You’re viewing a text-only version of this website that uses less data. View the main version of the website including all images and videos.
Ondo state citizen killed in Jos: Ẹ̀gbọ́n tó jẹ́ arọ, bàbá tí kò lẹ́sẹ̀, ọ̀pọ̀ ìyàwó àti ọmọ ni àbúrò mi tí wọ́n pa ní Jos fi silẹ́ ní Ondo
Usman Tefiu, ẹgbọn ọkan lara awọn Fulani to fi ipinlẹ Ondo ṣe ibugbe ti awọn agbebọn Origwe, ni ariwa Jos, nipinlẹ Plateau pa lọjọ Satide, Maman Lawal, ti rọ ijọba lati yara lati mu awọn to ṣe ijamba ọun lati dena awọn ara ilu lati gbẹsan funra wọn.
Tefiu to ti padanu ẹsẹ rẹ mejeeji to si n fi ọpa rin lo sọ pe ohun ati baba ohun ti ko riran ni o nira fun lati gba iku Maman to padanu ẹmi rẹ lakoko to n pada sipinlẹ Ondo lati ipinlẹ Bauchi.
- Oníkẹ̀kẹ̀ 'Maruwa ló dóòlà ẹ̀mí bí bẹ́ẹ̀ kọ́ mí o ba tí bá iṣẹ̀lẹ̀ Jos lọ
- Ọjọ́ burúkú, ọjọ́ ìbànújẹ́ ní òní jẹ́ fún wa lágbègbè Niger Delta - PANDEF
- Wàhálà míràn tún bẹ́ sílẹ̀ ní Jos lẹ́yìn ìpànìyàn to wáyé lọ́jọ́ Satide
- Wo ohun tó yẹ kí o mọ̀ nípa Taliban àti bí wọ́n ṣe gbàjọba ní Afganistan
- Aṣòfin ọmọ ìpínlẹ̀ Ondo, Adedayo Omolafe "Expensive" ti jáde láyé
O ni bo tilẹ jẹpe o yẹ ki wọn ri iṣẹlẹ yi bii amuwa Ọlọrun gẹgẹ bii musulumi ododo, ṣugbọn awọn ti wọn ṣiṣẹ laabi ọun ni wọn gbudọ fimu kata ofin ki ọkan awọn to le e balẹ.
O ni oloogbe ọun lo fi aya meji ati ọpọ ọmọ silẹ fun ohun ẹgbọn rẹ ti ko lẹsẹ ati baba awọn ti ko riran.
" Mo ki aburo mi nilọ pe ko ma rinrinajo lọ si Bauchi lakoko yii, nitori eto aabo to mẹhẹ, amọ o faake kọri. O si lọ.
Ẹwẹ, Tefiu dupe lọwọ gomina ipinlẹ Ondo, Rotimi Akeredolu fun igbesẹ rẹ lori iṣẹlẹ naa.
Darandaran miran, Abdulai Shu'aibu eni ti'o padanu ọmọ re sọpe ohun gbogbo ko sebẹ sẹnu're mọ lẹyin ti wọn sọ iroyin ibanujẹ nipa iku ọmọ re fun, ti o si kesi ijoba lati fi panpẹ ofin mu awọn ti o sekupa ọmọ rẹ.
- Àwọn agbébọn gbé akẹ́kọ̀ọ́ 15 ní ilé ẹ̀kọ́ gíga kan ni Zamfara, wọ́n tún pa èèyàn mẹ́rin
- Ẹni orí yọ, ó di ilé ni ọ̀rọ̀ dì fún àwọn ọmọ orílẹ̀-èdè Afghanistan nítorí wàhálà tó n wáyé láàrin Taliban àti ìjọba
- Iléeṣẹ́ tó ni 'billboard' Lekki Toll Gate ṣọ ìdí tó ṣe pa iná lọ́jọ́ tí àwọn sọ́jà yìnbọn níbi ìwọ́de EndSARS
- Ìṣẹ̀lẹ̀ ilẹ̀ rírì pa èèyàn 304, èèyàn 1,800 tún farapa ní Haiti
Nibi ipade alaafia ti won se nilu Ibaram-Akoko, to wa ni ijọba ibilẹ Iwọ oorun-Ariwa Akoko, igbakeji gomina, Lucky Aiyedatiwa to ṣoju Akeredolu ti sọ pe ijọba ipinlẹ Ondo ati Plateau n sisẹ takun-takun pẹlu awon ẹsọ alaabo lati fi panpẹ mu awọn to sọsẹ naa.
O parọwa fun wọn lati samuduro ibagbepọ alalafia ti wọn ni pelu awọn ara ilu naa pẹlu aridaju pe ijọba yoo pese abo ti o peye.
Akala tilu Ikaram-Akoko, Ọba Andrew Momoh sapejuwe iku awọn Fulani naa gẹgẹ bi adanu nla, bnitori pe bii ọmọ iya kan naa ni wọn jọ n gbe pọ.
Saaju abẹwo igbakeji gomina, awọ̀n Fulani naa ṣe akanṣe adura fun awọn to padanu ẹmi wọn pe "ki Ọlọrun tẹ wọn si afẹfẹ rere, ko si fun awọn to wa nileewosan ni alaafia.
