Osgoi rhwystrau
Un o’r pethau sy’n gallu peri anhawster i actor dibrofiad ydy cyffwrdd â pherfformiwr arall. Gallai fod yn goflaid ramantaidd ond nid dyna’r unig beth sy’n gwneud i bobl deimlo’n chwithig. Ar y llwyfan, mae’n teimlo fel dy fod yn mynd i ofod personol yr actor arall. Fodd bynnag os galli di oresgyn dy bryder ynglŷn â chyffwrdd, boed yn llaw ar ysgwydd, coflaid neu gydio yn llaw rhywun i’w gyfarch yn frwd, bydd yn ychwanegu dilysrwydd i dy berfformiad.
Os byddai dy gymeriad wedi cyffwrdd â’r person arall ar y pwynt hwnnw yn y ddrama, yna dylet ti fel perfformiwr wneud hynny. Ond bydd yn ofalus i beidio â mynd ar draws actor arall. Dylet ti osgoi hyn drwy flocio dy olygfeydd cyn y perfformiad fel bod pob actor yn gwybod lle y dylai sefyll.
Symudiadau cyfnod
Gall hyn fod yn rhywbeth sydd angen llawer o ymchwil ac ymarfer gofalus. Pan fydd merch yn gwisgo Dilledyn tynn sy'n gwasgu ac yn dal y corff mewn siâp arbennig. esgyrn morfil, mae’n golygu bod yn rhaid iddi ddal ei hasennau yn anhyblyg, hyd yn oed pan fydd hi’n eistedd. Mae gwisgo Sgert gylchog a oedd yn cael ei gwisgo gan ferched yn ystod oes y Tuduriaid (1485-1603)., neu sgert enfawr, fel gwraig llys o'r 18fed ganrif, yn mynd i effeithio'n sylweddol ar symudiadau actor. Yn y 1770au, byddai’n rhaid i ferched uchelwrol mewn ffrogiau llydan iawn ddod drwy’r drws wysg eu hochr.
Rhaid i ddynion hefyd ddysgu ymdopi â gwisg cyfnod, boed yn gleddyf, cot dynn o ddechrau’r 19eg ganrif neu ddwbled a chlôs o gyfnod Shakespeare.
