Cynhyrchu syniadau
Gan ganolbwyntio ar y thema natur yn erbyn magwraethY ddadl ynglŷn â beth sy'n llunio ein cymeriad. Ai'r nodweddion rydyn ni'n eu hetifeddu gan ein cyndadau neu ein magwraeth a'n hamgylchfyd sy’n ei lunio?, gallet ti ofyn a fyddai cyfleoedd bywyd y bechgyn wedi bod yn wahanol heddiw. Ydy pethau wedi newid, ydy bywyd yn decach? Gallai’r thema hon fod yn ysgogiad i ti greu dy waith dy hun.
Gan ddefnyddio’r syniad o’r llefaryddY sawl sy'n adrodd stori. Y llais sy'n disgrifio digwyddiadau'r plot. Cymeriad sy'n rhan o'r stori neu sydd ddim yn rhan o'r stori. yn siarad yn uniongyrchol â’r gynulleidfa gallet ti hefyd greu darn o theatr mewn arddull ddogfennol. Mae newyddiadurwr teledu’n perswadio mam sy’n byw mewn tlodi i roi un o’i gefeilliaid i gwpl cyfoethog i weld pa mor wahanol fydd datblygiad y plant. Mae eu bywydau’n cael eu ffilmio’n gyfrinachol i ymchwilio i a ydy cyfleoedd bywyd yn cael eu llunio gan ble rydyn ni’n byw a faint o arian sydd gan ein teulu.
Defnyddiwyd y cysyniad o ffilmio cyfrinachol yn y ffilm The Truman Show ac mae’r syniad o genedl yn ysbïo ar yr unigolyn yn thema gyfoethog arall bosibl i’w defnyddio fel ysgogiad. Os byddi di am ymchwilio i’r syniad hwn ymhellach, gallet ti gynnwys cyfres o symudiadau corfforol a motiffau i gysylltu golygfeydd, yn seiliedig ar dy obsesiwn â sioeau realiti ar y teledu. Gallet ti hefyd ddefnyddio tableauFfrâm fferru neu ddelwedd lonydd ydy tableau. Lluosog tableau ydy tableaux., ôl-fflachGolygfa sy'n dangos rhywbeth a ddigwyddodd yn y gorffennol; adrodd yr hyn mae cymeriad yn ei gofio am ddigwyddiad., llafarganuAraith sy'n cael ei llefaru gan fwy nag un person. Gellir ei chydadrodd neu gall geiriau ac ymadroddion gael eu hailadrodd neu eu hatseinio trwy'r araith. ayyb. Byddai modd hefyd ychwanegu golygfeydd dethol o’r sgript wreiddiol er mwyn cymharu’r adeg honno â nawr.
Ymchwilio i themâu ‘i ffwrdd o’r testun’
Pan fyddi di wedi dynodi themâu dy ddrama, meddylia am sut gallet ti ymchwilio iddyn nhw y tu hwnt i’r hyn a ysgrifennwyd eisoes. Dechreua drwy arbrofi ar dy draed cyn gynted â phosibl. Mae gwaith byrfyfyr yn ffordd dda iawn o gynhyrchu deunydd a syniadau newydd. Hyd yn oed os na fyddi di’n cadw’r gwaith y byddi di’n ei greu, gall fod yn ysgogiad i ragor o syniadau a’th arbed di rhag mynd yn ‘sownd’. Cofia y gall gymryd yr un faint o amser i ti drafod a fydd syniad yn gweithio ag y mae’n ei gymryd i ti roi cynnig arno i weld a fydd yn gweithio.
