Tunji Disu Profile: Lee ihe ndị i kwesịrị ịma maka nwoke a a họpụtara ịnọchi anya Abba Kyari
Ebe foto si, Lagos Monitoring Team
Onyeisi ndị uweojii Naịjiria bụ Usman Alkali Baba ahọpụtala Tunji Disu ka ọ nọchite Abba Kyari na ọkwa orụ ịbụ onyeisi Police Intelligence Response Team (IRT).
Akwusiri Abba Kyari ọrụ n'ike n'ihi ebubo ịna aka azụ n'aka Abass Ramon onye e ji Hushpuppi mara.
Usman Alkali kwupụtara nhọpụta nke a n'ụbọchị Monde dịka ndị otu Nigeria Police Commission mere nzukọ kpebie nke a. Onye bụ Tunji Disu?Tupu ahọpụta Tunji Disu maka ọkwa ịnọchị Abba Kyari:
- Ọ bụbụ onyeisi ngalaba ọrụ uweọjii na-ahụ maka enyemaka ọnọdụ gbata gbata na Legọs Steetị nke bekee kpọrọ Rapid Response Squad (RRS).
- Disu bụbụkwa osote Kọmịshọna ndị uweojii n'Abuja, rụkwa na ngalaba "operations" n'isi ụlọọrụ ndị uweojii n'Abuja.
- N'oge gara aga ọ rukwara ọrụ dịka osote onyeisi ngalaba na-eme nyocha mpụ n'Rivas Steetị nke beekee kpọrọ State CID.
- Maazị Disu sobụkwa na ndị uweojii otu African Union họpụtara ịrụ ọrụ ichekwa ụdọ na mba Sụdan
- O gụrụ asusu bekee na mahadum nọ na Legọs bụ Lagos State University (LASU).
- Ọ gukwara akwụkwọ ruo ogogo "Masters" na mahadum nọ na Ondo Steeti bụ Adekunle Ajasin University.
- O gukwara akwụkwọ ndị ọzọ banyere ọrụ ncheckwa na mahadum ole m ole na Naijịrịa nakwa mba ofesi.
