बोरिस जॉन्सन: कोरोनाच्या वाढत्या संसर्गाच्या युकेच्या पंतप्रधानांचा भारत दौरा रद्द

युनायटेड किंगडमचे पंतप्रधान बोरिस जॉन्सन यांचा भारत दौरा पुन्हा एकदा रद्द झाला आहे. जॉन्सन हे भारताच्या प्रजासत्ताक दिनाच्या निमित्ताने 26 जानेवारीला येणार होते पण ब्रिटनमध्ये लॉकडाऊन लागल्यानंतर त्यांनी आपला दौरा रद्द केला होता.

बोरिस जॉन्सन हे 25 एप्रिलला भारतात येणार होते. त्यांचा दौरा अनिश्चित काळासाठी रद्द झाल्याचं बीबीसी न्यूजने म्हटलं आहे.

भारत आणि युनायटेड किंगडमच्या संबंधांबाबत ते व्हीडिओ काँफरन्सच्या माध्यमातून संवाद साधणार आहेत.

सध्याचा कोरोनाचा काळ पाहाता पंतप्रधान बोरिस जॉन्सन यांनी आपला भारत दौरा रद्द केला अशी माहिती त्यांच्या कार्यालयाने दिली आहे.

या वर्षाच्या अखेरीस ते भारत दौऱ्यावर येऊ शकतात अशी माहितीही त्यांच्या कार्यालयाने दिली आहे.

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)