AFCON 2019: Senegal alụchaala ọgụ Algeria enwere akụkọ
Ebe foto si, AFP
Goolu Baghdad Bounedjah nyere ngwa ngwa e bidochara boolu (na nkeji abụọ) zuru ibunye Ọljiria Iko Mba Afrịka nke afọ 2019.
N'asọmpi Iko Mba Afrika a gbara n'ụbọchị 19 nke ọnwa Julaị bụ nke ikpeazụ e ji ama mbe abụọ nke bụ oke, Sinigal gbakachara Ọljiria ahụ, mana o zughi inye ha iko ha chọ bịa.
Egwu bọọlụ a biri n'otu ọkpụ, dịka Ọljiria butere Iko Mba Afrịka nke abụọ ha.
Sadio Mane nke mba Sịnịgal gbara ebibi ụwa iji hụ na ha nyetara goolu, mana otu abụghị n'ezi.
Ebe foto si, AFP/Getty Images
Dịka o si mee mgbe otu abụọ a zutere n'agba nke ndị otu n'asọmpi a ("Group Stage"), Ọljiria jikwa otu ọkpụ goolu a na-asataghị ihe merikwaa Sịnịgal ọzọ.
Ije Ọljiria gara wee ruo agba ikpeazụ
- Onweghị ndị meriri ha n'egwuregwu ọbụla n'asọmpi nke 2019 a.
- Naanị goolu abụọ ka e nyere ha n'asọmpi a (Naịjiria nyere ha otu, Aịvọrị Kost nye ha otu)
- Ha kachasị nye goolu n'asọmpi a.
- Oche goolu ha bụ Rais M'Bolhi nwetara ihe nrite ọlaedo maka ịbụ "aka kachasị eche goolu" n'asọmpi a.
Ebe foto si, AFP/Getty Images
Ikpeazụ Ọljiria hụrụ iko a anya tupu ha ebulie ya n'afọ 2019 a, bụ n'afọ 1990; mgbe ahụ amụbeghi onye ndu so ha bịa ije a bụ Riyad Mahrez.
A mụrụ Mahrez n'afọ 1991; ka otu afọ Ọljiria ji metụ iko a aka gachara.
Lee etu e si gbaa egwuregwu a:
