Ekiti rape case: Ẹ̀ṣọ́ ìyàwó Gómìnà Ekiti Bisi Fayemi bọ́ sọ́wọ́ ọlọ́pàá lórí ẹ̀sùn ìfipábánilòpọ̀ l'Abuja
Oríṣun àwòrán, FACEBOOK/KAYODE FAYEMI
Ileeṣẹ ọlọpaa olu ilu orilẹede Naijiria, Abuja ti fi ọwọ sinkun ofin mu ọkan lara awọn ẹṣọ iyawo gomina ipinlẹ Ekiti, Erelu Bisi Fayemi.
Ẹsun ti wọn fi kan ẹṣọ naa ni pe o fipa ba obinrin lopọ niluu Abuja lọjọ karun un oṣu keje.
Kọmiṣọnna eto idajọ ipinlẹ Ekti, Olawale Fapohunda lo fọrọ naa lede loju opo Facebook ipinlẹ Ekiti.
- Sunday Igboho, Akintoye àtàwọn míràn fa Buhari, Malami àtàwọn míì lọ síwájú ilé ẹjọ́ àgbáyé ICC
- Oríire ńlá ló jẹ́ fún àwọn ọmọ Naijiria pé orílẹ̀-èdè yìí ṣì wà ní ọ̀kan ṣoṣo- Buhari
- Mo gbọ́ pé babaláwo mẹ́ta ló tẹ̀lé àwọn DSS lọ sí ilé Sunday Igboho- Gani Adams
- Aya Aarẹ Ghana ati aya ìgbákejì Aarẹ Ghana ti dá gbogbo owó oṣù tí wọ́n gbà láti 2017 padà sápò ìjọba
- Gbẹgẹdẹ gbiná, ṣọ́jà àtàwọn jàǹdùkú fìjà pẹẹ́ta lọ́jà Ladipo l'Eko
- Mọ si nípa àbá òfin tí yóò mú kí ìjọba ìpínlẹ̀ Ekiti le gbẹ́sẹ̀ lé ilé tàbí ilé ìtura tí ífipá bálòpọ̀ bá ti wáyé
Fapohunda ṣalaye pe ẹka ileeṣẹ ọlọpaa Abuja to n ri si ẹsun iwa ọdaran ti bẹrẹ iwadii lori iṣẹlẹ naa.
Kọmiṣọnna eto idajọ ipinlẹ Ekti sọ pe ipinlẹ Ekiti yoo ṣiṣẹ pọ pẹlu ileeṣẹ ọlọpaa Abuja lori iṣẹ iwadii wọn.
''Ọmọbinrin ti iṣẹlẹ yii ṣẹlẹ si ti n gba itọju ati atilẹyin to nilo bayii.
Bakan naa a ko fẹ ki ẹnikẹni mọ ọmọbinrin naa lati le daabo bo o ki o maa ba di ojuti fun un.
Ijọba Ọmọwe Kayode Fayemi yoo maa tẹsiwaju lati tako iwa ifipabanilopọ nipinlẹ Ekiti.
Content is not available
View content on FacebookBBC kò mọ̀ nípa àwọn ohun tí ó wà ní àwọn ojú òpó tí ó wà ní ìta.End of Facebook post
Amọ, ijọba nilo iranlọwọ awọn araalu lati maa sọrọ soke lori iwa ifipabanilopọ ki ijọba le gbe igbesẹ ni kiakia.
Ajumọṣe gbogbo wa ni ọrọ ti o wa nilẹ yii,'' Fapohunda lo sọ bẹẹ.
Ẹwẹ, ijọba ipinlẹ Ekiti ti gbe eeyan mọkanlelọgọfa lọ si ileẹjọ lori ẹsun ifipabanilopọ.
Kọmiṣọnna eto idajọ ipinlẹ Ekti ni igbẹjọ ti n lọ lọwọ lori awọn ẹsun naa.
O fikun ọrọ rẹ pe awọn eeyan ti ẹbi wọn sẹtan lati gbaruku ti ijọba lori ṣiṣe ẹjọ ni ijọba n ṣe ẹjọ wọn.
