Anwythiad electromagnetic
Gall magnet a choil o wifren gael eu defnyddio i gynhyrchu cerrynt trydanol. Mae foltedd yn cael ei gynhyrchu pan fydd magnet yn symud mewn coil o wifren. Enw’r broses hon yw Cynhyrchu gwahaniaeth potensial (foltedd) wrth symud dargludydd, megis gwifren, drwy faes magnetig neu ddod ag ef i gysylltiad â maes magnetig amrywiol. Os ydy’r dargludydd yn rhan o gylched drydan, bydd cerrynt anwythol yn llifo.. Bydd cyfeiriad y foltedd sy’n cael ei anwytho yn newid pan fydd y magnet yn symud o’r coil eto. Gall y cyfeiriad newid hefyd os yw pôl arall y magnet yn cael ei symud i mewn i’r coil.
Os yw’r coil yn rhan o gylched gyflawn, yna bydd cerrynt yn cael ei anwytho yn y gylched.
Sylwa nad oes foltedd yn cael ei anwytho pan mae’r magnet yn llonydd, hyd yn oed os yw’r magnet y tu mewn i’r coil.
I gynyddu’r anwythiad foltedd rhaid:
- symud y magnet yn gynt
- ychwanegu mwy o droadau i’r coil
- cynyddu cryfder y magnet
Image caption, 1. Magnet bar yn gorffwys y tu allan i goil sydd wedi’i gysylltu ag amedr nad yw’n dangos cerrynt
1 of 4
