એટલાન્ટા ગોળીબાર : છ એશિયાઈ મહિલા સહિત આઠનાં મૃત્યુ, સંદિગ્ધની ધરપકડ

અમેરિકાના જ્યોર્જિયાના ત્રણ સ્પામાં થયેલા ગોળીબારમાં છ એશિયા મૂળની મહિલાઓ સહિત આઠ લોકોનાં મૃત્યુ થયાં છે.

પોલીસનું કહેવું છે કે એટલાન્ટાની ઉત્તરે આવેલા એકવર્થના મસાજ પાર્લરમાં ચાર લોકોની હત્યા થઈ છે, જ્યારે અન્ય ચાર લોકોની હત્યા શહેરમાં આવેલાં બે મસાજ પાર્લરમાં થઈ છે.

દક્ષિણ કોરિયાએ પુષ્ટિ કરી છે કે માર્યા ગયેલા ચાર લોકો કોરિયાના મૂળના છે.

અધિકારીઓનું કહેવું છે કે આ મામલામાં 21 વર્ષીય યુવકની ધરપકડ કરાઈ છે, આ ત્રણેય હુમલા પાછળ તેનો હાથ હોવાની શંકા છે.

ભારતીયોને પેટ્રોલ સસ્તું મળે એટલે ઈરાન પાસેથી ક્રૂડઑઇલ આયાત કરાશે?

એશિયાઈ લોકો નિશાના પર?

આ હુમલા કેમ કરવામાં આવ્યા છે, એ અંગે હજી સુધી કોઈ કારણ જાણી શકાયું નથી.

જોકે કોવિડ-19 સંક્રમણ બાદ એશિયન-અમેરિકન્સ વિરુદ્ધ 'હેટ ક્રાઇમ'ની કેટલીક ઘટનાઓ નોંધાઈ છે. ઉલ્લેખનીય છે કે કેટલાક લોકો કોવિડ-19ના પ્રસાર માટે એશિયન્સને જવાબદાર ઠેરવે છે.

અમેરિકન રાષ્ટ્રપતિ જો બાઇડને તેમના ભાષણમાં 'એશિયન-અમેરિકન્સ પર થતાં હુમલા'ને વખોડી કાઢ્યા હતા.

અધિકારીઓનું કહેવું છે કે અત્યાર સુધીની તપાસમા કહેવું જલદી ગણાશે કે પીડિતોને વંશીય ઓળખના કારણે નિશાન બનાવવામાં આવ્યા હતા કે નહીં.

જ્યોર્જિયામાં એક કલાકમાં અનેક હુમલા

પહેલી ઘટના એકવર્થમાં સ્થિત યંગ્સ એશિયલ મસાજ પાર્લરમાં અંદાજે સાંજે પાંચ વાગે(અમેરિકાના સમય પ્રમાણે) ઘટી.

પોલીસ કાર્યાલયના પ્રવક્તા કૅપ્ટન જે બેકરે કહ્યું કે ઘટનાસ્થળ બે લોકોના મૃત્યુ થઈ ગયા અને ત્રણ લોકોને હૉસ્પિટલમાં લઈ જવામાં આવ્યા. જ્યાં બે અન્ય લોકોના મૃત્યુ થયા. મૃત્યુ પામનારમાં બે એશિયન મહિલા છે. આ સિવાય એક વ્હાઇટ મહિલા અને પુરુષ અને એક હિસ્પેનિક વ્યક્તિ ઘાયલ થયા છે.

ઠીક એક કલાકની અંદર પોલીસને ઉત્તર-પૂર્વ એટલાન્ટાથી ફોન આવ્યો અને ખબર પડી કે ગોલ્ડ સ્પામાં "લૂંટ" ચાલી રહી છે.

પોલીસે પોતાના નિવેદનમાં કહ્યું કે "અહીં અમને ત્રણ મહિલાઓની લાશ મળી જેમનું ગોળી વાગવાથી મૃત્યુ થયું."

અહીં પોલીસ અધિકારીઓને રસ્તાની બીજી બાજુ આવેલા અરોમાથેરેપી સ્પાથી ફોન કરીને બોલાવવામાં આવ્યા અહીં પણ એક મહિલાનું ગોળી વાગવાથી મૃત્યુ થયું હતું.

સીસીટીવી ફૂટેજની મદદથી તપાસમાં એક સંદિગ્ધની તસવીર જાહેર કરી હતી. જેને એટલાન્ટના દક્ષિણમાં અંદાજે 150 મિલ દૂર આવેલા ક્રિસ્પ કાઉન્ટીના રૉબર્ટ આરોન લૉન્ગથી તેની ધરપકડ કરવામાં આવી. રોબર્ટ જ્યોર્જિયાના વુડસ્ટૉકનો રહેનારો છે.

કૅપ્ટન બેકરે કહ્યું કે અમને સંપૂર્ણ વિશ્વાસ છે કે આ વ્યક્તિ ત્રણ જગ્યાઓ પર શૂટિંગમાં સામેલ છે.

હુમલાને લઈને કોણે શું પ્રતિક્રિયા આપી?

અધિકારીઓનું કહેવું છે કે તપાસમાં હજી એ કહેવું ખૂબ વહેલું છે કે જે લોકોને નિશાન બનાવવામાં આવ્યા, શું એમને તેમના વંશ અને જાતીયતાને લઈને નિશાન બનાવવામાં આવ્યા છે.

ઍડવોકેસી સમૂહ 'સ્ટૉપ એએપીઆઈ હેટ' જે એશિયન મૂળના અમેરિકનો અને પૅસિફિક આઇલૅન્ડ્સ પરના લોકો પર હુમલાઓ પર નજર રાખે છે, તેનું કહેવું છે કે "હજી એ સ્પષ્ટ નથી કે આ ગોળીબારની ઘટનાઓ શું નફરતથી પ્રેરિત હતા કે નફરત સાથે સંકળાયેલા હતા. પરંતુ હાલ એશિયન મૂળના અમેરિકન સમુદાયમાં ઘણું દુખ અને ડર છે."

એશિયન અમેરિકનના અધિકારો સાથે જોડાયેલી સંસ્થા સ્ટોપ એપીપીઆઈ હેટે ટ્વીટ કરીને આ ઘટનાને અકથનીય ત્રાસદી ગણાવી હતી.

ટ્વીટમાં લખવામાં આવ્યું છે, "તમામ એશિયાઈ અમેરિકન સમાજમાં ડર અને પીડા છે, જેને જોવું જોઈએ."

નાગરિક અધિકાર બાબતોના વકીલ બેન ક્રમ્પે ટ્વિટર પર લખ્યું, ઍટલાન્ટામાં જે દુખદ હત્યાઓ થઈ.

અત્યાર સુધી એશિયન મૂળના લોકો ઉપર હુમલા

છેલ્લા કેટલાક અઠવાડિયામાં અમેરિકામાં કેટલીક સેલેબ્રિટીઝ અને ઇન્ફ્લુએન્સર્સે સોશિયલ મીડિયા પર આ મુદ્દે ટિપ્પણી કરી છે.

હાલમાં થયેલા હુમલાઓ

•સૅન ફ્રાન્સિસકો, કૅલિફોર્નિયામાં થાઈલૅન્ડના 84 વર્ષની એક વ્યક્તિ પર સવારની ટહલ સમયે હુમલો કરવામાં આવ્યો હતો જેમાં તેમનું મૃત્યુ થયું છે.

•કૅલિફોર્નિયાના ઓકલૅન્ડમાં 91 વર્ષની એક વૃદ્ધ વ્યક્તિને ધક્કો મારવામાં આવ્યો હતો.

•89 વર્ષનાં એક ચીની મૂળનાં મહિલાને ન્યૂ યૉર્કના બ્રૂકલિનમાં થપ્પડ મારવામાં આવી હતી અને બે લોકો દ્વારા આગ ચાંપી દેવામાં આવી હતી. ન્યૂ યૉર્ક ટાઇમ્સ મુજબ એશિયન અમેરિકન રેસ્ટોરાંના કર્મચારીઓએ હિંસા અને સતામણીના ડરથી વહેલાં ઘરે જવા નીકળવાનું નક્કી કર્યું છે.

•ન્યૂ યૉર્ક સબવેમાં એક અજાણી વ્યક્તિએ ફીલીપીન્સ મૂળની 61 વર્ષીય અમેરિકન વ્યક્તિ પર હુમલો કરવામાં આવ્યો હતો.

•કૅલિફોર્નિયામાં એશિયન અમેરિકન કસાઈ દુકાનદારના પાર્કિંગ સ્થળ પર એક મરેલી બિલાડી મળી આવી હતી જેની પોલીસ હેટક્રાઇમની શ્રેણીમાં તપાસ કરી રહી છે.

•ટ્રમ્પના સમર્થક એક ટેકનિકલ એક્ઝેક્યૂટિવે કૅલિફોર્નિયામાં એશિયન અમેરિકન પરિવારને વંશીય ટિપ્પણી કરીને અપમાનિત કર્યું હતું.

•કેટલાક એશિયન મૂળના અમેરિકન મકાન માલિકો કહે છે કે તેમને વંશીય અપશબ્દો બોલવામાં આવે થે અને ઘરો પર પથ્થર મારવામાં આવ્યા છે.

તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો