Odisha Train Accident : पाहा कोरोमंडल एक्सप्रेस अपघाताचे हृदयद्रावक फोटो

तामिळनाडूची राजधानी चेन्नई येथून पश्चिम बंगालमधील कोलकात्यानजिकच्या हावडा रेल्वे स्थानकापर्यंत धावणाऱ्या कोरोमंडल एक्सप्रेसला शुक्रवारी (2 जून) अपघात झाला.

यामध्ये सुमारे 233 जणांचा मृत्यू झाला. तर 900हून अधिक जखमींवर जवळच्या रुग्णालयात उपचार सुरू आहेत.

या अपघातानंतर देशभरात दुःख व्यक्त करण्यात येत आहे. अपघातातील मृतांप्रति प्रत्येक जण सांत्वना व्यक्त करत आहे..

कोरोमंडल एक्सप्रेसचा हा अपघात शुक्रवारी सायंकाळी घडला. अंधार पडल्याने येथील खरं चित्र समोर येऊ शकत नव्हतं. बचावकार्यातही त्यामुळे अडथळे आले.

पण उजाडल्यानंतर येथील परिस्थितीचं चित्र स्पष्ट होण्यास सुरूवात झाली आहे.

घटनास्थळाचे फोटो पाहिले तर येथील परिस्थितीच्या दाहकतेचा अंदाज आपल्याला येऊ शकेल.

हा अपघात तीन रेल्वे गाड्यांदरम्यान घडला. त्यापैकी दोन प्रवासी तर एक रेल्वे ही मालगाडी होती.

या अपघातात सुमारे 900पेक्षा जास्त जण जखमी झाल्याची माहिती आहे. जखमींना तत्काळ जवळच्या रुग्णालयांमध्ये हलवण्यात आलं आहे.

ही घटना इतकी भयानक होती की अपघातानंतर रेल्वेचे डबे घसरून उलटले.

कोरोमंडल एक्सप्रेसचा हा अपघात शुक्रवारी (2 जून) सायंकाळी अंधार पडल्यानंतर काही वेळात घडला. अंधारामुळे बचावकार्यात अडथळे येत होते.

घटनास्थळी मदतकार्यासाठी एनडीआरएफचे पथक हजर झाले आहे

अपघातानंतर झालेली रेल्वेची स्थिती

या अपघातामुळे एक्स्प्रेसचे डबे अक्षरशः उलटे-पालटे होऊन पडलेले आहेत.

दक्षिण मध्य रेल्वेने अपघाताशी संबंधित माहिती सर्वसामान्यांना देण्यासाठी हेल्पलाईन सुरू केली आहे.

विजयवाडा रेल्वे स्टेशनवर प्रवाशांच्या माहितीसाठी उभी करण्यात आलेली हेल्पलाईन

अपघातामुळे ओडिशा सरकारने आज एक दिवसाचा दुखवटा पाळण्याचं जाहीर केलं आहे.

रेल्वेमंत्री अश्विनी वैष्णव परिस्थितीचा आढावा घेण्यासाठी आज सकाळी अपघातस्थळी दाखल झाले आहेत. त्यांनी याप्रकरणी उच्चस्तरिय चौकशीचे आदेश यापूर्वीच दिले आहेत.

हेही वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता. 'गोष्ट दुनियेची', 'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)