Club Bruges igiye kwegukana igikombe cya shampiyona y’Ububiligi yaburijwemo kubera Covid-19
Ahavuye isanamu, Getty Images
Shampiyona y'icyiciro cya mbere mu mupira w'amaguru mu Bubiligi igiye kuba iya mbere mu zikomeye z'i Burayi iburijwemo uyu mwaka kubera coronavirus.
Ikipe ya Club Bruges ni yo igiye gutangazwa ko yegukanye igikombe cya shampiyona y'uyu mwaka, hagendewe k'uko urutonde ruhagaze.
Ubwo shampiyona yahagarikwaga mu kwezi gushize, hari hasigaye umukino umwe kuri gahunda yari isanzweho, kugira ngo shampiyona irangire.
Imikino y'icyiciro cya nyuma (play-offs) ni yo yajyaga kwemeza amakipe yegukana imyanya ya mbere.
Abagize inama y'ubuyobozi bukuru bwa shampiyona y'Ububiligi ni bo bafashe icyo cyemezo ndetse bagejeje icyo cyifuzo ku nama rusange y'iyo shampiyona.
Bizatangazwa ku mugaragaro ku itariki ya 15 y'uku kwezi kwa kane, hanyuma itsinda ryashizweho rifate umwanzuro ku bibazo bijyanye n'amakipe azamanuka n'azazamuka.
- CORONAVIRUS: Yavuye he, ifata ite, yakwirindwa gute?
- IBINDI BIBAZO WIBAZA KURI IKI CYOREZO: Ibi ni bimwe mu bisubizo
- UMUBIRI UYIRWANYA GUTE: Abahanga bamenye uko bigenda
- DUSABWA KWIRINDA KWIKORA MU MASO: Twabigenza dute?
- WABA URI MU RUBYIRUKO? OMS ivuga ko utakwirara
- KWISHYIRA MU KATO: Ni ryari? Bikorwa gute? Bitanga iki?
Ikipe ya Club Bruges irusha amanota 15 Gent iyikurikiye ku mwanya wa kabiri ku rutonde rwa shampiyona.
Itangazo ubuyobozi bwa shampiyona y'Ububiligi bwasohoye rigira riti:
"Inama nkuru y'ubuyobozi yemeje nta n'umwe uvuyemo ko bitifuzwa, uko byaba biteganywa kugenda kose, ko irushanwa ryakomeza nyuma y'itariki 30 y'ukwa gatandatu".
