Фото: Британиянын эң мыкты деңиз пейзажы
Сүрөттүн булагы, WILLIAM POLLARD
Бул сүрөттө Шотландиядагы Сент-Эббз-Хед тумшугундагы маяк тартылган. Сүрөт Британиянын эң мыкты деңиз пейзажы деп табылып, Ultimate Sea View сүрөт конкурсун жеңип алды. Сүрөттун автору Уильям Поллард.
Сүрөт конкурсун Shipwrecked Mariners' Society кайрымдуулук уюму өткөрдү. Уюм мурдагы моряктарга, алардын үй-бүлөлөрүнө жана жесирлерине жардам көрсөтүп келет.
Сүрөттүн булагы, JOHN ROBERTS
Дагы башка төрт номинация боюнча сыйлыктарды Гебрид аралдарында, Сент-Килда архипелагында жана Сидмут, Ньюквей шаарларынын жээктеринде тартылган сүрөттөр утуп алды.
Коомдун жетекчиси капитан Малкольм Уильямс бул ирет жеңүүчүн аныктоо өтө татаал болгонун айтты.
Сүрөттүн булагы, ROY CURTIS
"Конкурска Улуу Британия боюнча 400 автордон 1300 гө жакын эмгек келип түштү»,-деди Малкольм Уильямс.
"Кеп алардын санынын көптүгүндө эмес, бул жылы көрсөтүлгөн эмгектердин сапаты дагы абдан жогору болду»,-деп белгиледи Shipwrecked Mariners' Society жетекчиси.
Сүрөттүн булагы, JOHN DYER
Сүрөттүн булагы, ALEX IACOBET
Калыстар тобунун бири - Amateur Photographer порталынын редактору Найджел Атертон дагы жаратылган эмгектерди карап олтуруп, жеңүүчүнү аныктоо чоң мүшкүл болгонун агынан жарыла айтып берди.
"Бул жылы бизге оңдой берди болду -чыны менен укмуш эмгектер келип түштү. Толкундаткан, техникалык жактан тартылышы татаал эмгектер кыска тизмеге көп кирген экен»,-деди ал.
Бул жылы кыска тизмеге 100 чукул эмгек киргизилген деп кабарлайт Shipwrecked Mariners' Society сайты.
"Конкурска бир нече жылдан бери калыстык кылып жүрүп, бул жылы тандоо өзгөчө татаал болгонуна күбө болдум. Кайрымдуулукка салым кошум жаткан өтө таланттуу сүрөтчүлөрдүн көп экенин көрүп абдан кубандым»,-деп белгиледи Найджел Атертон. (AbA)
