Trawsfudo
Mae trawsfudiad yn symud siâp i fyny, i lawr neu o ochr i ochr ond nid yw’n newid ei ymddangosiad mewn unrhyw ffordd arall.
Mae trawsfudiad yn enghraifft o drawsffurfiad. Mae trawsffurfiad yn ffordd o newid maint neu leoliad siâp.
Mae pob pwynt yn y siâp yn cael ei drawsfudo yr un pellter i’r un cyfeiriad.
Disgrifio trawsfudiadau
Rydyn ni’n defnyddio Mesuriad yw fecror. Mae ganddo faint a chyfeiriad, ee dadleoliad o 4 m i'r gogledd. colofn i ddisgrifio trawsfudiadau.
Mae \(\begin{pmatrix} 4 \\ -3 \end{pmatrix}\) yn golygu trawsfudo’r siâp 4 sgwâr i’r dde a 3 sgwâr i lawr.
Mae \(\begin{pmatrix} -2 \\ 1 \end{pmatrix}\) yn golygu trawsfudo’r siâp 2 sgwâr i’r chwith ac 1 sgwâr i fyny.
Rhoddir fectorau ar y ffurf \(\begin{pmatrix} x \\ y \end{pmatrix}\) lle mae \(x\) yn symudiad llorweddol ac \(y\) yn symudiad fertigol. Yn yr un modd â setiau o echelinau, mae rhifau negatif yn golygu symud i’r chwith ac i lawr a rhifau positif yn golygu symud i’r dde ac i fyny.
Enghraifft
Disgrifia drawsffurfiad y siâp DEFG.
Cafodd y siâp ei drawsfudo gan y fector \(\begin{pmatrix} -3 \\ -6 \end{pmatrix}\).
