"Few children learn to love books by themselves. Someone has to lure them into the wonderful world of the written word: someone has to show them the way."
Orville Prescott
Mae plant sy'n darllen gartref gyda'u rhieni yn gwneud yn well yn yr ysgol. Felly gall rhieni chwarae rhan bwysig iawn yn natblygiad eu plant drwy eu hannog i ddarllen a meithrin hoffter o lyfrau. Gallwch wneud hyn drwy ddarllen gyda'ch plentyn bob diwrnod a'i wneud yn brofiad pleserus iddo/iddi.
Os nad yw'ch plentyn wedi dechrau yn yr ysgol eto, mae'n ymwneud mwy â'u hannog i sylwi ar eiriau a rhifau, yn hytrach na'u dysgu i ddarllen.
Pryd ddylwn i ddarllen gyda fy mhlentyn?
Dylai rhieni ddarllen gyda'u plant am o leiaf chwarter awr bob diwrnod. Dewiswch adeg pan allwch roi'ch holl sylw i'ch plentyn a darllenwch gydag ef/hi mewn amgylchedd cyfforddus. Mae cyfnodau byr o ddarllen yn fwy effeithiol er mwyn i'r plentyn ddysgu, felly peidiwch â gwneud y sesiwn yn rhy hir.
Gwnewch y profiad yn un pleserus
Bydd y ddau ohonoch yn elwa mwy o'r profiad os yw'r plentyn yn mwynhau darllen gyda chi.
- Gadewch iddynt ddewis y llyfrau y mae ganddyn nhw ddiddordeb ynddynt, ac ailddarllenwch eu ffefrynnau
- Gadewch iddynt gyffwrdd y llyfrau a throi'r rhannau
- Darllenwch yn uchel i'ch plentyn a gadewch i'r plentyn ddarllen i chi pan fydd wedi dysgu darllen
- Dewch â'r llyfrau'n fyw drwy ddangos mynegiant a rhoi lleisiau gwahanol i'r cymeriadau
- Canmolwch eich plentyn er mwyn rhoi mwy o hyder iddo.
Trafod llyfrau
Os gall plant siarad am y llyfr mae'n eu helpu i ddod i wybod y stori a deall beth maent yn ei ddarllen.
- Rhowch amser i'ch plentyn gyflwyno sylwadau ynghylch yr hyn y maent yn ei ddarllen neu'n ei glywed
- Siaradwch am y stori a rhannwch eich barn am yr hyn sy'n digwydd a'r cymeriadau
- Anogwch eich plentyn i ddyfalu beth allai ddigwydd nesaf mewn stori.
Beth os yw fy mhlentyn yn ddarllenwr anfoddog?
Os nad oes gan eich plentyn ddiddordeb mewn llyfrau stori, gallwch annog darllen drwy bob math o ddeunydd arall a allai fod o ddiddordeb iddo - comics, papurau newydd, cyfarwyddiadau ar gyfer gemau cyfrifiadurol, bocsys, canllawiau teledu ac yn y blaen. Cliciwch yma er mwyn cael mwy o wybodaeth.
