સીરિયામાં રશિયાનું વિમાન ક્રેશ: 32ના મૃત્યુ

રશિયાનું માલવાહક વિમાન સીરિયામાં તૂટી પડ્યું છે. તેમાં બેઠેલા તમામ 26 મુસાફરો અને 6 કર્મચારીઓ આ ઘટનામાં મૃત્યુ પામ્યા હોવાનું રક્ષા મંત્રાલયે કહ્યું છે.

રશિયન મીડિયાએ મંત્રાલયને એમ કહેતાં ટાંક્યું છે કે, એન-26 પ્લેન સીરિયાના શહેર લેટેકિયાના દરિયા કાંઠા નજીક આવેલા હેમીમિમ એરબેઝ પર લેન્ડિંગ સમયે તૂટી પડ્યું હતું.

રશિયાએ જણાવ્યું કે આ વિમાન પર કોઈ જ હુમલો કરવામાં નથી આવ્યો. મળેલી પ્રાથમિક વિગતો અનુસાર વિમાનમાં આવેલી યાંત્રિક ખામીને કારણે વિમાન તૂટી પડ્યું હોવાની શક્યતા છે.

આ ઘટનાની તપાસ શરૂ થઈ ચૂકી છે.

સાતમી જાન્યુઆરીએ રશિયન દળોએ જણાવ્યું હતું કે, તેમણે હેમીમિન એરબેઝ પર ડ્રોનથી થનારો હુમલો નિષ્ફળ બનાવ્યો હતો.

આ પહેલાં 31 ડિસેમ્બર 2017ના રોજ વિદ્રોહીઓએ કરેલા મોર્ટાર હુમલામાં હેમીમિમ એરબેઝ પર રહેલા રશિયાના યુદ્ધવિમાનોને નુકસાન થયું હતું.

મંગળવારના ક્રેશ વિશેની માહિતી

રશિયાના રક્ષા મંત્રાલયે જણાવ્યું છે કે પ્લેન મોસ્કોના સમય અનુસાર બપોરે 3 વાગ્યે (ભારતીય સમય અનુસાર સાંજ 5:30 કલાકે) ક્રેશ થયું હતું.

વિમાન રશિયા રનવે થી 500 મીટર (1640 ફૂટ) હવામાં ક્રેશ થયું છે.

આ ઘટનાની તપાસ માટે એક વિશેષ પંચની રચના કરવામાં આવશે.

હેમીમિમ બેઝ શું છે?

રશિયા હેમીમિમ એરબેઝનો ઉપયોગ સીરિયાના વિદ્રોહી જૂથો પર હવાઈ હુમલા કરવા માટે કરે છે. આ હુમલાઓને કારણે જ સીરિયાના રાષ્ટ્રપતિ બશર અલ-અસદના દળો તેમણે ગુમાવેલો અંકુશ પરત મળ્યો છે.

રશિયન હવાઈ હુમલાઓમાં ઘણા નાગરિકોના મૃત્યુ થયાં છે. જોકે રશિયા એમ કહી રહ્યું છે કે, તેમણે માત્ર “આતંકવાદી” વિદ્રોહીઓને જ નિશાન બનાવ્યા છે.

રશિયાના એર ફોર્સે સીરિયામાં કેટલું નુકસાન સહન કર્યું?

રશિયાએ સીરિયામાં તેની લશ્કરી કાર્યવાહી સપ્ટેમ્બર 2015માં શરૂ કરી હતી.

એ સમયે રશિયાએ કહ્યું હતું કે, સીરિયાના રાષ્ટ્રપતિ અસદની વિનંતીના પ્રત્યુત્તરમાં આ કાર્યવાહી કરી રહ્યા છે.

અત્યાર સુધીમાં સીરિયામાં રશિયાના હવાઈ દળને આટલું નુકસાન ભોગવવું પડ્યું છે:

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો