Enugu Ezike News: 'Ndị gburu nwa m nwoke napụrụ m onye bụ na m na-eri nri'
Ebe foto si, Ezeh Family
Ndị ezinaụlọ Hillary Ezeh, onye nche so na mmadụ abụọ ndị ojiegbe gbagburu n'Enugu-Ezikedị n'Enugwu steeti atụọla arịrị maka nnapụ ndị omekome napụrụ ha anya ha ji ahụ ụzọ.
N'ụzọ ụtụtụ Tuzde, ndị bu egbe amabeghị ndị ha bụ gbagburu Boy Eze dị afọ 32 na ogbo ya bụ Chinedu Uramah Abalị ise nke ọnwa Oktoba ebe ha na-eche nche ma gbaa ụlọ nche ha ọkụ.
Oge, onye ntaakụkọ anyị gaara na ngwuru ha dị nAmufie, Enugu-Ezike, nne nwa amadi ahụ nwụrụ anwụ na ndị oriakụ ya atọ nọ n'iru ụjụ na arịrị ọnwụ ya.
Odozi aku Ezeh gbara afọ 75 na-ebe akwa ọnwụ ọdụdụ nwa ya sịrị, "Hillary bụ na m na-eri nri ọnụ na-ezinaụlọ a."
Diọkpara ya bụ Maazị Onyeka ezeh kọwaara na Boy Ezeh bụ e jiri Akwaete mara gara ọrụ etu osi agabu kemgbe afọ iri na-abụọ o jiri rụwa ọrụ nche mana ọ lọtaghị.
"Amaghị ihe mere, ọ gara ọrụ, mana tupu chi abọọ, a bịara kpọọ anyị n'ọnwụọla."
Ezinaụlọ ya bekuru Gọọmenti ka ha enye ha ikpenkwụmọtọ ma nyekwara ha aka ịzụ ụmụ ise Akwaete hapụrụ tupu ọnwụ.
Etu ndị 'unknown gunmen' si gbuo ndị nche obodo abụọ n'Enugu Ezike ma gbaa ụgbọala ọkụ
Ebe foto si, Enugu Police
Ndị uweojii Enugwu steeti ekwuola na ha anwụchiela mmadụ mmadụ atọ ha na-enye maka mkpamkpa kpara n'Enugu-Ezike n'abali Monde.
Ndị bu egbe wakporo ụlọ ebe ndị nche "Neighboorhood Watch" ji mere ụlọorụ gbuo mmadụ abụọ n'ime ha, gbaa ya ọkụ ma gbakwaa ụfọdụ ụgbọala ha ọkụ.
Ha gburu Chinedu Urama si from Ụmụịda dị n' Enugwu-Ezike na Hillary Ezeh a ma ama dịka 'Boy Akwaete'.
Ebe foto si, Enugu Police
Otu onye nọ be ihe mere gwara BBC Igbo n'ọbụ n'ebe Elekere Mbụ nke ji ofifio ụbọchị Tuzde ka ya bụ mkpamkpa kpara.
O gbara ama na ebugakwara ozu mmadụ abụọ ahụ n'ụlọozu dị na mpaghara ahụ.
Kọmịshọna ndị uweojii n'Enugwu steeti bụ Abubakar Lawal onye gara ebe ihe ah ụ mere zigakwara ezinaụlọ ndị nwụrụ ozi iti aka n'obi ma na-ekpe ekpere ka ndị nọ n'ụlọọgwụ gbakee nsonso a.
O kwukwara ka ha ga-amalite nnyocha zuru oke ma chọpụta ndị kpara mkpa mkpa a ozugbo.
Kemgbe ọnwa ole na ole gara aga, ndị bu egbe amaghị ndị ha bụ awakpoola ma gbaa ọtụtụ ogige ndị uweojii, ụlọ nakwa ụgbọala ọkụndị mmadụ n'Ọwụwa anyanwu ma gbuukwa ma ndị uweojii na ndị nkịtị.
