Mae'r papurau newydd wedi cynnwys digon o benawdau dychrynllyd i wneud rhieni'n ymwybodol o'r risgiau a allai fod yn gysylltiedig â chaniatáu i'w plant ddefnyddio ystafelloedd sgwrsio ar y rhyngrwyd heb eu goruchwylio. Mae'r gwir berygl yn codi pan fo plentyn - a merched ifanc yn eu harddegau sy'n wynebu'r risg fwyaf - yn trefnu cyfarfod cyfrinachol â dieithryn llwyr y mae wedi cael sgyrsiau arlein ag ef.

Peidiwch byth, wrth gwrs, â gadael i'ch plant gyfarfod dieithryn fel hyn. Dylech hefyd fynnu nad yw plant byth yn datgelu manylion personol pan fônt arlein: eu henw, cyfeiriad, rhif ffôn, enw a chyfeiriad eu hysgol, eu cyfrinair rhyngrwyd - na'r digidau niferus hynny sydd ar gerdyn credyd mam. Atgoffwch eich plentyn dro ar ôl tro - mae plant galluog iawn hyd yn oed yn gallu bod yn hynod naïf. Yn ôl un arolwg gan NOP dywedodd yn agos at un rhan o dair o'r plant a gyfwelwyd y byddent yn rhoi eu cyfeiriad er mwyn dod o hyd i ffrind y maent wedi ei "gyfarfod" unwaith yn unig ar y rhyngrwyd.

Gyda rhai ystafelloedd sgwrsio ar gyfer plant, mae oedolyn yn gweithredu fel cymedrolwr er mwyn sicrhau bod pawb yn ymddwyn yn gall ond am ryw reswm od, nid yr ystafelloedd hyn yw'r rhai mwyaf poblogaidd!

Am fwy o wybodaeth, darllenwch ganllaw Becta i ddefnyddio ystafelloedd sgwrsio'n ddiogel.

Anogwch eich plentyn i ymweld â rhai o'r safleoedd sy'n egluro'r peryglon y gallent ddod ar eu traws ar-lein. Po fwyaf ymwybodol ydynt o'r risgiau posibl, po fwyaf tebygol y byddant o ddefnyddio'r rhyngrwyd yn gall.

Mae gan Safekids dudalennau ar gyfer plant iau ac ar gyfer pobl ifanc yn eu harddegau.

Cyfryngau chwilio addas i blant

Dyw'r BBC ddim yn gyfrifol am gynnwys safleoedd rhyngrwyd allanol