Abagabo babiri bararegwa kuba baragerageje kwiba Kolašinac na Ozil i London

Inyandiko gusa
Sead Kolašinac (ibumoso) na Mesut Ozil ntabwo bakomerekeye muri ibyo byabaye mu kwezi kwa karindwi

Ahavuye isanamu, @SEADK6

Insiguro y'isanamu, Sead Kolašinac (ibumoso) na Mesut Ozil ntabwo bakomerekeye muri ibyo byabaye mu kwezi kwa karindwi

Abagabo babiri bararegwa kuba ari bo bagerageje kwiba abakinnyi babiri ba Arsenal.

Sead Kolašinac na Mesut Ozil bibasiwe n'abagabo bitwaje intwaro mu muhanda wa Platts Lane uri hafi y'ahitwa Golders Green, mu majyaruguru ashyira uburengerazuba bw'umurwa mukuru London w'Ubwongereza.

Hari ku wa kane, ku itariki ya 25 y'ukwa karindwi muri uyu mwaka.

Ashley Smith w'imyaka 30, w'ahitwa Cardinals Way mu majyaruguru ya London, aregwa kugerageza kwiba no gushyira mu kaga ubuzima bw'umuntu yitwaje intwaro njya-rugamba ku itariki ya gatanu y'uku kwezi kwa cyenda.

Jordan Northover w'imyaka 26 y'amavuko, w'ahitwa West Yorkshire, na we aregwa ibyaha nk'ibyo bibiri.

Bwana Smith, uregwa ikindi cyaha cyo gutunga urumogi, yagumye afunze, akaba azitaba urukiko rwa Snaresbrook Crown Court ku munsi w'ejo ku wa kane.

Kolašinac na Ozil bombi bongeye gukinira Arsenal, nyuma yaho bari bamaze igihe kinini badakina kubera impungenge z'umutekano wabo mu ntangiriro y'uyu mwaka w'imikino.