ફૅક્ટ ચેક : ગુજરાતમાં રાહુલ ગાંધીની સભામાં 'મોદી-મોદી'ના નારા લાગ્યા?

- લેેખક, ફૅક્ટ ચૅક ટીમ
- પદ, બીબીસી ન્યૂઝ
20 માર્ચ 2019

સોશિયલ મીડિયા પર એક વીડિયો વાઇરલ થઈ રહ્યો છે. જેમાં દાવો કરવામાં આવી રહ્યો છે કે કૉંગ્રેસ અધ્યક્ષ રાહુલ ગાંધીની તાજેતરની ગુજરાત સભામાં 'મોદી-મોદી'ના નારા લાગ્યા હતા.

વાઇરલ વીડિયોમાં ઓબીસી નેતા અને ગુજરાતના કૉંગ્રેસ પાર્ટીના ધારાસભ્ય અલ્પેશ ઠાકોર મંચનું સંચાલન કરતા દેખાય છે.

વીડિયોમાં દેખાય છે કે અલ્પેશ મંચ પરથી જનતાને 'રાહુલ ગાંધી જિંદાબાદ'ના નારા લગાવવા કહે છે, જેના જવાબમાં લોકો 'મોદી મોદી'ના નારા લગાવે છે.

તમે આ વાંચ્યું કે નહીં?

40 સૅકંડનો આ વીડિયો જોઈને એવું લાગે છે કે અલ્પેશ ઠાકોર લોકોના આ જવાબથી નારાજ થઈ જાય છે અને લોકોને ચૂપ થવા કહે છે.

'આગામી 20 વર્ષ સુધી મોદી' જેવા દક્ષિણપંથી વિચારધારા ધરાવતાં ઘણાં જાણીતાં ફેસબુક પૅજ છે. જેમણે છેલ્લા ત્રણ દિવસોમાં આ વીડિયો શૅર કર્યો છે.

આ વીડિયો લાખો વખત જોવાઈ ચૂક્યો છે.

બદલો Facebook કન્ટેન્ટ

આ કન્ટેન્ટ ઉપલબ્ધ નથી

Facebook પર વધુ મેળવોબહારની વેબસાઇટ્સની સામગ્રી માટે બીબીસી જવાબદાર નથી.

Facebook કન્ટેન્ટ પૂર્ણ

આ કન્ટેન્ટ ઉપલબ્ધ નથી

Facebook પર વધુ મેળવોબહારની વેબસાઇટ્સની સામગ્રી માટે બીબીસી જવાબદાર નથી.

પરંતુ આ વીડિયો નકલી છે અને એડિટિંગની મદદથી આ ભ્રામક વીડિયો તૈયાર થયો છે.

Skip સૌથી વધારે વંચાયેલા સમાચાર and continue reading

સૌથી વધારે વંચાયેલા સમાચાર

End of સૌથી વધારે વંચાયેલા સમાચાર

બે વર્ષ જૂના વીડિયો સાથે છેડછાડ

અમારા સંશોધનમાં અમને જાણવા મળ્યું કે આ વીડિયો રાહુલ ગાંધીની તાજેતરની સભાનો નહીં પણ જૂનો છે.

આ વીડિયો ગુજરાતના ગાંધીનગરમાં 23 ઑક્ટોબર 2017ના રોજ થયેલી કૉંગ્રેસ પાર્ટીના 'નવસર્જન જનાદેશ મહાસંમેલન'નો છે.

આ સંમેલનની ફાઇલ ફૂટેજ જોઈને ખ્યાલ આવે છે કે કૉંગ્રેસ પાર્ટીના કાર્યક્રમના વીડિયો સાથે છેડછાડ કરાઈ છે. એડિટિંગની મદદથી તેમાં 'મોદી-મોદી'ના નારા ઉમેરવામાં આવ્યા છે.

કાર્યક્રમના અસલ વીડિયોમાં અલ્પેશ ઠાકોર પાર્ટી અધ્યક્ષ રાહુલ ગાંધીનું મંચ પર ઔપચારિક રીતે સ્વાગત કરીને માઇક તરફ આગળ વધે છે.

સંમેલનના વીડિયોમાં 12મી મિનિટે તેઓ જનતાને શાંત રહેવા કહે છે. તેઓ કહે છે, "શું તમે અલ્પેશ ઠાકોર અને રાહુલ ગાંધીનું માન રાખો છો? તો સભામાંથી કોઈ જવાબ ન આવવો જોઈએ."

ત્યાર બાદ અલ્પેશ કહે છે કે 'જમણી બાજુથી હજી અવાજ આવે છે'. લોકો તેમની આ અપીલ સાંભળીને શાંત થઈ જાય છે.

તેની 10 સૅકંડ પછી અલ્પેશ પોતાનું ભાષણ શરૂ કરે છે.

બદલો X કન્ટેન્ટ

X કન્ટેન્ટને મંજૂરી આપીએ?

આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

થર્ડ પાર્ટી કન્ટેટમાં જાહેરખબર હોય શકે છે

X કન્ટેન્ટ પૂર્ણ

આ કન્ટેન્ટ ઉપલબ્ધ નથી

X પર વધુ મેળવોબહારની વેબસાઇટ્સની સામગ્રી માટે બીબીસી જવાબદાર નથી.

કાર્યક્રમના અસલી વીડિયોમાં આ દરમિયાન ક્યાંય 'મોદી-મોદી'ના નારા સંભળાતા નથી.

એડિટિંગની મદદથી આ વીડિયોમાં માત્ર 'મોદી-મોદી'ના નારા જ નહીં પણ કાર્યક્રમની તારીખ અને નામ પણ હટાવવામાં આવ્યું છે.

ગુજરાત કૉંગ્રેસના ફેસબુક પૅજ પર કાર્યક્રમનો અસલી વીડિયો જોઈ શકાય છે.

બદલો YouTube કન્ટેન્ટ, 1

Google YouTube કન્ટેન્ટને મંજૂરી આપીએ?

આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

થર્ડ પાર્ટી કન્ટેટમાં જાહેરખબર હોય શકે છે

YouTube કન્ટેન્ટ પૂર્ણ, 1