ટેક્સાસમાં ગોળીબાર, ઓછામાં ઓછા પાંચનાં મૃત્યુ, 16 લોકો ઘાયલ
ઇમેજ સ્રોત, AFP
અમેરિકાના ટેક્સાસમાં એક બંદૂકધારીએ બે શહેરોમાં અંધાધૂંધ ગોળીબાર કર્યો, જેમાં ઓછામાં ઓછા પાંચ લોકોનાં મૃત્યુ થયાં છે. ઓછામાં ઓછા 16 લોકો ઘાયલ થયા હોવાનું જાણવા મળે છે.
આ ઘટના યૂએસના સ્થાનિક સમય પ્રમાણે શનિવારે બપોરે ઘટી છે. પોલીસનું કહેવું છે શંકાસ્પદ હુમલાખોર માર્યો ગયો છે.
જોકે અન્ય એક હુમલાખોર પણ સામેલ હોવાની માહિતી છે જેની પોલીસ તપાસ કરી રહી છે.
ઓડેસા શહેરની પોલીસનું કહેવું છે કે બંદૂકધારીએ સૌથી પહેલાં ગાડી રોકનાર ટ્રાફિક-પોલીસના કર્મચારી પર ગોળી ચલાવી હતી.
ત્યારબાદ હુમલાખોરે એક પોસ્ટલ ટ્રક ચોરી કર્યું અને પાસેના અન્ય શહેર મિડલૅન્ડ તરફ જઈને પણ ગોળીબાર કર્યો.
પોલીસે આખરે એક સિનેમા કૉમ્પલેક્સમાં વળતો ગોળીબાર કરીને હુમલાખોરને ઠાર માર્યો.
પોલીસે જણાવ્યું કે હુમલાખોર લગભગ 35 વર્ષની એક શ્વેત વ્યક્તિ હતી. શનિવારે બપોરે થયેલા આ હુમલા પાછળનો ઉદ્દેશ હજી સુધી સ્પષ્ટ થયો નથી.
આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
X કન્ટેન્ટ પૂર્ણ
અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે ટેક્સાસના ગોળીબાર અંગે તેમને માહિતી મળી રહી છે.
End of સૌથી વધારે વંચાયેલા સમાચાર
ઘટનાસ્થળ નજીકની એક રેસ્ટોરાંમાં કામ કરતા જુનિયર બેજારાનોએ ન્યૂ યૉર્ક ટાઇમ્સ સાથેની વાતચીતમાં કહ્યું, "થોડી જ પળોમાં અફરાતફરી મચી ગઈ."
"લોકો ચીસો પાડતા હતા, ખુરશીઓ ઉછાળતા હતા અને ભોજનની પ્લેટો ફેકીને ભાગી રહ્યા હતા."
આ હુમલાના ચાર અઠવાડિયાં પહેલાં ટેક્સાસમાં એક બંદૂકધારીએ અલપાસો શહેરમાં ગોળીબાર કરીને 22 લોકોને મારી દીધા હતા.
આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
YouTube કન્ટેન્ટ પૂર્ણ
તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો
