफर अख्खी रात्र जागून काढू शकतात, पर्वतांवर चढाई करतात, दुर्गम ठिकाणांचाही प्रवास करतात."

या स्पर्धेत हिस्टोरिक इंग्लंड गटात सॅम बायडिंग यांनी काढलेला ब्रिस्टलच्या क्लिफ्टन सस्पेन्शन ब्रिजचा फोटो अव्वल आला आहे.

बायडिंग म्हणतात, "मी नियमितपणे माझ्या श्वानाला फिरवण्यासाठी क्लिफ्टन ब्रिजला जात असतो. हा ब्रिज शहराचं प्रवेशद्वार म्हणून ओळखला जातो. त्यादिवशी धुक्यांमुळे ब्रिजच्या सौंदर्यात आणखीनच भर पडली होती."

या स्पर्धेत इयान मॅक्कलम यांनी ड्रोननी क्लिक केलेला फोटो 'जिथं इतिहास घडला' गटात निवडण्यात आला. त्यांनी 1960 मध्ये सेवर्न नदीत बुडालेल्या वेस्टेल एच आणि आर्कनडेल एच जहाजांचा एक फोटो घेतला. ही दोन्ही जहाजं एकमेकांत धडक होऊन बुडाली होती.

या स्पर्धेत नामांकन मिळालेले इतर काही फोटो आपण पाहू.

द शँबेल्स, यॉर्क इंग्लंड.

छायाचित्र - डेव्हिड ऑक्सटेबी.

इंग्लंडचं हेअरफोर्ड कॅथेड्रल.

छायाचित्र - जो बोर्जसोनी

संकनकर्क, लेक डिस्ट्रिक्ट, इंग्लंड.

छायाचित्र - मॅथ्यू टर्नर

माऊंट नेमरूत, टर्की.

छायाचित्र - मेहमत मासूम

नॉश्वान्सटाईन कॅसल, बावारिया, जर्मनी.

छायाचित्र - मायकल वेल्श.

बॅटरसी पॉवर स्टेशन, लंडन.

छायाचित्र - पीट एडमंड्स.

कोर्फ कॅसल, इंग्लंड.

छायाचित्र - सॅम बायडिंग.

बॉमबर्ग कॅसल, इंग्लंड.

छायाचित्र - स्कॉट अँटक्लिफ

ब्रिव्हरी शाफ्ट, इंग्लंड.

छायाचित्र - टॉम मॅकनेली

द अॅटोमिक बॉम्ब डोम, हिरोशिमा, जपान.

छायाचित्र - व्हेयन बझ

1973 अमेरिकन नेव्हीचं सी-117 डी.

छायाचित्र - येव्हेन सामूशेंको

हॅडरियन वॉल, इंग्लंड.

छायाचित्र - केले ब्लेअर.

हेही वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)