शरद पवार : 'धनंजय मुंडे यांच्यावरील आरोप गंभीर स्वरुपाचे'

"धनंजय मुंडे यांच्यावरील आरोप गंभीर स्वरुपाचे असून त्यावर पक्ष म्हणून निर्णय घ्यावा लागेल," असं राष्ट्रवादी काँग्रेसचे अध्यक्ष शरद पवार यांनी म्हटलं आहे.

सामाजिक न्यायमंत्री धनंजय मुंडे यांच्यावर एका महिलेनं बलात्काराचा आरोप केला आहे. धनंजय मुंडे यांनी फेसबुकद्वारे त्यावर स्पष्टीकरणही दिलं आहे.

धनंजय मुंडे यांच्या आरोपांसंदर्भात पक्ष काय भूमिका घेणार, अशी चर्चा सुरू असताना राष्ट्रवादी काँग्रेसचे अध्यक्ष शरद पवार यांनी यावर प्रतिक्रिया दिली आहे.

मुंबईत राष्ट्रवादी काँग्रेसची आज (14 जानेवारी) बैठक पार पडली. या बैठकीनंतर शरद पवार यांनी पत्रकारांशी संवाद साधला.

त्यानंतर शरद पवार यांनी 'सिल्व्हर ओक' या आपल्या निवासस्थानी राष्ट्रवादी काँग्रेसचे नेते प्रफुल्ल पटेल यांच्यासोबत बराच काळ चर्चा केली. दरम्यान मुंबईचे अतिरिक्त पोलिस आयुक्त विश्वास नांगरे पाटील आणि पश्चिम उपनगरांचे अतिरिक्त पोलिस आयुक्त संदीप कर्णिक हेही शरद पवार यांच्या निवासस्थानी येऊन गेले.

धनंजय मुंडेंवर पक्ष कारवाई करणार का?

धनंजय मुंडे यांनी बुधवारी (13 जानेवारी) राष्ट्रवादी काँग्रेसचे अध्यक्ष शरद पवार यांची भेट घेतली होती. या भेटीत त्यांनी आपले स्पष्टीकरण दिल्याचे शरद पवार यांनी सांगितले.

पवार यांनी म्हटलं, "धनंजय मुंडे यांनी मला भेटून सविस्तर माहिती दिली. पक्षाच्या प्रमुख नेत्यांसमोर हा विषय मांडणार आहे. त्यांचे काही व्यक्तिगत संबंध होते त्यातून पोलीस तक्रार झाली आहे. धनंजय मुंडे यांनीही यापूर्वी न्यायालयात दाद मागितली आणि आदेश मिळवला."

"पक्षाच्या महत्त्वाच्या नेत्यांना त्यांनी दिलेली माहिती देणं माझे कर्तव्य आहे. त्यांची मतं जाणून घेऊन पुढची पावलं उचलण्यासंदर्भात निर्णय घेणार आहोत." असंही शरद पवार यांनी स्पष्ट केले.

दरम्यान धनंजय मुंडे यांनी याबद्दल बोलताना म्हटलं आहे की, मी शरद पवार यांना सविस्तर माहिती दिली आहे,

हे वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.रोज रात्री8 वाजता फेसबुकवर बीबीसी मराठी न्यूज पानावर बीबीसी मराठी पॉडकास्ट नक्की पाहा.)