Defnyddio dy gorffSymudiadau comig

Y mathau mwyaf amlwg o symudiadau comig yw gorwneud ac ailadrodd. Mae yna sawl moment eiconig mewn rhaglenni teledu sydd o bosib yn aros yn hirach yn y cof na’r rhaglenni eu hunain. Un enghraifft ydy David Jason fel Del Boy yn y ddrama gomedi boblogaidd, Only Fools and Horses, yn cwympo yn y dafarn ar ôl i’r cownter gael ei godi heb iddo sylwi. Roedd hwn yn amlwg yn foment a gafodd ei ymarfer yn ofalus, ac oedd yn dibynnu ar amseru a diffyg ymwybyddiaeth lwyr ar ran yr actor o’r hyn oedd ar fin digwydd.

Creodd y comediwr Harry Enfield gymeriad o’r enw Kevin, sef bachgen pwdlyd a blin yn ei arddegau. Roedd iaith ei gorff yn adlewyrchu hyn gyda’r cymeriad yn eistedd mewn osgo diog ac yn llusgo ei hun o gwmpas gyda’i wallt yn ei wyneb drwy’r amser.

Un arall ydy ‘cerddediad doniol’ John Cleese mewn sgets Monty Python a gafodd ei ailgreu yn y ddrama gomedi glasurol, Fawlty Towers.