Muslim prayers: Wàhálà n rúgbó bọ̀ ní ìlú kan ní India nítorí bí àwọn Musulumi ṣe n kírun

Rogbodiyan kan ti n waye agbegbe kan nitosi ilu Delhi, to jẹ olu ilu orilẹ-ede India, nitori bi àwọn kan ṣe koju ija si awon musulumi.

Lati bi oṣù mẹta, gbogbo ọjọ Ẹti ni àwọn kan to jẹ ẹlẹ́sìn Hindu ma n ko ara wọn jọ lati di ìrun kiki awọn musulumi duro ni àwọn ibi to jẹ ilẹ̀ ijọba ni ilu Gurgaon.

Wọn a si ma a pariwo pe ki wọn o fi opin si irun kiki ni àwọn àyè bi ibudokọ, àwọn ilẹ̀ ijoba to wa nitosi àwọn ileesẹ nla, ọjà ati laarin adugbo ti àwọn eeyan n gbe. Àwọn ibi ti a darukọ yii ni awon musulumi to n sisẹ nibẹ ti ma n kirun lati àìmọye ọdun.

Nise ni àwọn ẹlẹ́sìn Hindu naa ma n fi ọkọ wọn di oju ọna, ti wọn si ma n pariwo le awọn musulumi naa lori pe alakatakiti ẹsin ni wọn.

Ẹnikan lara awọn olori àwọn Hindu to n fi ẹhonu han, Kulbhushan Bhardwaj sọ pe awọn ko tako ẹsin Islam, sugbọn bi wọn ṣe n gbadura ni gbangba jẹ "Jihad ilẹ̀ gbígbà".

Àmọ́, àwọn musulumi sọ pe aisi àyè tó pọ̀ lo n faa.

Ọdun 2018 ni iwọde ti bẹrẹ nitori adura gbigba ni gbangba. Leyin ọpọlọpọ iduna-dura, àwọn ẹgbẹ́ musulumi gbà lati din àwọn ibudo ti wọn lo ku si mẹtadinlogoji lati mejidinlaadọfa.

Ṣugbọn iwọde tun bẹrẹ pada ni ọdun yii, ti ẹnikẹni ko si le sọ nkan to fa. Leyin naa ni àwọn musulumi tun din ibudo ti wọn ti n kirun kù si ogún.

Ni bayii, nise ni àwọn ọlọpaa ma n yi àwọn musulumi naa ka lasiko ti wọn ba n kirun.