TrawsffurfiadauSiapiau cyflun

Os caiff siâp ei helaethu, bydd y ddelwedd yn gyflun â’r siâp gwreiddiol. Mae o’r un siâp ond o wahanol faint.

Mae’r ddau siâp hyn yn gyflun gan fod y ddau ohonyn nhw’n betryal ond mae un yn helaethiad o’r llall.

Trionglau cyflun

Mae dau driongl yn gyflun os yw’r onglau o’r un maint neu os yw’r ochrau cyfatebol yn yr un gymhareb. Bydd y naill neu’r llall o’r amodau hyn yn profi bod y ddau driongl yn gyflun.

Mae triongl B yn helaethiad o driongl A yn ôl ffactor graddfa 2. Mae pob un o’r hydoedd yn nhriongl B yn ddwywaith yn hirach nag yn nhriongl A.

Mae’r ddau driongl yn gyflun.

Enghraifft un

Noda a yw’r ddau driongl yn gyflun. Rho reswm dros dy ateb.

Ydynt, maen nhw’n gyflun. Mae’r ddau hyd wedi’u cynyddu yn ôl ffactor graddfa 2. Mae’r ongl gyfatebol yr un fath.

Enghraifft dau

Noda a yw’r ddau driongl yn gyflun. Rho reswm dros dy ateb.

Er mwyn penderfynu a yw’r ddau driongl yn gyflun, cyfrifa'r onglau coll.

Cofia fod yr onglau mewn triongl yn adio i 180°.

Ydynt, maen nhw’n gyflun. Mae’r tair ongl yr un fath.

Enghraifft tri

Noda a yw’r ddau driongl yn gyflun. Rho reswm dros dy ateb.

Nac ydynt. Cafodd dwy o ochrau’r triongl eu cynyddu yn ôl ffactor graddfa 1.5. Mae’r ochr arall wedi gael ei chynyddu yn ôl ffactor graddfa 2.

Cyfrifo hydoedd ac onglau mewn siapiau cyflun

Mewn siapiau cyflun, mae’r hydoedd cyfatebol yn yr un cyfrannedd. Gelli di ddefnyddio’r ffaith hon i gyfrifo hydoedd.

Enghraifft

Cyfrifa hyd PS.

Ffactor graddfa’r helaethiad yw 2.

Mae hyd PS ddwywaith yn hirach na hyd ps.

Gall siapiau cyflun fod y tu mewn i’w gilydd.