Dwi yn fy swydd newydd ers dau fis erbyn hyn a dw i wrth fy modd yno. Mae wastad rhywbeth i'w wneud yng Nghaerdydd ac mae pobl yn y gwaith yn hyfryd. Mae cryn dipyn o bobl ifanc yn gweithio yn y swyddfa ac rydyn ni'n cymdeithasu gyda'n gilydd y tu allan i'r gwaith, sydd yn fy helpu i ddod i nabod Caerdydd a phobl newydd.

Dw i'n brysur iawn yn y gwaith. Dw i'n rhannu f'amser rhwng swyddfa Acen a swyddfa Llywodraeth Cynulliad Cymru ym Mharc Cathays lle dw i'n gweithio gyda staff y Llywodraeth sy'n dysgu'r Gymraeg. Dw i'n cydlynu gweithgareddau ar eu cyfer. Dw i'n trefnu sesiynau Coffi a Chlonc ac yn trefnu i bobl enwog ddod i siarad â'r dysgwyr. Hyd yn hyn, dw i wedi cael Robin McBryde a Rebecca Harries (Belonging, Sali Mali a Con Passionate). Cyn bo hir, bydd Gillian Elisa a Mihangel Morgan yn dod.

Dwi wedi dysgu ambell i ddosbarth hefyd a oedd yn dda. Dw i'n mwynhau dysgu oedolion gan eu bod yn frwdfrydig iawn ac eisiau dysgu'r iaith.

Dw i'n hoff iawn o'r ddinas achos mae cymaint i'w wneud yno.

Mae digon o siopau ac mae Bae Caerdydd yn ardal ardderchog sydd wedi datblygu'n fawr yn ddiweddar. Es i weld Chitty Chitty Bang Bang ym mis Awst yng Nghanolfan Mileniwm Cymru. Roedd hi'n wych ac roedd Aled Jones yn anhygoel.

Dyna i gyd oddi wrthyf am y tro, tan y tro nesaf.....