बिहार निवडणुकीत शिवसेनेच्या उमेदवारांना 'नोटा'पेक्षाही कमी मतं

बिहार निवडणुकीत उभ्या राहिलेल्या शिवसेनेच्या उमेदवारांना मोठ्या दारूण पराभवाचा सामना करावा लागला आहे.

शिवसेनेच्या सर्व उमेदवारांचं डिपॉझिट जप्त होणार आहे. एवढंच नाही, तर शिवसेनेच्या सर्व उमेदवारांना 'नोटा' पेक्षाही कमी मतं मिळाली आहेत. बिहारच्या जनतेने शिवसेनेला पूर्णत: नाकारलं आहे.

शिवसेनेने 23 उमेदवारांना बिहार निवडणुकीत तिकीट दिलं होतं.

शिवसेनेच्या कामगिरीबद्दल विचारलं असता शिवसेना प्रवक्ते संजय राऊत यांनी म्हटल, "तेजस्वी यादव यांना मदत व्हावी अशी आमची कामगिरी होती."

बिहार विधानसभा निवडणुकीत जेडीयू आणि भाजपच्या विरोधात शिवसेनेने उमेदवार उभे केले होते. हिंदुत्वाच्या मुद्यावर शिवसेनेने निवडणूक लढवली होती.

शिवसेनेच्या या पराभवावर बोलताना ट्विटरवर काँग्रेस नेते संजय निरूपम म्हणाले, "शिवसेनेने बिहारमध्ये 23 जागांवर निवडणूक लढवली होती. त्यातील 22 जागांवर त्यांना नोटापेक्षाही कमी मतं मिळाली. त्यामुळे कांग्रेसला सल्ला देण्यापेक्षा त्यांनी आपलं तोंड बंद करावं."

2015 च्या निवडणुकीपेक्षा यंदाच्या निवडणुकीत शिवसेनेची बिहारमध्ये मोठी वाताहत झाली आहे.

हेही वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)