FIFA ní kí àjọ bọ́ọ̀lù ní Nàìjíríà, NFF ó san N156m owó gbà máà bínú fún Gernot Rohr akọ́nimọ̀ọ́gbá rẹ̀ tẹ́lẹ̀
Oríṣun àwòrán, other
Gbese ẹgbẹrun lọna ọrinlelọọdunrun o din meji dọla ilẹ Amẹrika, ($378,000) ni ajọ bọọlu ni Naijiria, NFF jẹ akọnimọọgba ikọ agbabọọlu Super Eagles tẹlẹ, Gernot Rohr fun lile akọnimọọgba naa kuro lẹnu iṣẹ ṣaaju ọjọ to wa lori iwe adehun igbanisiṣẹ rẹ.
Ni oṣu kejila ọdun 2022 ni ajọ NFF yọ Rohr lẹnu iṣẹ nigba to ku ọsẹ mẹrin ki wọn bẹrẹ idije ife ẹyẹ bọọlu forilẹede Afirika lorilẹede Cameroun.
Wọn yan Austin Eguavoen rọpo rẹ.
- Ṣé Christiano Ronaldo yóò dúró tàbí kò ní dúró n'Manchester United fún sáà líìgì tó ń bọ̀?
- Jurgen Klopp tọwọ́ bọ̀wé àdéhùn tuntun pẹ̀lú Liverpool di 2026
- Láì tíì pé ọ̀sẹ̀ kan tó kéde akọ́nimọ̀ọ́gbá tuntun, Man U tún jẹ àjẹranjú ìyà lọ́wọ́ Arsenal pẹ̀lú góòlù Mẹ́ta sí ẹyọkan
- Ìpapòda Aláàfin kò ní dá ètò ìfinijoyè Gbajabiamila dúró- Ọyọmesi
- Irọ́ ni, irọ́ kọ́ Toyin Adegbola àti àwọn míì sọ̀rọ̀ nípa fídíò Biola àti Olùdarí ere tí wọ́n jọ ní gbólóhùn asọ̀
- Ó pé ọdún 35 tí Obafemi Awolowo kú, wo àwọn nkan mánigbàgbé tí o kò gbọ́ rí nípa rẹ̀
- Mọ̀lẹ́bí ṣàlàyé kíkún nípa bí agbébọn ṣe ṣekúpa Gloria Mathew àti àfẹ́sọ́nà rẹ̀ nínú igbó ní ìpínlẹ̀ Imo
Lootọ ni pe NFF ti gba tẹlẹ lati san owo oṣu fun akọnimọọgba naa titi di igba ti adehun iṣẹ rẹ yoo fi pari.
Rohr gbe ajọ NFF lọ siwaju ajọ bọọlu lagbaye, FIFA lati beere fun ẹkunwo si owo naa fun gbigba iṣẹ lọwọ oun lati ọjọ.
Miliọnu kan pọun owo ilẹ Gẹẹsi ni Rohr beere fun niwaju igbimọ olugbẹjọ FIFA, ṣugbọn ọrinlelọọdunrun o din mẹtalelogun ati diẹ dọla ($377,879.46) ni wọn fọwọ si fun un.
Ọjọ marundinlaadọta si ni FIFA fun ajọ NFF lati fi san owo gba maa binu naa fun Gernot Rohr, bibẹẹkọ, wọn yoo tun fi alekun owo itanran gbara.
"Bi owo gba maa binu yii ko ba di sisan laarin ọjọ marundinlaadọta lẹyin idajọ yii, olujẹjọ (Ajọ NFF) yoo fi awọn itanran miran jora bii gbigbẹsẹle awọn ida kan ninu owo iṣuna idagbasoke ti wọn maa n gba, titi di igba ti wọn ba san owo naa pari."
