વર્ષ 2017માં Fake News શબ્દ ટ્રમ્પનાં નિવેદનોનો પર્યાય?

વર્ષ 2017માં એક શબ્દએ આખી દુનિયાનું ધ્યાન તેના પ્રત્યે દોર્યું છે. એ શબ્દને મોટાભાગે ટ્વિટર પર શોધવામાં આવ્યો.

સોશિઅલ મીડિયામાં જેને ઘણીવાર સર્ચ કરાયો એ શબ્દ હવે યુકેની ડિક્શનરી પબ્લિશર કૉલિન્સ દ્વારા પ્રકાશિત કરવામાં આવ્યો છે.

આ શબ્દ છે "ફેક ન્યૂઝ" એટલે કે ખોટા સમાચાર.

તમને આ વાંચવું પણ ગમશે :

આ ડિક્શનરીના પ્રકાશકના જણાવ્યા મુજબ આ શબ્દ કદાચ અમેરિકાના પ્રમુખ ડોનાલ્ડ ટ્રંપના નિવેદનોનો પર્યાય બની શકે છે.

આખી દુનિયામાં આ શબ્દનો ઉપયોગ 2017માં 365 ટકા વધ્યો છે.

નવા શબ્દોમાં રાજકારણનો મોટો ફાળો

આ શબ્દની સાથે યાદીમાં રાજકારણથી જોડાયેલા બીજા શબ્દો પણ પ્રકાશમાં આવ્યા છે.

યુરોપના લોકોએ "એન્ટિફા" અને "ઇકો-ચેમ્બર" જેવા શબ્દોને પણ વધારે સર્ચ કર્યા છે.

પ્રકાશક અગાઉ "Brexit" and "Gee જેવા શબ્દો પણ શોધી ચૂક્યા છે.

આગામી વર્ષે ડિક્શનરીમાં સ્થાન

"fake news - ફેક ન્યૂઝ" શબ્દને આવતા વર્ષે ડિક્શનરીમાં સ્થાન મળશે.

અમેરિકાના પ્રમુખ ટ્રમ્પ આ શબ્દનો ઉપયોગ કરનારા એકલા વ્યક્તિ નથી.

જર્મનીના થેરેસા મે અને જેરેમી કોર્બીએ પણ આ શબ્દનો ઉપયોગ ઘણીવાર કર્યો છે.

સોશિઅલ મીડિયા આ બંને તરફના આક્ષેપોથી ભરેલું છે.

આ શબ્દ સમાજ માટે હાનિકારક

પ્રકાશક હેલન ન્યૂસ્ટેડ કૉલિન્સના જણાવ્યા મુજબ, "ફેક ન્યૂઝ", વાસ્તવિક નિવેદનો અથવા તો આક્ષેપો પરથી શોધવામાં આવેલો શબ્દ છે.

આ શબ્દ સમાચારની દુનિયામાં અને સમાજને નુકસાન પહોંચાડવાનું કામ કરે છે.

ગત કેટલાક વર્ષોમાં કોલિન્સની ડિક્શનરીના વિજેતા શબ્દો

2016 - Brexit (બ્રેક્સિટ): આ નામનો અર્થ "યુરોપિયન યુનિયનમાંથી યુનાઇટેડ કિંગડમનું નીકળી જવું".

binge-watch (બિંજ-વૉચ): આ ક્રિયાપદનો અર્થ "ડીવીડી અથવા ડિજિટલ સ્ટ્રીમિંગ દ્વારા ટીવીના એકથી વધારે એપિસોડ જોવા".

2014 - Photobomb (ફોટોબોમ્બ): "ફોટો બગાડવો મોટેભાગે રમૂજી ચહેરો અથવા મૂર્ખામી કરતા હોય એમ".

2013 - Geek (ગીક): "આ તરંગી શબ્દ છે જે મૂળ રીતે તરંગી અથવા મુખ્યપ્રવાહથી ભિન્ન લોકોનું વર્ણન કરવા માટે વપરાય છે."

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો