Ateb y Galw: Manon Wilkinson

Yr actores Manon Wilkinson sy'n Ateb y Galw yr wythnos yma.

Yn ddiweddar mae gwylwyr y gyfres Stad ar BBC iPlayer, dolen allanol wedi eu swyno gan bortread Manon o'r cymeriad hoffus ac eiconig Tracy Fish a Chips.

Dim fy atgof cyntaf, ond un o'm hoff atgofion oedd codi bore Nadolig wedi cael beic newydd sbon! Am deimlo'n CŴL! Ro'n i wedi gwirioni yn rasio lawr lôn tu ôl i'r tŷ!!!

Llyn Clywedog. Mi ddechreuais i stopio'r car ar y ffordd fyny ac i lawr i'r Coleg Drama, a byth ers hynny. Mae'r llyn a'r tirlun mor hardd, ac yn edrych mor wahanol pob tro. Mae'n teimlo fel ennyd o dawelwch mewn byd prysur!

Does dim un yn benodol. Ond mi rydw i yn gwirioni ar fynd i Groeg pob blwyddyn. Treulio'r dydd yn ymlacio yn y môr ac ar yr ynys, ac yna gweld yr haul yn machlud fin nos. Dwi'n ymdrechu yn aml i weld yr haul yn codi ar wyliau hefyd. Mae'n wyrth ynddi ei hun.

Teimladwy, chwilfrydig, agored.

Pan es i i Efrog Newydd efo Malan fy chwaer a oedda ni wedi bwcio i fynd ar blatfform uchel gwydr 'The Edge' i weld y ddinas oddi tanom.

O'n i wedi bwcio slot 8yb y bore ac wedi ordro gwydr o brosecco i ni'n dwy! Ni oedd yr unig ddwy yn yfed prosecco adeg honno'r bore, ac yna methu codi ar ein traed ar ôl eistedd ar y platfform gwydr gan ofn.

Mewn cyfweliad grŵp i goleg Drama yn Llundain. Roedden ni fod i baratoi cân wreiddiol am atgof o'n bywydau a'i chanu i'r gweddill o'r criw.

Mi ganodd y ferch o fy mlaen i gân am farwolaeth ei Nain wnaeth bara am oes, ac mi ges innau (gwaetha'r modd) ffit ofnadwy o gigls. Fuodd raid i mi adael y 'stafell a wedyn gorfod dod 'nôl mewn a chanu fy nghân i! Ar lan y môr (fersiwn gwael iawn ohoni). Ches i ddim galwad yn ôl!

Mi griais i byllau lawer ddwy flynedd yn ôl pan gollais i fy nghi defaid, Llew. Y ci addfwynaf, caredicaf, delaf welais i erioed. Dwi dal yn meddwl amdano'n ddyddiol. Cymar oes.

Gorfeddwl pethau a dychmygu'r gwaethaf pob amser.

Mi ges i wir fy nghyffwrdd pan ddarllenais i'r llyfr A Thousand Splendid Suns gan Khaled Hosseini. Dyma nofel am wydnwch a chyfeillgarwch, sy'n mynd i'r afael â hanes bywydau dwy ddynes o Afghanistan — Mariam a Laila — dros dri degawd o gythrwfl.

Does dim dwywaith mai hefo Mam y baswn i yn mwynhau glasiad o win. Mi gollais i hi pan oeddwn i'n 17 oed. Mae cymaint wedi digwydd ers hynny. Dwi'n siŵr y basan ni'n cael hwyl ac yn siarad yn ddi-stop!

Mae yna ddau bioden yn byw yn yr ardd acw a dwi wedi eu henwi nhw'n Pwyll a Prydwen. Dwi'n gadael bwyd allan iddyn nhw. Dwi'n caru anifeiliaid. Mi liciwn i taswn i'n deall be maen nhw'n ddeud.

Mi fyddwn i yn cael ffrindiau a theulu at ei gilydd a'r holl gŵn (yn cynnwys rhai fy chwiorydd) a mi fasa ni i gyd yn mynd i Dinas Dinlla i nofio gwyllt yn y môr, a chael barbeciw neis tu allan, tanllwyth o dân, a sgwrsio heb ffonau symudol!

Dyma lun ohona i yn cwblhau marathon Eryri! Rhywbeth faswn i byth yn dychmygu y baswn i wedi gallu ei wneud! Dwi'n caru rhedeg ac mae'n rhywbeth sydd wedi helpu fy iechyd meddwl yn arw. Dwi'n ddiolchgar amdano pob dydd.

Fel actor, dyna fyddwn i'n ddychmygu o hyd. Ond yr hynaf dwi'n mynd, y mwya' dwi'n sylweddoli bod gan bawb eu sialensau gwahanol. Ac felly, mi ydw i am fod yn ddiflas a dweud - fi fy hun, gan fod pob diwrnod yn gwbwl wahanol beth bynnag!

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.