Chief (Mrs.) Opral Benson: Ìdí rèé tí Oba Eko ṣe fi Olóyè Opral Benson jẹ Yeye Oge ìlú Eko
Oríṣun àwòrán, City People
Ọpọ eeyan ni ko mọ ohun to mu ki Ọlọlajulọ, Oba Eko nigba kan ri, Oba Adeyinka Oyekan fi Opral Benson jẹ oye Yeye ilu Eko.
Lọdun 1973 ni eto naa waye nibi ti Oba Oyekan to ti waja bayii ti fi Mama Benson jẹ oye.
Mama Benson to ti pe ẹni ọdun marunlelọgọrin bayii di Yeye Oge ilu Eko nitori bi o ṣe maa n mura daadaa nigba naa lasiko ni orilẹ-ede Naijiria ṣẹṣẹ gba ominira.
Àwọn ìtàn mánigbàgbé tì ẹ leè ní ìfẹ̀ síí:
- Ìtàn ayé Henry Fajemirokun, olówó tó fi owó mọ Olúwa àti ènìyàn
- Ìtàn ayé Taiwo Oredein rèé, àgbà òṣèlú tó parí ayé rẹ̀ sọ́gbà ẹ̀wọ̀n
- Ìtàn ìgbé ayé Bode Thomas rèé, ó kọ́ wa láti máa kó ẹnu wa ní ìjánu
- Ṣo mọ̀ pé J.F Odunjo jẹ aṣòfin àti mínísítà nílẹ̀ yìí, yàtọ̀ sí pé ó jẹ́ òǹkọ̀wé?
- Ìtàn Àrọ̀gìdìgbà jẹ́ kí ń rò pé bàbá mi yan Yemọ̀ja ní àlè - Ọmọ Fagunwa
- Ó pé ọdún mẹ́rìnlélàádọ̀ta tí Akintola kú, ìdí abájọ ìja rẹ̀ pẹ̀lú Awolowo rè é
Ọpọ lo tilẹ ro pe inagijẹ lasan ni ni Yeye Oge ti Benson n jẹ.
Rara o, Oba Eko lo fi oye naa da a lọla nitori bi o ṣe gboge lawujọ.
Oríṣun àwòrán, SeriouslyDoughnuts
Oloye Rasheed Gbadamosi, onimọ nipa iṣowo to ti di oloogbe bayii sọ nigba aye rẹ nipa bi Benson ti gbajugbaja pẹlu ara mimu ati oge ṣiṣe nigba to fi wa ni sangoode.
Oloye Gbadamosi ni gbogbo eeyan ni Benson maa n da lọrun nigba naa pẹlu imura rẹ ati bi o ṣe gbọ oge,
Koda. Oloye Gbadamosi kọ ọrọ apilẹkọ nipa Mama Benson nigba to pe ọgọrin ọdun loke eepẹ.
Oríṣun àwòrán, Opral Benson
Ninu ọrọ rẹ, Oloye Gbadamosi ṣalaye pe ''lẹyin to ṣe igbeyawo tan pẹlu Oloye T.O.S. Benson, ti o si fi Liberia orilẹede abinibi rẹ silẹ wa si ilu Eko, o di ẹni aji tana wo laarin ọdun mẹrin ni Naijiria.''
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post
''Lakọkọ, imura rẹ ati bi o ṣe gboge lo jẹ ko di ẹni ti gbogbo eeyan fẹran, ati ọkunrin ati obinrin lo nifẹ rẹ,'' Oloye Gbadamosi lo sọ bẹẹ.
- Gomina Sanwo-Olu sún ọjọ́ "ṣiṣẹ́ láti ilé" síwájú fún àwọn òṣìṣẹ́ ìjọba
- Ó pé ọdún mẹ́wàá tí Barrister kú; wo ǹkan tó yẹ láti mọ̀ nípa rẹ̀ gẹ́gẹ́ bíi olórin, tẹ̀wé-tẹ̀wé, akọ̀wé àti sọ́jà
- NIMC registration portal: Wo ọ̀nà tí o le gbà rí fọ́ọ̀mù ìforúkọsílẹ̀ fún NIN rẹ gbà àti àwọn ibùdó ìforúkọsílẹ̀ lágbáyé
- Ṣé lóòtọ́ ni pé Aisha Buhari ti kó lọ sí Dubai? Ẹ wo òtítọ́ ọ̀rọ̀ nàá
Koda. Mama Benson ko ṣe akitiyan kankan lati di ẹni tawọn akọroyin n kọ nipa rẹ ti wọn fi bẹrẹ si ni gbe iroyin nipa orekelẹwa naa.
Bi awọn oniwe iroyin ṣe n kọ nipa Benson lawọn sọrọsọrọ lori ẹrọ amohunmaworan naa n gbe wa sori eto.
Oríṣun àwòrán, Instagram/opralbenson
Opral Benson pe ọdun marunlelọgọrin laipẹ yii, ṣugbọn ko tiẹ da bi ẹni to ti pe ọdun marunlelọgọrin loke eepẹ.
Opral Benson gboge de bi pe o da ileeṣẹ iṣaraloge, Chic Afrique Beauty Company Ltd. silẹ.
O tun da omiran Opral Benson Beauty Training Institute silẹ lọdun 1985.
Nibo ni Opral Benson ti wa?
Wọn bi Opral Benson si idile Johnson ati Lilly Mason ni Arthington lorilẹede Liberia ni awujọ awọn ọlọrọ lati ilẹ Amẹrika ni Liberia.
Awọn baba nla rẹ wa si Liberia lati ipinlẹ South Carolina lati orilẹede Amẹrika lọdun 1869.
Ẹgbọn baba rẹ kan lobinrin, Aunty Margaret lo kọkọ sọ ọ ni Opal eyi ti itumọ rẹ jẹ goolu iyebiye oloriṣiiriṣii awọ.
Ṣugbọn oun fun ra rẹ yiorukọ naa pada si Opral nigba ti o n dagba.
Benson bẹrẹ ileewe nile iwe alakọbẹrẹ AME to wa ni Arthington ni Liberia ko to lọ si ileewe Arthington Central School ati College of West Africa fun ikleewe girama.
Oríṣun àwòrán, Opral Benson
Benson bi ọmọ akọbi rẹ nigba to wa nile iwe girama fun ọkan lara awọn olukọ rẹ, John Bilson nigba naa.
Lẹyin to bimọ tan ni wọn fun un ni eto ẹkọ ọfẹ eyi to mu lọ kawe sii nile ẹkọ Morris Brown College.
Benson ṣiṣẹ gẹgẹ bi oludari eto nipa ọrọ awọn akẹkọọ ni ileewe giga fasiti ilu Eko, UNILAG lọdun 1973 ti Oba Eko fi joye kan naa.
Wọn tun yan an sipo gẹgẹ bi ọkan lara ọmọ igbimọ ajọ agunbanirọ, National Youth Service Corps.
O tun wa ninu igbimọ Nigerian Olympic Committee lọdun 1982.
