Budget 2020 : ઇન્કમટૅક્સના દરોમાં ફેરફાર, કેટલી આવક પર કેટલો ટૅક્સ?

શનિવારે નાણામંત્રી નિર્મલા સીતારમણ બીજું બજેટ રજૂ કરી રહ્યા છે.

નાણામંત્રી નિર્મલા સીતારમણે બજેટ રજૂ કરતી વખતે કાશ્મીરી કવિતાનું પઠન કર્યું હતું અને તે કવિતાનો હિંદી સાર પણ સમજાવ્યો હતો.

આ પહેલાં સીતારમણે બજેટ અંગે રાષ્ટ્રપતિ રામનાથ કોવિંદને જાણકારી આપી હતી તથા કૅબિનેટ સમક્ષ મંજૂરી માટે રજૂ કર્યું હતું.

નાણા મંત્રાલય બહાર સીતારમણે બ્રીફ-કેસને બદલે 'ખાતાવહી' સાથે પોઝ આપ્યો, ત્યારે રાજ્યકક્ષાના નાણામંત્રી અનુરાગ ઠાકુર અને નાણાસચિવ ઉપરાંત મંત્રાલયના ઉચ્ચ અધિકારીઓ હાજર હતા.

આર્થિક સરવે 2020 મુજબ ચાલુ નાણાકીય વર્ષ દરમિયાન વિકાસદર પાંચ ટકા જેટલો રહેશે, જે વર્ષ 2020-21 દરમિયાન છ થી સાડા છ ટકા સુધી પહોંચી શકે છે.

ટૅક્સ અંગે કરાયેલી જાહેરાતો

નાણામંત્રીના ભાષણના મહત્ત્વના મુદ્દા

કૃષિ અંગે મહત્ત્વની જાહેરાતો

લોકલાગણી અને માગણી

હાલ વાર્ષિક રૂપિયા 2,50,000થી ઓછી આવક ધરાવતા નાગરિકોને આવકવેરો ચૂકવવામાંથી મુક્તિ મળેલી છે.

જોકે, લોકોની ખરીદશક્તિ વધારવા વ્યક્તિગત આવકવેરાની મુક્તિમર્યાદામાં વધારો કરવાની સરકારની યોજના હોવાનું અનુમાન અને અપેક્ષા છે.

રોકાણકારો લૉંગ-ટર્મ કૅપિટલ ગેઇન્સ ટૅક્સમાં રાહત ઉપરાંત ડિવિડન્ડ ડિસ્ટ્રિબ્યુશન ટૅક્સમાંથી મુક્તિ ઇચ્છે છે, જેની સીધી અસર શૅરબજાર ઉપર જોવા મળશે.

શૅરબજાર એ કોઈ પણ દેશની અર્થવ્યવસ્થાનું બૅરોમિટર છે. ભારતમાં ત્રીસ શૅરવાળો બૉમ્બે સ્ટૉક ઍક્સ્ચેન્જ સૂચકાંક તથા 50 શૅરવાળો નેશનલ સ્ટૉક ઍક્સ્ચેન્જ સૂચકાંક મુખ્ય શૅરબજાર છે.

પાંચ ટ્રિલિયન ડૉલરનું સપનું

વર્તમાન સરકારે વર્ષ 2025 સુધીમાં ભારતના અર્થતંત્રને પાંચ ટ્રિલિયન ડૉલરની ઇકૉનૉમી બનાવવાનું લક્ષ્યાંક મૂક્યું છે. પરંતુ વર્તમાન વિકાસદર સાથે નિર્ધારિત સમયમર્યાદામાં તે લક્ષ્યાંકને હાંસલ કરવો મુશ્કેલ જણાય છે.

વડા પ્રધાન નરેન્દ્ર મોદી, નાણામંત્રી નિર્મલા સીતારમણ તથા ગૃહમંત્રી અમિત શાહ વારંવાર આ અંગે કહી ચૂક્યાં છે.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો