Alakuko/Elega Schools: Aráàlú ní olùkọ̀ọ́ àti akẹ́kọ̀ọ́ ti sá ní kíláàsì tí kò dára

Nibayii ti gbogbo agbaye n gbe eto ẹkọ larugẹ nitori ko si abuja mii lọrun ọpẹ lati de ibi giga, agbegbe meji ree nipinlẹ Kwara, ti akude n ba eto ẹkọ wọn.

Awọn agbegbe naa ni Iyana Alakuko ati Elega ti wọn wa nijọba ibilẹ Asa nipinlẹ Kwara, eyi to to kilomita mẹẹdogun silu Ilorin.

Ileewe kan soso lo wa ni Iyana Alakuko eyi tawọn ọmọ abule naa n lọ amọ awọn yara ikawe to wa nibẹ ko wu oju ri rara.

Ori ilẹ ni awọn olukọ ati akẹkọ n joko si fun eto ẹkọ nitori pe wọn ko ni aga ati tabili ikẹkọ rara.

Koda yara ikawe oni yara meji naa lo wa fun awọn akẹkọọ lati ipele kinni de ikẹfa, ti awọn orule yara ikawe naa si ti lanu kalẹ.

Bakan naa ni ọmọ sori ni abule Elega nibi ti ileewe oni yara ikawe meji to wa nibẹ ti lanu kalẹ, to si ti fẹẹ da wo lulẹ.

Àwọn ìtàn mánigbàgbé tì ẹ leè ní ìfẹ̀ síí:

Koda, ikan ti mu ọpọ orule to gbe awọn kilaasi naa ro eyi to lewu pupọ fun ẹkọ kikọ.

Nigba ti BBC Yoruba se abẹwo si awọn ile ẹkọ to wa ni abule Iyana Alakuko ati Elega, awọn olukọ ati araalu ni ọpọ olukọ ati akẹkọọ ni ko wa sile iwe mọ nitori ewu to wa nibẹ.

Wọn wa n rọ ijọba ipnilẹ Kwara lati dide iranwọ, ki awọn ile ẹkọ naa ma baa dẹnu kọlẹ tan patapata.