Ban shiga APC ba —gwamnan Niger

Karanta rubutu kawai domin rage cin data
Gwamna Aliyu ya ce yana nan a cikin PDP
Bayanan hoto, Gwamna Aliyu ya ce yana nan a cikin PDP

Gwamnan jihar Niger da ke Nigeria, Mu'azu Babangida Aliyu, ya musanta cewa yana cikin gwamnonin sabuwar PDPn da suka hade da jami'iyyar APC.

Don haka a cewar gwamnan ''ina nan a cikin jam'iyyar PDP''.

Kakakin gwamnan, Danladi Ndayebo, ya ce sun yi matukar kaduwa da jin labarin cewa gwamnonin sabuwar PDP sun hade da jam'iyyar APC ganin cewa ba a daddale kan batun ba.

Ndayebo ya kara da cewa gwamnan na Niger ba ya wajen taron da 'yan sabuwar PDP suka hade da APC.

A baya dai kafofin watsa labarai na Nigeria sun ba da rahotannin da ke cewa gwamnan na Niger ya janye daga cikin 'yan sabuwar PDP, sai dai gwamnan ya musanta zargin.